JM Myanma Gems & Jewellery

29/01/2026

ရွှေစျေးတက်မလား ကျမလား မေးနေသူအတွက်ပါ ဗဟုသုတ ဖြစ်ဖွယ်ရေးပေးလိုက်ရပါတယ်

ကမ္ဘာ့လူဦးရေနှင့် တစ်ဦးချင်းစီရရှိမည့် ရွှေပမာဏ
​လက်ရှိ ၂၀၂၆ ခုနှစ်ရဲ့ ခန့်မှန်းချက်တွေအရ တွက်ချက်ထားတာ ဖြစ်ပါတယ်။
​ကမ္ဘာ့လူဦးရေ: ၈.၂ ဘီလီယံ (၈,၂၀၀,၀၀၀,၀၀၀) ဦးခန့် ရှိပါတယ်။
​ကမ္ဘာ့ရွှေစုစုပေါင်း: သမိုင်းတစ်လျှောက် တူးဖော်ပြီးသမျှ ရွှေပမာဏ ၂၁၂,၅၀၀ တန်ခန့် ရှိပါတယ်။
​ကျပ်သားဖြင့် တွက်ချက်မှု:
ကမ္ဘာပေါ်မှာရှိတဲ့ ရွှေအားလုံးကို လူဦးရေနဲ့ အညီအမျှ ခွဲဝေလိုက်မယ်ဆိုရင် လူတစ်ဦးကို ရွှေ ၂၆ ဂရမ် ခန့် ရရှိမှာပါ။ မြန်မာကျပ်သားနဲ့ ပြောင်းလိုက်ရင် ၁ ကျပ်သား နဲ့ ၉ ပဲ (၁.၅၆ ကျပ်သား) ခန့် ရရှိမှာ ဖြစ်ပါတယ်။

​၁။ ဗဟိုဘဏ်ရွှေများကို ဖယ်ထုတ်ခြင်း
​ကမ္ဘာပေါ်မှာရှိတဲ့ ရွှေစုစုပေါင်း (၂၁၂,၅၀၀ တန်) ထဲကမှ နိုင်ငံတကာ ဗဟိုဘဏ်တွေက ပိုင်ဆိုင်တဲ့ အရန်ရွှေ (၃၆,၀၀၀ တန် ခန့်) ကို ဖယ်ထုတ်လိုက်ရင် လက်ဝတ်ရတနာ၊ ရင်းနှီးမြှုပ်နှံမှုနဲ့ စက်မှုလုပ်ငန်းသုံးအတွက် ကျန်ရှိတဲ့ ရွှေပမာဏဟာ ၁၇၆,၅၀၀ တန် ခန့် ရှိပါတယ်။
​၂။ တစ်ဦးချင်းစီ ရရှိမည့် ရွှေပမာဏကို တွက်ချက်ခြင်း
​လက်ရှိ ကမ္ဘာ့လူဦးရေ ၈.၂ ဘီလီယံ နဲ့ တွက်ချက်ထားတာ ဖြစ်ပါတယ်။
​ဂရမ်ဖြင့် တွက်ချက်မှု: လူတစ်ဦးကို ရွှေ ၂၁.၅ ဂရမ် (21.5g) ခန့် ရရှိပါမည်။
​မြန်မာကျပ်သားဖြင့် တွက်ချက်မှု: တစ်ကျပ်သားမှာ ၁၆.၆ ဂရမ် ရှိတဲ့အတွက် ၂၁.၅ ကို ၁၆.၆ နဲ့ စားရင် ၁.၂၉ ကျပ်သား ခန့် ရရှိမှာ ဖြစ်ပါတယ်။
​အဖြေချုပ်
​ဗဟိုဘဏ်တွေက စုထားတဲ့ ရွှေတွေကို ဖယ်ပြီး တွက်ချက်မယ်ဆိုရင် ကမ္ဘာ့လူသားတစ်ဦးချင်းစီဟာ ၁ ကျပ်သား နဲ့ ၄ ပဲခွဲ ခန့် ရရှိမှာ ဖြစ်ပါတယ်။
​ဒါဟာ အရန်ရွှေတွေပါဝင်စဉ်က ရရှိတဲ့ ၁.၅၆ ကျပ်သားထက်စာရင် လူတစ်ဦးကို ၅ ပဲဖိုးခန့် လျော့နည်းသွားတဲ့ ပမာဏ ဖြစ်ပါတယ်။

