What are the opening hours?

Monday 09:30 - 16:30 Tuesday 09:30 - 16:30 Wednesday 09:30 - 16:30 Thursday 09:30 - 16:30 Friday 09:30 - 16:30 Saturday 09:30 - 16:30 Sunday 09:30 - 16:30

https://www.facebook.com/109664661804721/

JEWEL HOUSE, No. 52, Ground Floor, AungThapyay Street, Sanchaung Township, Yangon (2026)

19/10/2025

✨🪔
Festival of Lights

Opening Hour
9:30am~4:30pm

📞09 550 1098,
📞09 250 678 409
📞09 775 182 176

05/10/2025

✨🪔

Opening Hour
9:30am~4:30pm

📞09 550 1098,
📞09 250 678 409
📞09 775 182 176

30/09/2025

ကြုံရတွေ့ရ ရတနာလောကနှင့် စိတ်ကူးထဲကအတွေးများ (၃၂)

ဒီတလော စာရေးဖို့ ခက်ခဲတာ မဆန်းပေမဲ့၊ ပိုဆိုးတာက ရေးသမျှစာတွေ မတင်ဖြစ်တော့တာပါ။

တကယ်တော့ ကြုံကြဆုံကြရတဲ့ ခဏလေးမှာ အတွေးအမြင်၊ ဗဟုသုတ၊ ခံစားချက်တွေ ဖလှယ်ကြရတာဟာ ပျော်ရွှင်စရာပါ။

ကျောက်မျက်အတွက် ရည်ရွယ်ချက်ထားပြီး ပြင်ဆင်လေ့လာနေခဲ့ရတာ နှစ်တွေကြာသွားလည်း မရိုးအီနိုင်ဘဲ၊ အသစ်သစ်သော စိန်ခေါ်မှုတွေနဲ့ သွေးသစ်လောင်းကြရစမြဲပါပဲ။

ဒီကနေ့တော့ ဓါတ်ခွဲခန်းမှာ ဖြစ်တတ်တဲ့ သဘောသဘာဝလေးတွေကို ရေးဖို့ စိတ်ကူးမိတယ်။
ကိုယ့်ငါးချဥ် ကိုယ်ချဥ်တာ မဟုတ်ဘဲ၊ လက်တွေ့ကျကျ သိစေချင်ရုံပါလို့ ဦးစွာဖွင့်ဆိုပါရစေ။

'ဘယ်မှာတော့ စစ်လာခဲ့တယ်၊ ရန်ကုန်ရောက်မှ မီးဖုတ်ဘယ်နှပွင့်ပါသွားတယ်'

'မီးဖုတ်ပါလို့ လဲလိုက်တာပဲ၊ မီးဖုတ်တာက ကျန်နေသေးတယ်'

'အရင်က စစ်တော့ သဘာဝတွေ၊ အခုပြန်စစ်မှ မီးဖုတ်ပါတယ်တဲ့လား'

ရောင်းဝယ်သူအများစု ရင်ဆိုင်ကြရတဲ့ ပြဿနာတခုပါ။

ဘယ်သူ့ ဘယ်သူကိုမှ မယိုးစွပ်ဘဲ၊ ပြဿနာရဲ့အတိမ်အနက်ကို လေ့လာ သဘောပေါက်စေချင်ပါတယ်။

ဓါတ်ခွဲခန်းက ဆရာတွေကိုယ်တိုင်ကအစ မှားနိုင်ပါတယ်၊
အရောင်းအဝယ် လုပ်နေသူတွေလက်ထဲ မတော်တဆ၊ ရည်ရွယ်ချက်ရှိရှိ မှားနိုင်ပါတယ်၊
ပန်းထိမ်အထည်ကပ်တွေမှာ အကြောင်းအမျိုးမျိုးနဲ့ မှားနိုင်ပါတယ်။

အထူးသဖြင့်တော့ အပွင့်သေးလေးတွေမှာ ပိုရှုပ်ထွေးသလို၊ အပွင့်ကြီးတွေအထိလည်း ဖြစ်တတ်တဲ့သဘာဝက အထက်က အားလုံးနဲ့ သက်ဆိုင်တဲ့ကိစ္စပါ။

'ရွေးထားတဲ့အထုပ်ကိုပဲ အထည်ကပ်ခဲ့တာ၊ အခု မီးဖုတ်တွေ ပါတယ်ဆိုတော့.. '

'အဲ့ဒီ မီးဖုတ်တွေကိုပဲ လဲခဲ့တာ၊ အခု မီးဖုတ်ထပ်တွေ့တယ်ဆိုတော့ ..'

