10/07/2025
အာမခံထားတာ နိမိတ်မရှိဘူးလို့ အယူသည်းကြတဲ့သူတွေကိုလေ ဘယ်လိုရှင်းပြရမလဲ အမြဲစဉ်းစားတာ..
အသက် ၂၉ အရွယ် မိန်းကလေးတစ်ယောက် တစ်နှစ်လုံးနေမှ ၃ သိန်း ၇ သောင်း သွင်းရုံနဲ့ (Bkk, Sg, US ဆေးရုံတွေက အစ) ကြိုက်တဲ့ ဆေးရုံမှာ တစ်နှစ်ကို သိန်း ၁၅၀ ဖိုး ဆေးကုလို့ရတယ်။ ဗဟိုဘဏ် exchange rate နဲ့မို့ ပိုလို့ကိုတန်တာ (အပြင်မှာ ဒေါ်လာစျေး ၄၅၀၀ ပေမယ့် ဆေးရုံမှာ rate ၃၃၀၀ ကျော်နဲ့တွက်တော့ သိန်း ၁၅၀ ဆို $4600 နီးပါးဖိုး ကုလို့ရတယ်လေနော်
ဒီလောက်ကောင်းတဲ့ protection plan ကို မဝယ်ထားဘဲ ဘာလို့နေမှာလဲရော်? မီလျံနာတွေကိုတော့ ထည့်မပြောတော့ဘူး.. ကိုယ်တွေကတော့ ကိုယ့်ပိုက်ဆံ ကိုယ်ရှာ သုံးရတာပဲ ပိုကြိုက်လို့ ကိုယ်ပင်ပင်ပန်းပန်းရှာထားရတဲ့ငွေကို ဆေးရုံစရိတ်တော့ မပေးချင်ဘူး.. ရှင်းရှင်းပဲ..
အဲ့ကြောင့် အာမခံငွေသွင်းရတာ ကိုယ့်အတွက် happy money 🥳 ကုန်သွားတာ မဟုတ်၊ ကိုယ့်ကိုယ်ကို နဲ့ မိသားစုကို ချစ်လွန်းလို့ ကြိုတင် ပြင်ဆင် invest လုပ် စုဆောင်းတာ..
ဆွေးနွေးတိုင်ပင်စရာရှိတာကို သီရိ ရဲ့ page Ri In Rangoon ကိုလာမေးလို့ရပါတယ်ရှင့်.. မွေးနေ့နဲ့ gender ပြောရုံနဲ့ အရှင်းအလင်းဆုံး policy plan နဲ့ စျေးဇယား ပို့ပေးပါမယ်ရှင့် (စျေးတွေက အသက်နဲ့ လိုက်ပြီး ကွာလို့ပါနော်)
အိမ်တိုင်းမှာက လစဥ် အသုံးစရိတ်ကလေးတွေ သုံးဖို့ သတ်သတ်မှတ်မှတ်ရှိရတာပါ။
တစ်ခုခု အပိုသုံးဖို့ ပေါ်လာပြီဆိုရင် ကျွန်မတို့ အထုပ်ကလေးတွေပျက်သွားတတ်ပါတယ်။ အဲဒီအချိန်ဟာ အိမ်ရှင်မတွေစိတ်ညစ်ရတဲ့အချိန်ပါပဲ။
ကျွန်မကတော့ ဒီလမှာ အိမ်အပြင်က မီးဖိုချောင် Opened Kitchen ကလေးပြင်ရဖို့ ဖြစ်လာခဲ့ပါတယ်။
ကျွန်မတို့အိမ်မှာ မီးဖိုခန်းနှစ်ခုထားပါတယ်။ နောက်ဖေးအပြင်ဘက်ကလေးမှာ Kitchen လေးတစ်ခုရှိတယ်။
နွေရာသီတုန်းကတော့ အဲဒီနေရာမှာ ထမင်းဟင်းချက်တာ လုပ်တာကိုင်တာ အဆင်ပြေပေမယ့် အခုမိုးရွာတော့ မိုးတွေပက်ပါလေရော။
ဒါကြောင့် မီးဖိုချောင်ဘုရင်မတွေဟာ သူတို့မီးဖိုလေးကို အိမ်ထဲက မီးဖိုခန်းထဲကိုပြောင်းလာကြပါတယ်။