ဒါဆို ရွှေက Limited ဖြစ်နေပြီးလား

ဟုတ်ကဲ့၊ ရွှေဟာ အကန့်အသတ်ရှိတဲ့ Limited Resource အမျိုးအစားထဲမှာ ပါဝင်ပါတယ်။ ဒါကြောင့်လည်း ရွှေကို "Safe Haven" လို့ခေါ်တဲ့ တန်ဖိုးမပျက်တဲ့ ပိုင်ဆိုင်မှုအဖြစ် သတ်မှတ်ကြတာပါ။
​ဘာကြောင့် ရွှေက Limited ဖြစ်နေရတာလဲဆိုတဲ့ အချက်တွေကို အောက်မှာ ရှင်းပြပေးထားပါတယ်ရှင်။
​၁။ သဘာဝအရ ထပ်မံဖန်တီး၍ မရခြင်း
​ရွှေဟာ စက္ကူပိုက်ဆံတွေလိုမျိုး အစိုးရက ကြိုက်သလောက် ရိုက်ထုတ်လို့ရတဲ့အရာ မဟုတ်ပါဘူး။ ရွှေကို ဓာတ်ခွဲခန်းထဲမှာ ဖန်တီးလို့ မရသလို၊ သဘာဝတရားကနေ နှစ်ပေါင်းသန်းချီပြီး ဖြစ်ပေါ်လာတဲ့ ဒြပ်စင်တစ်ခုဖြစ်လို့ ကမ္ဘာပေါ်မှာ ရှိသလောက်ပဲ သုံးစွဲခွင့် ရှိပါတယ်။
​၂။ တူးဖော်ရန် ကျန်ရှိသည့် ရွှေပမာဏ နည်းပါးလာခြင်း
​ပညာရှင်တွေရဲ့ ခန့်မှန်းချက်အရ ကမ္ဘာ့မြေအောက်မှာ တူးဖော်ဖို့ ကျန်ရှိနေသေးတဲ့ ရွှေဟာ တန်ချိန် ၅၀,၀၀၀ ကျော် ဝန်းကျင်ပဲ ရှိပါတော့တယ်။ အခုလက်ရှိ တူးဖော်နေတဲ့ နှုန်းအတိုင်းဆိုရင် နောက်ထပ် ၁၅ နှစ် ကနေ နှစ် ၂၀ အတွင်းမှာ တူးရလွယ်တဲ့ မြေအောက်ရွှေတွေ အကုန်လုံး ကုန်ဆုံးသွားနိုင်ပါတယ်။
​၃။ တူးဖော်ရ ပိုမိုခက်ခဲလာခြင်း
​အရင်တုန်းကလို မြေမျက်နှာပြင်မှာတင် ရွှေကို အလွယ်တကူ ရှာမတွေ့နိုင်တော့ပါဘူး။ အခုနောက်ပိုင်းမှာ ရွှေတူးဖို့အတွက် မြေအောက်အနက်ကြီးတွေအထိ တူးရတာ၊ နည်းပညာအမြင့်တွေ သုံးရတာကြောင့် ကုန်ကျစရိတ်တွေ ပိုများလာပြီး ရွှေအသစ်ထွက်နှုန်းကလည်း တစ်နှစ်ထက်တစ်နှစ် လျော့နည်းလာနိုင်ပါတယ်။
​၄။ ပြန်လည်အသုံးပြုမှု (Recycling) သာ ရှိတော့ခြင်း
​ရွှေက ပျက်စီးသွားတဲ့အရာ မဟုတ်ဘဲ အရည်ကြိုပြီး အသစ်ပြန်လုပ်လို့ ရပါတယ်။ ဒါပေမဲ့ အသစ်တူးဖော်တာ ရပ်ဆိုင်းသွားတဲ့ တစ်နေ့မှာတော့ ကမ္ဘာပေါ်မှာ ရှိပြီးသား ရွှေတွေကိုပဲ လက်ပြောင်းလက်လွှဲ လုပ်ပြီး သုံးစွဲကြရတော့မှာ ဖြစ်ပါတယ်။
​အနှစ်ချုပ်အားဖြင့် -
ရွှေဟာ လူဦးရေတိုးပွားလာတာနဲ့အမျှ တစ်ဦးချင်းစီ ပိုင်ဆိုင်ခွင့်ရမယ့် ပမာဏက နည်းသွားမှာဖြစ်သလို၊ အသစ်ထွက်နှုန်းကလည်း ကန့်သတ်ချက် ရှိနေတဲ့အတွက် ရေရှည်မှာ တန်ဖိုး ပိုမိုမြင့်တက်လာနိုင်တဲ့
အရာတစ်ခု ဖြစ်ပါတယ်။