'ဒီမှာ အရင်ကထုတ်ခဲ့တာ မီးဖုတ်မပါဘူး၊ အခု မီးဖုတ် ပါတယ်ဆိုတော့ ..'

ဒီပြဿနာတွေက ဒီရက်ပိုင်းတွေမှာ ပိုတွေ့လာရလို့ အားလုံးကို သိစေချင်တာပါ။

စစ်ဆေးသူတွေက မီးဖုတ်တွေ့ပြီဆိုရင် ကျော်သွားလို့မရပါဘူး။ အရင်က စစ်ပြီးသားပါဆိုပြီး ကျော်သွားလို့မရပါဘူး။ ဘယ်အခြေအနေမှာ ဘယ်လိုပဲမှားမှား ပြင်ဆင်ကြရမှာ အလုပ်တခုပါ။

အရင်ကတော့ အလုပ်မရှုပ်စေချင်လို့ ပြန်လဲလိုက်ပါဆိုပြီး ထုတ်ပေးလိုက်ပေမဲ့၊
လဲ/မလဲ မသေချာသလို
လဲတဲ့အထဲမှာလည်း မီးဖုတ်တွေ ပြန်ပါနိုင်တာမို့၊
အခုချိန်မှာ လဲပြီး ပြန်လာပါ၊ စစ်ဆေးခ မယူဘဲ အခမဲ့ ပြန်ထုတ်ပေးပါတယ်။

တရက်ကတော့ ကုန်သည်တယောက်
ဓာတ်ပုံရိုက်ထားပြီး လာငြင်းပေမဲ့၊ တစ်ပွင့်က လုံးဝ မလဲရသေးသလို တစ်ပွင့်က အမှတ်အသား မပေးပေမဲ့ မီးဖုတ်ဖြစ်နေတာ မတတ်နိုင်ခဲ့ပါဘူး။ ဘယ်သူ့အပြစ်လဲ ဆိုတော့ အားလုံးမှာသာ တာဝန်ရှိကြတာပါ။

ဟိုနေ့က အစစ်ထုတ်ထားတာမို့ ဒီကနေ့ပြန်စစ်တဲ့အခါ မီးဖုတ်တွေ့ပါရက်နဲ့တော့ အစစ်လို့ ပြောမပြနိုင်ကြောင်း ဝမ်းနည်းစွာ အသိပေးလိုက်ရပါတယ်။

ဒီကနေ့ သဘာဝထုတ်ပေမယ့် နောက်နှစ်ရက် သုံးရက်အတွင်း အမျိုးမျိုးပြောင်းလဲသွားနိုင်တာမို့၊ ဓါတ်ခွဲခန်းတွေဆိုတာကလည်း ယုံကြည်မှုကို အတော်လေး တည်ဆောက်ယူကြရတာမျိုးပါ။

ဓါတ်ခွဲခန်းတွေက ဘယ်လောက်အထိ အာမခံပေးနိုင်မှာလဲလို့ ပြန်တွေးရင် ... အဖြေတခုတော့ ရမှာပါ။ အားလုံးမှာ စေတနာ မေတ္တာတွေ ရှိကြရမယ့်အပြင် ပညာဉာဏ်နဲ့ ဆုံးဖြတ်တတ်ဖို့လည်း အရေးကြီးပါတယ်။

ဖြစ်တတ်တဲ့ သဘောသဘာဝကို နားလည် ဆင်ခြင်ကြရမှာပါ။ အားလုံးမှာ တာဝန်ရှိပါတယ်။

တရက်က
အထည်ကပ် ခရမ်းစွဲတွေ လာစစ်တာ အတုတွေမို့ အရောင်းအဝယ်ပျက်လို့ ကုန်သည်က စိတ်ပျက်ပြီး အထည်တွေကို လွှင့်ပစ်ဖို့အထိ စိတ်ကူးကြောင်း ပြောပြပါတယ်။

