06/09/2026
Magandang araw po sa lahat ng aming customers.
Taos-puso po akong humihingi ng paumanhin sa matagal kong pananahimik at sa mga hindi ko agad naasikaso nitong mga nakaraang buwan. Nawala po ang access ko sa aming page, kasabay ng ilang personal at family matters na kinailangan ko munang ayusin. Dahil dito, hindi ko po kayo nakontak at nabigyan ng maayos na update sa inyong mga concerns.
Higit sa lahat, nais ko rin pong humingi ng sincere apology sa mga customers na naapektuhan ang orders, lalo na sa mga parcels na marked as delivered ngunit hindi naman po aktwal na natanggap. May ilang reports din po tungkol sa mga parcel na nawala o hindi nakarating sa customer, at naiintindihan ko po kung gaano ito nakakabahala at nakakafrustrate.
Kasabay nito, nakaranas din po ako ng matinding personal at financial stress dahil sa naging problema sa GCash account ko, kung saan may perang naka-hold at hindi ko agad nagamit para maayos ang ilang pending concerns. Aminado po ako na sobrang naapektuhan ako ng sunod-sunod na problemang ito at hindi ko na rin agad nakayanan na ma-handle nang maayos ang lahat.
Hindi ko po ito sinasabi bilang dahilan para takasan ang anumang responsibilidad. Humihingi po ako ng inyong pang-unawa at pasensya sa naging delay, kawalan ng communication, at inconvenience na naidulot ko sa inyo.
Ngayon po ay unti-unti kong inaayos at binabalikan ang lahat ng pending concerns. Para sa mga customers na may unresolved orders, missing parcels, o anumang concern, maaari po kayong mag-message sa akin para ma-check ko at maayos natin nang maayos ang inyong concern.
Maraming salamat po sa inyong patience, understanding, at sa mga taong patuloy na naghintay kahit matagal akong hindi nakapagbigay ng update.
Muli, taos-puso po akong humihingi ng paumanhin. 🙏🏼