Credit.

16/01/2026

When gold prices were up, you can consider quality glassy natural Myanmar ruby.

24 Pieces- 15 Carat

CB for details 🙏

09/09/2025

https://www.facebook.com/share/1B32LHdAEe/?mibextid=wwXIfr

လေလံပွဲ သမိုင်းတွင် စျေး အမြင့်ဆုံးရရှိခဲ့​သော မြန်မာ့ ကျောက်စိမ်းရတနာ လည်ဆွဲ။

၂၀၁၄ ခု ဟောင်​ကောင် Sotheby’s လေလံပွဲတွင် USD ၂၇.၄ သန်း ဖြင့် စျေးအမြင့်ဆုံး ရရှိခဲ့သည်။ imperial Jade quality ရှိ ဤ လည်ဆွဲကို ပုတီးလုံး​ပေါင်း ၂၇ နှင့် သီကုံး ထားရှိသည်။ ပုတီး တလုံးစီ ၏ အရွယ်ပမာဏ မှာ ၁၅.၄ mm မှ ၁၉.၂ mm အထိရှိရာ ယခု ခေတ်ကာလတွင် အင်မတန် ရှားပါးလှသည့် ပုတီး ဖြစ်သည်။ ၁၅ မီလီမီတာ အရွယ်ခန့် ရှိ​သော ပုတီးများပင် ယ​နေ့ ခေတ်ကာလ တွင် မြင်​တွေ့ရခြင်းမရှိ​တော့​ပေ။

ဤ လည်ဆွဲပုတီးရတနာ တန်ဖိုး ပိုမို မြင့်မားရသည့် အ​ကြောင်းတခုမှာ နောက်ဆုံးဆင်မြန်းခဲ့သူ ကြောင့်လဲ ပါဝင်သည်။ အ​မေရိကန် နိုင်ငံတွင် တော်​ဝင် မင်းသမီးများ မရှိ​သော်လည်း တော်ဝင် မိသားစု များပမာ ဩဇာ တိက္ကမ ကြီးမား​သော သူကြွယ်မိသားစု များ၏ အ​မွေခံ အထက်တန်းလွှာ သတို့သမီးများ အပြိုင်အဆိုင် ရှိကြရာ ထို့အနက်မှ woolworth retail empire ကြီး၏ အ​မွေခံ Barbara Hutton ဆင်မြန်းခဲ့ခြင်းသည် လည်း အ​ကြောင်းရင်းတခု ဖြစ်သည်။