ကိုယ့်ရဲ့အလုပ်ပဲလေဆိုပြီး အရွယ်ညီအစစ်တွေ ပြန်ရှာထည့်ပြီး လာစစ်ခဲ့ရကြောင်း ပြောလာတော့၊ သူ့ရဲ့အခက်အခဲကို နားလည်ကိုယ်ချင်းစာမိပါတယ်။ ရေရှည်လုပ်ရမှာလေ၊ မသိလို့ အထည်ကပ်မိတာပါဆိုပြီး ပြောဖြစ်ခဲ့သလို၊ ယုံကြည်စွာနဲ့ ဝယ်ယူသူလက်ထဲ ကျောက်အစစ်တွေ ထည့်ပေးနိုင်တော့ အားလုံး ပီတိဖြစ်ကြရတာပေါ့။

နားလည်စွာနဲ့ လက်ခံပြီး ကျောက်တွေကို အသေအချာလဲ၊ ပြန်စစ်ပြီး ဝယ်ယူသူတွေလက်ထဲ စိတ်ချစွာ အပ်နှံပေးသူတွေကို ကျေးဇူးတင်ရပါတယ်၊ လေးစားဂုဏ်ယူမိပါတယ်။

ကျွန်တော်တို့တွေက ခရီးအတူတူသွားနေကြရတာကို မမေ့ပါနဲ့ဗျာ။
1/2022

Opening Hour
9:30am~4:30pm

📞09 550 1098,
📞09 250 678 409
📞09 775 182 176

25/09/2025

ကြုံရတွေ့ရ ရတနာလောကနှင့် စိတ်ကူးထဲကအတွေးများ (၃၁)

ခေတ်စားလာတဲ့ အရောင် colour သတ်မှတ်ချက်တွေကြားမှာ ကျောက်စျေးကွက်က ဝေဝေဝါးဝါး ဖြစ်လာရတော့မလား စိုးရိမ်မိပါတယ်။

အရောင်နဲ့ပတ်သက်လို့ customer choice ဆိုပြီး တသက်လုံး ဆုပ်ကိုင်ထားတဲ့ ယုံကြည်ချက်ကို ဖြေလျှော့ပြီးတော့ စျေးကွက်လိုအပ်ချက်ကို လိုက်လျောပေးခဲ့တာ မကြာလှသေးပါဘူး။

ဖြစ်နိုင်ခြေ၊ ဖြစ်တန်ခြေနဲ့ လိုက်လျောရတဲ့ ကိစ္စတွေက ထိုးနှက်ချက်ဖြစ်လာခဲ့ရပြီလားလို့ သံသယရှိစွာ ကိုယ့်ကိုယ်ကိုယ် မေးဖြစ်ခဲ့တယ်။

ပီဂျီ တွေပါ ၊ ငါးသိန်းပဲ ဆိုပြီး ရောင်းလာကြတဲ့ အွန်လိုင်းစျေးကွက်အပေါ်မှာတော့ သံသယများစွာ ဖြစ်ရတယ်။ ကျောက်တွေရဲ့တန်ဖိုးကို ယုတ္တိတန်မဲ့ ဖျက်ဆီးသလို ခံစားလာရပါတယ်။

ကျွန်တော်တို့ အချိန်မီ ကုစားကြရမယ့်အထဲမှာ အရောင် colour တွေ ပါလာခဲ့ပြီ။ အတုအစစ်ကိစ္စတွေ ပြီးတော့၊ မီးဖုတ်ဖန်ဖြည့်တွေကို ရင်ဆိုင်လာခဲ့ရတယ်။ မီးဖုတ်ဖန်ဖြည့်တွေပြီးတော့ .. အခု ရင်ဆိုင်လာရတာ အရောင်သတ်မှတ်ချက်တွေပါ။