ဒါနဲ့ကျွန်မက သူတို့မီးဖိုလေးကို အမိုးအကာလုံအောင်လုပ်ပေးဖို့ဖြစ်လာတော့တာပါပဲ။ တကယ်တော့မလုပ်ပေးဘူးဆိုရင်လည်းရပါတယ်။ အိမ်ထဲက Kitchen မှာပဲ ချက်လို့ရတယ်ဆိုပေမယ့် မီးဖိုဘုရင်မတွေက သူတို့ရဲ့အပြင်မီးဖိုကလေးကိုပဲ စွဲလမ်းချစ်ခင်နေကြတော့ ပိုက်ဆံအကုန်ခံပြီးပြုပြင်ပေးလိုက်ပါတယ်။
အထူးသဖြင့် ကျွန်မအမေက ဟင်းချက်ရင်းနဲ့ သူစိုက်ထားတဲ့ရှောက်ပင်က ရှောက်ရွက်လေးတွေ ကြက်သွန်မိတ်ကလေးတွေ ချက်ချင်းခူးဆွတ်ရေဆေး ဟင်းထဲကိုထည့်တယ်။ အဲဒီလို အပြင်လေးမှာချက်ရတာကို သူက ပျော်ရွှင်နေပါတယ်။
အခုအိမ်ထဲမှာလာချက်ဆိုတော့ သူက မပျော်တော့ဘူး။ ငါ့ရဲ့မီးဖိုကို မိုးမပက်အောင်လုပ်ပေးဆိုပြီး ဂျီကျနေပါတော့တယ်။
ဒါနဲ့ ကျွန်မလည်း ပြင်ပေးလိုက်ရတယ်။ အဲဒီနေရာလေးကိုပြင်လိုက်တော့ အဝတ်လှန်းဖို့နေရာလေးရသွားတယ်။ မိုးလည်းမပက်တော့ဘူး။ ကျီးကန်းလည်းမလာတော့ဘူး။ သူတို့လည်း သူတို့ကြိုက်တဲ့နေရာလေးမှာ အဆင်ပြေပြေ ချက်ရပြုတ်ရ ပျော်ရွှင်သွားကြတယ်။
အစကတော့ ပိုက်ဆံကုန်ရတဲ့အရေးကိုကြည့်ပြီး "ဟယ်..ကုန်ပေါက်တွေ ရှိလာပြန်ပြီဟ" ဆိုပြီး စိတ်နည်းနည်းတော့ ညစ်သွားတာအမှန်ပါပဲ။
အခုတော့ ကိုယ်လုပ်ပေးနိုင်တာလေးဟာ သူတို့အတွက် အဆင်ပြေပြေဖြစ်သွားတယ်ဆိုတာကို စဉ်းစားမိပြီး လုပ်ပေးလိုက်နိုင်တာကိုပဲ ကျေးဇူးတင်လိုက်ပါတယ်။ ကျေနပ်နှစ်သိမ့်မှုရပါတယ်။
အမေ ခု ပျော်သွားပြီလား၊ စိတ်ချမ်းသာသွားပြီလား ဆိုတော့ စိတ်ချမ်းသာသွားပြီ၊ ပျော်တယ် လို့ဆိုပါတယ်။
ကျွန်မလည်း စိတ်ချမ်းသာသွားရပါတယ်။ နောက်တစ်ဆင့်တက်ပြီးတွေးကြည့်ရင် အခုအချိန်မှာ အလုပ်အကိုင်တွေကလည်းရှားပါးနေပါတယ်။ ဒီလိုအခြေအနေမှာ လက်လုပ်လက်စား လက်သမားဆရာလေးတွေ နေ့စားအလုပ်သမားလေးတွေကို အလုပ်အကိုင်လေးတစ်ခု ဖန်တီးပေးနိုင်တာ ဝမ်းသာစရာပဲဖြစ်ပါတယ်။
ကိုယ့်ဆီကရတဲ့ ငွေနဲ့ သူတို့မိသားစုတွေ ထမင်းစားလို့ရတယ်။ ဖုန်းဘေလေးတွေ ထည့်ချင်ထည့်မယ်။ သူတို့ခလေးလေးတွေရဲ့ ကျူရှင်လခလည်း ဖြစ်နိုင်တယ်။ လိုတာလေးတွေ အတွက်အသုံးပြုရင်း သူတို့ရဲ့အဆင်ပြေပျော်ရွှင်မှုတွေဟာ ကိုယ့်ဆီကနေ ဖန်တီးဖြစ်တည် အစပြုလာတဲ့အတွက်ကြောင့် ဒါတွေဟာ Positive Money Energy ပဲဖြစ်ပါတယ်။