နောက်တချက်မှာ လည်ဆွဲအား သီကုံး​ပေးခဲ့သည့် ရတနာလုပ်ငန်း / ပန်းထိမ် ၏ လက်ရာနှင့် အရှိန်အဝါ ဖြစ်သည်။ ၁၉၃၃ ခုနှစ်တွင် ကမ္ဘာ​ကျော် cartier ရတနာလုပ်ငန်းကြီးမှ ဤလည်ဆွဲကို ဖန်တီး​ပေးခဲ့ခြင်း မှာလဲ ရတနာ၏ တန်ဖိုး နှင့် ဂုဏ် သိက္ခာကို နှစ်​ပေါင်းများစွာ တန်ဖိုး တက်​စေနိုင်သည့် အ​ကြောင်းရင်း တချက်ပင်ဖြစ်သည်။

မည်သို့ဆို​စေ၊ မြန်မာ့ တွင်းထွက် ကျောက်စိမ်း ရတနာ လည်ဆွဲတခုအဖြစ် ဂုဏ်ယူဖွယ် တင်ပြအပ်ပါသည်။

ရတနာချစ်သူများ ရွှင်လန်း ချမ်း​မြေ့ပါ​စေ။

မေတ္တာဖြင့်
Glorious Gems
Mogok Valley Gems & Jewelry


The Hutton-Mdivani necklace is considered by many as the best “jadeite jade” jewellery piece ever reported, featuring 27 graduated drilled beads of fine-quality emerald-green translucent pyroxene jade (known in the trade as “imperial jade”), ranging from 15.4 mm to 19.2 mm, with a ruby and diamond clasp signed by Cartier dated 1933. Known in China as Fei cui (翡翠), jadeite jade, this granular to fibrous polycrystalline aggregate, composed solely or principally of the minerals jadeite, omphacite and kosmochlor was introduced in the Chinese market by the mid-18th century after the peace treaty between China and Burma.
The necklace, gathering a considerable number of matching beads of the highest quality, was a gift to American heiress Barbara Hutton on the occasion of her wedding to Georgian prince Alexis Mdivani in the 1930s, hence the name. Given its unique high calibre, it is believed that the necklace previously belonged to a distinguished member of the Chinese imperial court of the Qing dynasty. It was sold at auction in 1988 for US$2 million, in 1994 for US$4.4 million and in 2014 at Sotheby’s Hong Kong for US$27.4 million to the Cartier Museum Collection.
Today I am very lucky to attend the Federation for European Education in Gemmology - FEEG Symposium in Brussels where Richard W. Hughes of Lotus Gemology , co-author of the recently released book on jade nomenclature “The Broken Bangle”, will discuss precisely this: jade terminology.
Photos © Sotheby’s

02/09/2025

Myanmar colourful natural jade type A with certificate

Bead size - 0.6cm

ကျောက်ရည်လှသော မြန့်သဘာဝရောင်စုံ ပုတီကျောက်စိမိးလက်ကောက်လေး
ပေါ့ပေါ့ပါးပါး လေးနဲ့လှတယ်

💰380S$

25/08/2025

K-pop star Gdragon ရဲ့ jewellery design

Natural yellow diamond (0.3ct), white diamonds (0.55ct) with 18K gold pendant
Size- 1.8cm
(Certificate +)

🌼🌼🌼အရမ်းလှ

04/08/2025

ကျောက်မျက်ရတနာတွေထဲမှာ ပါဝင်တဲ့ အပြစ်အနာအဆာ (Inclusions) တွေအကြောင်း ⏩️⏩️

Inclusion မှာဆိုရင် Solid , Liquid, gas Inclusions ဆိုပြီးရှိပါတယ်။ ဒီလိုမျိုးသဘာဝနဲ့ Heat ကိုကြည့်ပြီး ကျောက်အမျိုးအစားကိုခွဲခြားနိုင်ပါတယ်။ ဒီလို Inclusion ကိုပိုင်ပိုင်နိုင်နိုင်သိမှာပဲ ကျောက်ကိုခွဲခြားနိုင်မှာဖြစ်ပါတယ်။