မသိနားမလည်သူတွေ စုပြုံတိုးလာကြတာကလည်း အန္တရာယ်တခုပါပဲ။ အရောင်တွေဆိုတာ ကွန့်မြူးလို့ရတယ်၊ လှည့်စားလို့ရတယ်။ တိကျတဲ့ သတ်မှတ်ချက်တွေကို ဆုံးဖြတ်နိုင်ဖို့ စနစ်ကျတဲ့ သတ်မှတ်ချက်တွေနဲ့ လုပ်နိုင်တဲ့ ဓါတ်ခွဲခန်းတွေဆိုတာ ကမ္ဘာမှာ လက်ချိုးရေလို့ရတဲ့ အဆင့်ပါ။

မကြာသေးခင် တရက်တုန်းကပါပဲ။ အထုပ်တခုကို ကိုယ်အပါအဝင် နေရာနှစ်ခုမှာ ခွဲစစ်ဆေးတာ အနီ Ruby ထွက်ပါတယ် တဲ့။ ဒါပေမဲ့ ဝယ်သူက အရည်ချိုတယ်၊ ထွက်ချင်တိုင်းထွက်လို့ရသလားဆိုပြီး ဓါတ်ခွဲခန်းတွေအပေါ် သံသယရှိစွာ မေးသလို၊ ဓါတ်ခွဲခန်းနဲ့ပေါင်းပြီး လုပ်တဲ့အထာမျိုး ပြောလာတာ တွေ့ရပါတယ်။ ဒီကိစ္စက မဆန်းပေမဲ့၊ ကိုယ့်ဓါတ်ခွဲခန်းသားတွေ အချင်းချင်းတောင် ခင်ရင်ခင်သလို၊ တောင်းဆိုရင်တောင်းဆိုသလို လုပ်ပေးကြလာတဲ့အမြင်အပေါ်မှာတော့ စိတ်ဝမ်းကွဲကြရပါတယ်။ အချင်းချင်း လေးစားဖို့ ပျက်ကွက်လာခဲ့ရင် ခရီးတွေက အဝေးကြီးမရောက်နိုင်တာကို သတိချပ်ရတော့မှာပါ။

ပြောတော့သာ လွယ်တာ၊ ပေးလိုက်ရင်လည်း ဖြစ်တာပါပဲ။ ဒါပေမဲ့ ဒီအရောင်တွေက အခုချိန်မှာ စျေးကွက်အတွင်း ထိုးနှက်ချက် ဖြစ်လာခဲ့ရပါပြီ။

တကယ်လုပ်နေတဲ့သူတွေ၊ နားလည်သူတွေအတွက်က ရယ်စရာတခုလို့ ပြောနိုင်ပေမဲ့၊ စားသုံးသူအဆင့်ဆင့်တွေက တန်ဖိုးတခုကို အရေးတကြီး ဂရုစိုက်ပေးကြဖို့ လိုအပ်လာပါပြီ။

တကယ်ချစ်ရင် တကယ်တန်ဖိုးထားကြရမှာပါ။ တကယ် တန်ဖိုးထားမြတ်နိုးပြီး လေးစားစိတ် ထားရင်၊ တကယ့်စေတနာတွေ ပါပါနဲ့ အလုပ်တွေကို မှန်မှန်ကန်ကန် လုပ်နိုင်အောင် ကြိုးစားပေးကြရမှာပါ။

အရောင်သတ်မှတ်ချက်တွေက ဓါတ်ခွဲခန်းကြီးတွေမှာ စနစ်တကျ ညွှန်းပြထားသလို တဖက်မှာလည်း လိုသလို ဆွဲဆန့်ကွန့်မြူးနိုင်တာမို့ ...