ပိုက်ဆံသုံးတာနဲ့ပတ်သက်ရင် ကျွန်မတို့ဟာ Feel Good about Money ဖြစ်နေရမယ်လို့ဖတ်ရပါတယ်။ စိတ်ခံစားမှုတွေကောင်းနေတာမျိုးကိုဆိုလိုတာပါ။
စိတ်ညစ်ပြီး
ဆူအောင့်ပြီး
ညည်းညူပြီး ပိုက်ဆံကို မသုံးပါနဲ့တဲ့။ မကောင်းတဲ့ Negative Energy တွေပါနေရင် မကောင်းတဲ့ အခြေအနေ Negative Circumstances တွေ ပြန်ရောက်လာတတ်ပါတယ်တဲ့။ ဒီလိုနဲ့ လုံးချာလည်လိုက်နေတတ်ပါတယ်တဲ့။
ဒါပေမဲ့ ပေးစရာမရှိဘူးဆိုရင်တော့ ဘယ်လိုလုပ်မလဲ။ ညည်းညူမိမှာပါပဲ။ ကျွန်မလည်း ညည်းညူတတ်ပါတယ်။
အဲဒီလိုအခါမျိုးမှာ ဒီပိုက်ဆံကို သုံးလိုက်ရတဲ့အတွက် စိတ်ပိုင်းဆိုင်ရာ ရုပ်ပိုင်းဆိုင်ရာ ကောင်းကျိုးလေးတွေ ပျော်ရွှင်စရာအကြောင်းတွေကို စဥ်းစားကြည့်ပါတဲ့။ ပြီးမှ ကျေနပ်သွားတဲ့စိတ် လက်ခံတဲ့စိတ်နဲ့ ကြည်ကြည်သာသာ ငွေကို အသုံးပြုလိုက်ပါတဲ့။
အဓိကကတော့ Money Mindset ကို ပြောင်းကြည့်တတ်ဖို့ ဆိုလိုရင်းပဲ ဖြစ်ပါတယ်။ အခက်အခဲ ကိုယ်စီရှိကြချိန်မှာ ပိုက်ဆံကုန်ရတိုင်း ပျော်မနေဘူးဆိုတာကို နားလည်ပေမဲ့ ပိုက်ဆံသုံးရတဲ့အခါတိုင်းမှာ စိတ်ကို နည်းနည်းလေးဖြစ်ဖြစ် ပြောင်းကြည့်မယ်ဆိုရင် ကောင်းတဲ့သက်ရောက်မှု Positive Impact လေးတွေဖြစ်လာမလား တွေးမိပါတယ်။
At least we feel good about spending money ပါပဲ။ လိုအပ်တာအတွက် သုံးရမှာ။ ရသမျှ အကုန် ကုပ်ကပ်ထားဖို့တော့မဟုတ်ဘူးလို့ စိတ်ကို ထားနိုင်ဖို့ပါပဲ။
ကျွန်မတို့တွေက ကလေးကျောင်းလခပေးရတော့မယ်ဆို ညည်းညူတယ်။ ကျန်းမာရေးအတွက် ကုန်ကျရတော့မယ်ဆို ညည်းညူတယ်။ ပျက်တာတစ်ခုခု ပြင်ရတော့မယ်ဆို ညည်းညူတယ်။ ဘယ်လိုပဲ ဖြစ်ဖြစ် မသုံးမဖြစ်သုံးရပြီဆိုတဲ့အခါ ညည်းညူမနေဘဲ သုံးဖို့ ရှိနေတာ သုံးလိုက်နိုင်လေးကိုပဲ ကျေးဇူးတင်တတ်ဖို့ လေ့ကျင့်ရဦးမှာပါ။
အခု နေနေရတဲ့ အိမ်၊ ဝတ်ထားတဲ့ အဝတ်အစား၊ လက်ထဲက ဖုန်း၊ နေ့စဥ် စားနေတဲ့ အစားအစာကအစ ငွေကြေးက ကျေးဇူးပြုထားတာမို့ သူ့ကိုကျေးဇူးတင်တတ်ဖို့လိုပါတယ်။
ငွေသုံးလိုက်ရတာကို ဝမ်းနည်းမနေဘဲ သူ့ကြောင့် အကျိုးရှိသွားတဲ့ အကြောင်းတွေတွေးပြီး ပျော်ရွှင်လိုက်ရမှာ Happy Money ရဲ့ Energy ပါပဲ။
မွန်ဟော်စီ
၂၀၂၂