လူတော်တော်များများက ကျောက်ထဲမှာ အပြစ်အနာအဆာပါရင် မကောင်းဘူး၊ တန်ဖိုးကျတယ်လို့ပဲ တစ်ထစ်ချ မှတ်ယူတတ်ကြပါတယ်။ တကယ်တော့ အဲ့လိုမဟုတ်ပါဘူး။ ကျောက်မျက်ပညာရှင်တစ်ယောက်အနေနဲ့ ဒီအပြစ်အနာအဆာတွေဟာ ကျောက်ရဲ့ ဇာတိ၊ သူ့ရဲ့ သမိုင်းကြောင်းနဲ့ တချို့ကိစ္စတွေမှာဆိုရင် တန်ဖိုးကိုပါ ဘယ်လိုမြှင့်တင်ပေးနိုင်လဲဆိုတာကို နားလည်ထားဖို့လိုပါတယ်။ကျောက်ရဲ့ Inclusion က သူ့ရဲ့ အလှကိုမထိခိုက်ရင် တန်ဖိုးမလျော့နိုင်ပါဘူး။

ဒီနေ့မှာတော့ အဲ့ဒီအပြစ်အနာအဆာတွေအကြောင်း၊ သူတို့ရဲ့ အမျိုးအစားတွေ၊ ကျောက်ရဲ့ မူရင်းဇာတိကို ဘယ်လိုပြောပြနိုင်လဲဆိုတာနဲ့ ဘာကြောင့် တချို့အပြစ်အနာအဆာတွေက ကျောက်ကို ပိုပြီးတန်ဖိုးရှိစေတာလဲဆိုတာကို ရှင်းပြပေးသွားမှာဖြစ်ပါတယ်။

ကျောက်မျက်ရတနာထဲက အပြစ်အနာအဆာ (Inclusions) ဆိုတာဘာလဲ❓

အပြစ်အနာအဆာ (Inclusions) ဆိုတာ ကျောက်မျက်ရတနာတွေ ပုံဆောင်ခဲဖြစ်ပေါ်စဉ် (formation) ဒါမှမဟုတ် ဖြစ်ပေါ်ပြီးနောက်ပိုင်း (post-formation) မှာ သူ့ရဲ့အတွင်းထဲမှာ သဘာဝအတိုင်း ပါဝင်လာတဲ့ အခြားပစ္စည်းများ (ဥပမာ- ဓာတ်သတ္တုအပိုင်းအစများ၊ ဓာတ်ငွေ့များ၊ အရည်များ) ဒါမှမဟုတ် အတွင်းပိုင်း ချွတ်ယွင်းချက်များကို ဆိုလိုတာပါ။ သူတို့ဟာ ကျောက်မျက်ရတနာရဲ့ သဘာဝအတိုင်းဖြစ်တည်မှုကို ဖော်ပြနေတဲ့ လက်ဗွေရာတွေနဲ့တူပါတယ်။

Types of Inclusions တွေကတော့

Inclusions အမျိုးအစားပေါင်း မြောက်များစွာရှိပေမယ့် အတွေ့ရများပြီး အရေးပါတဲ့ အမျိုးအစားအချို့ကို ရှင်းပြပေးပါမယ်။

၁။ အပ်ချောင်းပုံစံများ (Needles)

အပ်ချောင်း (needle-like) လေးတွေလို ရှည်မျောမျောလေးတွေ ဖြစ်ပါတယ်။ ဥပမာ: ရုတိုင်း (Rutile) အပ်ချောင်းလေးတွေဟာ နီလာ၊ ပတ္တမြားနဲ့ အခြားကျောက်တွေမှာ တွေ့ရတတ်ပါတယ်။ ဒီလိုအပ်ချောင်းလေးတွေဟာ တခါတရံမှာ (Silk)" လို့ခေါ်တဲ့ အပ်ချောင်းစုစည်းမှုပုံစံကို ဖြစ်ပေါ်စေပြီး ကျောက်ရဲ့တန်ဖိုးကိုတောင် မြှင့်တင်ပေးနိုင်ပါတယ်။ ဒါတွေကို Sapphire မှာ တွေ့နိုင်ပါတယ်။ Sapphire မှာ ဆိုလို့ရှိရင် needle နဲ့ cloud ပုံ inclusion တွေကို ပိုပြီးတွေ့ရတတ်ပါတယ်။