ကျွန်တော်တို့ အတူတူ လက်တွဲကြိုးစားကြရမယ့်ကိစ္စပါ။

'ဆရာရေ ရူဘီထွက်လား၊
မထွက်ရင် မထုတ်ပါနဲ့။
ထွက်တဲ့နေရာမှာ သွားထုတ်မယ် တဲ့'

ချစ်ရတဲ့တပည့်ကျော်တွေကပဲ
ပညာတွေပေးတဲ့ အရောင်တွေအကြောင်း သတိတရရှိနေမိပါရဲ့။

ငွေရရင်ပြီးရော အလုပ်လုပ်ကြတဲ့အထဲမှာ ဘယ်ဓါတ်ခွဲခန်းမှ မပါဘူးဆိုတာ ဖြစ်နိုင်ရင် သက်သေပြချင်လိုက်တာ။

5 / 2022

Opening Hour
9:30am~4:30pm

📞09 550 1098,
📞09 250 678 409
📞09 775 182 176

18/09/2025

ကြုံရတွေ့ရ ရတနာလောကနှင့် စိတ်ကူးထဲကအတွေးများ(၃၀)

(၁)
' မီးမဖုတ်ထားပါဘူးရှင် '
' သဘာဝ မိုးကုတ်ကျောက် အစစ်တွေပါနော် '

' ဟုတ်ပါတယ် အစ်မရေ၊ ဒါလေးက မိုင်းရှူးမီးထိပါ '
' ဒီကျောက်တွေကတော့ ထွက်ရှိရာဒေသ မထုတ်ပေးပါဘူး။ နိုင်ငံအစုံက ထွက်တော့ ခွဲခြားလို့လည်း မရပါဘူးရှင် '

' နည်းနည်းတော့ ငြိတယ် အစ်မရေ။ အရမ်းသန့်ရင် ဒီစျေးနဲ့ ဘယ်လိုမှ ဝယ်မရပါဘူး '
' စီဘီမှာ ပြည့်စုံအောင် မေးပေးပါရှင်။ သဘာဝလား၊ မီးဖုတ်ပြုပြင်ထားတာလား စစ်ချက်လေးတွေ တောင်းကြည့်ပါနော် '
ရတနာ live sale မှာ ကြားရတဲ့ အသံချိုချိုလေးတွေပါ။

□ ရောင်းသူတွေဘက်က ပြည့်စုံအောင် ရှင်းပြစေလိုပါတယ်။ လိုအပ်ရင် စစ်ဆေးချက်လေးနဲ့ တွဲပြနိုင်ပါတယ်။ GIA ဂျီအိုင်အေကထုတ်တဲ့စိန်မှာ နံပါတ်ပါမှ စစ်ချက်ရှိတာမျိုးမဟုတ်ပါဘူး။ without အလွတ်စိန်တွေလည်း စစ်ချက်ပြပါ။ တခြားကျောက်တွေလည်း စစ်ချက်ပြပေးပါ။

( ၂ )
တကယ်တော့ ရောင်စုံကျောက်တွေ ရောင်းတဲ့အခါမှာ စိန်တွေထက် ပိုခက်ခဲပါတယ်။ ဥပမာ စိန်ဆိုရင် ဂျီအိုင်အေနော်၊ without နော်ဆိုရင် ပြီးတာများတယ်။ ဒါတောင်မှတချို့ ဖန်စီကာလာစိန်တွေ အရောင်ပြုပြင်ထားတာကို မန်းရှင်းလုပ် ဖော်ပြပေးသင့်ပါတယ်။ အရောင်တွေ၊ အပြစ်အနာတွေက စိန်ရဲ့အသက်မို့ အလေးပေး ပြောပြ ဖော်ပြပေးစေလိုပါတယ်။

( စိတ်ပူတဲ့သူတွေဘက်က ပြောပေးတာပါ )

တဖက်မှာလည်း ရတနာထည်တွေ ဝယ်ကြပြီဆိုရင် အများစုက အတွေ့အကြုံ ရှိပြီးသားပါ။ တန်ဖိုးတွေ နားလည်ကြပါတယ်။ ချစ်ခင်စိတ်နဲ့ အားပေးချင်တာမျိုးတွေလည်းရှိလာနိုင်ပါတယ်။ ငွေကို သိပ်ဂရုစိုက်တာမျိုး မဟုတ်ဘဲ၊ လူရယ်ဆိုင်ရယ်ကို တန်ဖိုးထားတာမျိုးပေါ့။ ကျောက်ဆိုတာထက် သိက္ခာပေါ့။ ဒါကိုလည်း နားလည်ပေးရနိုင်သလို၊ ဆိုင်ရှင်တွေရဲ့ သိက္ခာ၊ ဂုဏ်ဆိုတာကလည်း ဘယ်လိုမှ ပြန်ဝယ်လို့မရတဲ့ အရင်းအနှီးကြီး တခုပါ။

(ဘာလာလာ ဝယ်သူများဘက်မှ )

(၃)
ဒီကနေ့ ခေတ်သစ်အရောင်းအဝယ်လေးတွေမှာ မတူညီတဲ့ ခံစားသူ လူထုတွေ မျိုးစုံတွေ့ရှိလာရပါတယ်။ လူဆိုတာကလည်း သူ့အရပ်နဲ့ သူ့ဇာတ် ဆိုတော့ကာ ကွဲလွဲမှု၊ ခံစားမှုတွေက ဘယ်လိုမှ ညှိမရတဲ့ နားလည်ထားကြတဲ့ တန်ဖိုးတွေပဲ မဟုတ်လား။

သိန်းရာထောင်ချီ ရောင်းနေကြရတဲ့သူတွေ ရှိကြသလို၊ ကျပ်ငွေသောင်းပိုင်း သိန်းပိုင်းကျောက်တွေကြား လူးလားခေါက်ရင်း ဘဝကို အဓိပ္ပါယ်ရှိရှိ ဖြတ်သန်းနေကြတဲ့ ဘဝတွေကလည်း များစွာပါ။ ငွေကြေးတန်ဖိုးတခုတည်းနဲ့တော့ ကျောက်သမားဆိုတဲ့ အလွှာကို ခွဲခြားမထားသင့်ဘူးလို့ မြင်မိပါတယ်။ နေရာတိုင်းမှာ ဂုဏ်သိက္ခာက ပါမြဲမဟုတ်လား။

သင့်တော်ရာ၊ ထိုက်သင့်ရာ တန်ဖိုးတွေကြား အလုပ်တစ်ခု လုပ်နေကြရတဲ့ အတူတူသော ဘဝတွေလို့ ခံယူမိပါရဲ့။

(၄)
ကျွန်တော် ကျောက်မျက်စစ်ဆေးသူတယောက်ပါ။ ဒီကျောက်ဆိုရင် ဒီလောက်ယူမယ်၊ ဟိုကျောက်ဆိုရင် ဟိုလောက်ယူမယ် လုပ်မရပါဘူး။ ပြောချင်တာက သုံးထောင်တန် အနိမ့်ဆုံးလာထုတ်တဲ့ စစ်ချက်တွေမှာ တချို့က တစ်ထောင်ပင် မတန်တဲ့ အတုတွေဖန်တွေဖြစ်နိုင်သလို၊ တချို့က သိန်းဆယ်သိန်း သိန်းရာပိုင်း ထောင်ပိုင်းတန်တဲ့ကျောက်တွေလည်း ဖြစ်နေနိုင်ပါတယ်။

ကျွန်တော်က အဖြေတခုကို ထုတ်ပေးလိုက်ရသူပါ။ ဘယ်၍တန်တယ်၊ ဘယ်မျှတန်တယ် မတန်ဘူးလို့ ဆုံးဖြတ်ပိုင်ခွင့် မရှိသူတယောက်ပါ။ ဒီအဖြေတွေရဲ့အပေါ် ချင့်ချိန်နားလည်လို့ တန်ဖိုးဆိုတာကို နားလည်ပေးကြရမှာပါ။ သုံးထောင်တန်စစ်ချက်မှ မဟုတ်ဘူး၊ တစ်သောင်းတစ်သောင်းခွဲစစ်ချက်လည်း ဒီခံယူချက် အတူတူပါပဲ။

တချို့နားမလည်သူတွေကို ရှင်းပြပေးဖို့တာဝန်ရှိသလို၊ တချို့သိသိကြီးနဲ့ လူလည်ကျချင်သူတွေကို ရှောင်ရှားရပါတယ်။ တချို့ရိုးသားစွာ အားကိုးသူတွေကို စာနာပေးကြရသလို၊ တချို့အကာအကွယ်ယူ အကောက်ကြံသူတွေရဲ့သဘောကို ပါးရည်နပ်ရည်ရှိဖို့ လိုအပ်ပါတယ်။