၂။ တိမ်ပုံစံများ (Clouds)

တိမ် (cloud-like) သဏ္ဌာန်လို မှုန်မှိုင်းမှိုင်း၊ ဝါးတားတား အစုအဝေးလေးတွေ ဖြစ်ပါတယ်။ မရေရာတဲ့ အစက်အပြောက်ငယ်လေးတွေ အများကြီး စုနေတာမျိုးပါ။ ဥပမာ: (Quartz) ဒါမှမဟုတ် နီလာအချို့မှာ တွေ့ရတတ်ပြီး ကျောက်ရဲ့ ကြည်လင်ပြတ်သားမှုကို လျော့နည်းစေနိုင်ပါတယ်။

၃။ အမွေးအတောင်ပုံစံများ (Feathers): ကျောက်မျက်ရတနာရဲ့ အတွင်းပိုင်း အက်ကြောင်း (fracture) တွေကို ခေါ်တာပါ။ အမွေးအတောင် (feather-like) ပုံစံလိုမျိုး သေးငယ်တဲ့ အက်ကြောင်းလေးတွေ အစုလိုက်အပြုံလိုက် ဖြစ်နေတာမျိုးပါ။ ဥပမာ: စိန် (Diamond) မှာ အမွေးအတောင်ပုံစံ အက်ကြောင်းတွေ တွေ့ရတတ်ပါတယ်။ ဒီအက်ကြောင်းတွေဟာ မျက်နှာပြင်ကို ထိမိနေရင် ကျောက်ရဲ့ကြာရှည်ခံမှုကို ထိခိုက်စေနိုင်ပြီး မထိတွေ့ရင်တော့ ပြဿနာမရှိပါဘူး။

အပြစ်အနာအဆာတွေက ကျောက်ရဲ့ မူရင်းဇာတိ (Natural Origin) ကို ဘယ်လိုပြောပြလဲ

အပြစ်အနာအဆာတွေဟာ ကျောက်မျက်ရတနာ ပညာရှင်တွေအတွက် ကျောက်ရဲ့ "ဓာတ်ပုံ မှတ်တမ်း" (Fingerprint) လိုပါပဲ။ ဓာတ်ခွဲခန်းတွေမှာ ကျောက်မျက်ပညာရှင်တွေဟာ အဏုကြည့်မှန်ဘီလူးနဲ့ ကျောက်ရဲ့အတွင်းပိုင်းကို လေ့လာပြီး အဲ့ဒီထဲက အပြစ်အနာအဆာတွေရဲ့ ပုံစံ၊ အမျိုးအစား၊ စုစည်းပုံတွေကို ကြည့်ပြီး ကျောက်ရဲ့ မူရင်းဇာတိ (ဥပမာ- ဘယ်နိုင်ငံကထွက်လဲ၊ ဘယ်ဒေသကလဲ)၊ သူTreated Untreated လားဆိုတာကို ခွဲခြားနိုင်ပါတယ်။
ဥပမာ:
မြန်မာပြည်ထွက် ပတ္တမြား: မြန်မာပြည် မိုးကုတ်ဒေသထွက် ပတ္တမြားတွေမှာ "Silk" လို့ခေါ်တဲ့ ရုတိုင်းအပ်ချောင်းလေးတွေ ပါဝင်လေ့ရှိပြီး ဒါဟာ မြန်မာ့ပတ္တမြားရဲ့ ထူးခြားတဲ့ လက္ခဏာတစ်ခု ဖြစ်ပါတယ်။
ကိုလံဘီယာ မြ (Colombia Emerald): ကိုလံဘီယာမြတွေမှာ ၃ဆင့်ပါဝင်မှု (three-phase inclusion) လို့ခေါ်တဲ့ အရည်၊ ဓာတ်ငွေ့နဲ့ ခိုင်မာတဲ့ အမှုန်လေးတွေ ပါဝင်တဲ့ အပြစ်အနာအဆာမျိုး တွေ့ရတတ်ပါတယ်။ ဒါက ကိုလံဘီယာမြရဲ့ ထူးခြားချက်ပါ။�
နောက်တစ်ခုက မြန်မာ့ရွှေတွင်းဝါ( Danburite) မှာဆိုရင် cube ပုံစံ inclusion လေးတွေပါပါတယ်။ ဒါဟာ Danburite ရဲ့ သက်သေပါပဲ။