(၅)
အရောင်းအဝယ်ကိစ္စမှာတော့ perfect ဖြစ်ဖို့ ဘေးကနေ မြင်ပေးလို့မရဘူး ထင်ပါတယ်။ သူ့အရပ်နဲ့ သူ့ဇာတ်က အများသားလေ။

တခုရှိတာက ရောင်းသူဘက်က ပြည့်စုံတဲ့ ဖော်ပြချက်တွေနဲ့ မဖြစ်မနေ လုပ်ဆောင်ပေးကြရမှာပါ။ စိန်တွေကို ဂျီအိုင်အေနော် ဂျီအိုင်အေပါ ပြောရောင်းသလို၊ ပတ္တမြားတကုံးဆိုရင်လည်း စစ်ဆေးချက်ပြပြီး အမှန်အတိုင်း ရောင်းဝယ်ပေးဖို့ အထူးလိုအပ်လာပါပြီ။

သိန်းဘယ်နှရာတန်ကြီး ဝယ်ပြီးမှ မီးဖုတ် ဖန်ဖြည့်ဆိုရင် ဒါဟာ ရိုးသားမှုမရှိတဲ့အရောင်းအဝယ်တခုပါ။ ကျောက်သမားစကားနဲ့ပြောရင် ဘောင်မဝင်ဘူး၊ လိမ်ရောင်းတာပါ။

ဘယ်လိုပဲဖြစ်ဖြစ် မီးဖုတ်က မီးဖုတ်စျေးတန်ကြေးရှိသလို အတုဖန်ဖြည့်ကလည်း သူ့စျေးနဲ့သူ ရှိမှာပါ။ သဘာဝ မပြုပြင်တဲ့အစစ်ကလည်း သူ့စျေးနဲ့သူ တန်ကြေးရှိပြီးသားပါ။ ဒီအပေါ်မှာ တိကျတဲ့အဖြေတခုနဲ့ ရောင်းသူဝယ်သူကြား လုပ်ထုံးလုပ်နည်း မှန်ဖို့သာ လိုအပ်တာပါ။ သေချာတဲ့အဖြေတခု ထောင်ပြပြီး ရောင်းဝယ်ကြရင် မကောင်းဘူးလား။

တန်တယ်မတန်ဘူး၊ သင့်တယ်မသင့်ဘူးဆိုတာ ရောင်းသူနဲ့ ဝယ်သူရဲ့ ကျေနပ်ချက်တွေမို့ အဖြေမှန်အကြား နှစ်ဦးသားပျော်ရွှင်ဖို့သာ အရေးကြီးတာပါ။

(၆)
အနှစ်ချုပ်ရရင် ကျောက်တွေက သူ့တန်ကြေးနဲ့သူ ရှိနေတာကို နားလည်ဖို့ စျေးကွက်ကြီးမှာ လိုအပ်နေပါတယ်။ မီးဖုတ်ကြီး မတန်ဘူးဆိုပြီး မျက်စိမှိတ်ငြင်းကြရမယ့်ခေတ် မဟုတ်တော့ပါဘူး။ သူ့တန်ကြေးနဲ့သူပါ။ တချို့မီးဖုတ်တွေက သဘာဝထက် ပိုလှ ပိုဆွဲဆောင်မှုရှိလို့ စျေးကောင်းရတာတွေအများကြီးပါ။ ဥပမာ မိုင်းရှူးမီးဖုတ်ကျောက်တွေလိုပေါ့။

တချို့ကလည်း အစစ်ပါ၊ မိုးကုတ်သဘာဝပါဆိုပြီး အရည်မလှ လိုအပ်ချက်များစွာနဲ့ စျေးမတန်တဲ့ သဘာဝကျောက်တွေလည်း ရှိကြတာပဲမဟုတ်လား။ ဖင်ပိတ်ပြီး သဘာဝအစစ်မို့ တန်တယ်လို့လည်း အော်မရပါဘူး။ ရတနာတွေရဲ့ အရည်အသွေးတန်းတခုကို နားလည်ဖို့ မလွဲမသွေလိုအပ်တာမျိုးပါ။