Aquamarine (မြပြာ) ဆိုရင် liquid or gas တွေပါပါတယ်။အဲ့ဒါကြောင့် အဆီအပြစ်လေးတွေတွေ့ရတတ်ပါတယ်။ ဒါပေမယ့် ကျောက်ရဲ့အလှကို မနှောင့်ယှက်ရင်တော့ ကြည်လင်နေမှာဖြစ်ပါတယ်။

ပြောင်ခေါင်းစိမ်း (Peridot) ဆိုရင် Mica Black inclusion တွေပါပါတယ်။

ခရမ်းဆွဲဆို liquid and gas inclusion တွေများပါတယ်။ ဥဒေါင် ( Garnet) ဆိုလို့ရှိရင် crystallized inclusion တွေပိုတွေ့ရတတ်ပါတယ်။�
ဘာကြောင့် အချို့ အပြစ်အနာအဆာတွေက ကျောက်ကို ပိုပြီးတန်ဖိုးရှိစေတာလဲ❓

အပြစ်အနာအဆာတိုင်းက ကျောက်ရဲ့တန်ဖိုးကို လျော့ကျစေတာ မဟုတ်ပါဘူး။ တချို့သော အခြေအနေတွေမှာဆိုရင် အပြစ်အနာအဆာတွေဟာ ကျောက်ကို ပိုပြီးထူးခြားစေပြီး တန်ဖိုးတောင် မြှင့်တင်ပေးနိုင်ပါတယ်။
(Silk) လို့ခေါ်တဲ့ ရုတိုင်း (Rutile) အပ်ချောင်းလေးတွေဟာ ပတ္တမြားနဲ့ နီလာတို့မှာ ပါဝင်တဲ့အခါ ကျောက်ရဲ့အတွင်းပိုင်းကနေ ပိုးသားလို နူးညံ့တဲ့ အလင်းပြန်မှု (soft silky sheen) ကို ပေးစွမ်းနိုင်ပါတယ်။ ဒါ့အပြင် အဲ့ဒီအပ်ချောင်းလေးတွေဟာ ကျောက်ကို သဘာဝအတိုင်း မကုသရသေးဘူး (Unheated/Untreated) ဆိုတဲ့ အထောက်အထားကိုလည်း ပြသပါတယ်။ ဈေးကွက်မှာ သဘာဝအတိုင်းဖြစ်ပြီး မကုသရသေးတဲ့ အရည်အသွေးမြင့် ပတ္တမြား၊ နီလာတွေဟာ အလွန်တန်ဖိုးကြီးပါတယ်။
"Silk" ကြောင့် ကျောက်မှာ ကြယ်ရောင်ခြည် (Asterism) ဒါမှမဟုတ် ကြောင်မျက်လုံး (Chatoyancy) လိုမျိုး ထူးခြားတဲ့ အလင်းရောင်ဖြစ်စဉ်တွေကိုလည်း ဖြစ်ပေါ်စေနိုင်ပါတယ်။ ဒီလိုအလင်းရောင်ဖြစ်စဉ်တွေပါတဲ့ ကျောက်မျက် (ဥပမာ- ကြယ်ပတ္တမြား၊ ကြယ်နီလာ) တွေဟာ အလွန်တန်ဖိုးကြီးမားပါတယ်။��မူရင်းဇာတိ
အထက်မှာပြောခဲ့သလိုပဲ တချို့အပြစ်အနာအဆာတွေဟာ ကျောက်ရဲ့မူရင်းဇာတိကို အတိအကျ ဖော်ပြနိုင်တဲ့ "သက်သေခံအမှတ်အသား" တွေဖြစ်ပါတယ်။ ဥပမာအားဖြင့် မြန်မာပြည် မိုးကုတ်ပတ္တမြားမှာ ပါဝင်လေ့ရှိတဲ့ "Silk" ဟာ ကျောက်ရဲ့ဇာတိကို အတည်ပြုနိုင်တဲ့အပြင် သူရဲ့ရှားပါးမှုနဲ့ အရည်အသွေးမြင့်မားမှုကိုလည်း ပြသတာကြောင့် တန်ဖိုးကို ပိုမြင့်စေပါတယ်။
ပြောရရင် အပြစ်အနာအဆာတွေဟာ ကျောက်မျက်ရတနာရဲ့ "ချို့ယွင်းချက်" တွေသက်သက်မဟုတ်ဘဲ သူ့ရဲ့ သမိုင်း၊ ဇာတိ နဲ့ တစ်ခါတရံမှာဆိုရင် သူ့ရဲ့ ထူးခြားလှပမှု၊ တန်ဖိုးကိုတောင် မြှင့်တင်ပေးနိုင်တဲ့ "ဇာတ်လမ်း" တစ်ပုဒ်လိုပါပဲ။ ဒါကို နားလည်ထားခြင်းက ကျောက်မျက်ရတနာတွေကို ပိုပြီးတန်ဖိုးထားတတ်အောင် ကူညီပေးပါလိမ့်မယ်။

ဒီအကြောင်းအရာနဲ့ပတ်သက်ပြီး စိတ်ဝင်စားစရာ မေးခွန်းတွေ ဒါမှမဟုတ် သိချင်တာတွေရှိရင် Comment မှာ ရေးခဲ့ဖို့ ဖိတ်ခေါ်ပါတယ်နော်။ နောက်ထပ် ကျောက်မျက်ပညာဗဟုသုတတွေကိုလည်း ဆက်လက်မျှဝေပေးသွားပါမယ်။

💫committed to excellence💫
သိလိုတာများမေးမြန်းလိုပါက ဖုန်း ☎️-09886666481, 09660535455.,-Viber
နှင့် ပေ့ချ် မက်ဆေ့တွင်မေးမြန်းနိုင်ပါတယ်ရှင်
📝 သင်တန်းရဲ့အားသာချက်တွေကြောင့်လူအမြဲပြည့်တဲ့အတွက်စာရင်းကြိုသွင်းရပါတယ်ရှင်
#ကျောက်လက်တွေ့အထူးသင်တန်း #မြန်မာတွင်း
ထွက်ကျောက်မျက်သင်တန်း #ရန်ကုန်
YouTube
www.youtube.com/
TikTok
https://www.tiktok.com/

03/08/2025

5.18 ct natural Sapphire Mogok with 18K gold
(Certificate +)

ပယ်ကြီးကြီး အပြာရည်လှလှ

SG instock

Price - S$6***

31/07/2025

Natural Myanmar Jade Type-A with diamonds

Length- 1.4cm
18K gold
(With certificate)

Pendant only - 💰990S$
18K Gold Chain - 💰260S$

ကျောက်ရည် ကျောက်သားကောင်း qualityတန်း မြန်မာ့သဘာဝကျောက်စိမ်း နေ့/ည စိမ်းပီးအရမ်းလှနေတာ
(Unisex wear)