အရောင်းအဝယ်တွေ ဖြစ်နေကြတဲ့အချိန်မှာ နားမလည်သူတွေအတွက် ဆိုးဝါးတဲ့ အမြင်၊ အသိမျိုး မရစေချင်ပါဘူး။ အထူးသဖြင့် မြန်မာတပြည်လုံး စောင့်ကြည့်ခံရတဲ့ ရောင်းဝယ်မှုမျိုးမှာ ' ဟာ..မီးထိကြီး၊ ဂျင်းအကြီးစားတွေပါကွာ၊ ကျောက်သမားတွေက ထုံးစံမပျက် လိမ်ညာသူတွေပါ ' ... စသဖြင့် အမြင်မခံနိုင်ပါဘူး။

□ အမှန်အကန်ပြောရောင်းဖို့ ဓါတ်ခွဲခန်းတွေရဲ့ စစ်ချက်တွေက ကူညီပေးမှာပါ။ (ဝယ်ပြီးမှ စစ်ချက်ထုတ်မယ်ဆိုတဲ့ ဝန်ဆောင်မှုတွေမှာ အမှားအယွင်း၊ အဆင်မပြေမှုတွေ များစွာကြုံတွေ့ကြရလို့ပါ)
□ ဆိုင်တွေရဲ့ ရပ်တည်ချက်ခိုင်မာဖို့ အရေးကြီးပါတယ် (မဟုတ်တာ ရောင်းဝယ်လုပ်နေသူတွေက ဒီအရသာ သိလို့ တသက်လုံး မလိမ့်တပတ် မဟုတ်တာပဲ လုပ်နေတဲ့ ဆိုင်ကြီးတွေ များစွာပါ)
□ ဘေးကကြည့်နေသူတွေ အကုသိုလ်မဖြစ်ဖို့၊ ကျောက်အရောင်းအဝယ်ကို လူအထင်မသေးဖို့ နှစ်ဦးနှစ်ဖက် နားလည်စွာ ဖြေရှင်းကြပါ။ မှန်ကန်စွာ ပြောရောင်းကြပါ။ မှားနေရင် ငွေပြန်ပေးပြီး ရတနာဂုဏ်ကို မြှင့်တင်ပေးကြပါ။

(၇)
ရောင်းသူတွေ စစ်ဆေးချက်ပြပြီး ကာဗာယူနိုင်သလို ဝယ်သူတွေကလည်း စစ်ဆေးချက်တွေရဲ့ အဖြေအဓိပ္ပါယ်ကို နားလည်ဖို့ အရေးကြီးလာပါပြီ။

ဘာပဲဖြစ်ဖြစ် စစ်ဆေးချက်အဖြေကြားမှာ ကျေနပ်စွာ အရောင်းအဝယ်လုပ်ခြင်းဖြင့် ကျောက်မျက်လောကရဲ့ ဂုဏ်ကို မြှင့်တင်ကြပါ။

လူတွေ အထင်မသေးဖို့၊ မှန်မှန်ကန်ကန် လုပ်နေတာတွေကို သိဖို့၊ ကျောက်နဲ့အတူ စစ်ဆေးချက်တွေ တပါတည်းပြနိုင်တဲ့ အရောင်းအဝယ်လောကကြီး ဖြစ်ကြပါစေ။

ကျောက်ရဲ့တန်ဖိုးနဲ့အတူ
စစ်ဆေးပေးကြသူတွေရဲ့ မှန်ကန်စွာရပ်တည်မှု၊ ဂုဏ်သိက္ခာ၊ တန်ဖိုးတွေက ကျောက်မျက်လောကကြီးကို အလင်းဆောင်လို့ တန်ဖိုးရှိကြပါစေ။ ဒီလူတွေကို တန်ဖိုးလည်း ထားနိုင်ကြပါစေ။

ရောင်းဝယ်နေကြတာက ရတနာ။
ရေပေါ်ဆီလို ဝေ့နေကြရုံလေးတော့ မလုပ်ကြပါနဲ့။
လူအများအထင်သေးတဲ့ ရတနာလောကကြီး မဖြစ်ဖို့ တာဝန်ယူမှု၊ တာဝန်ခံမှုတွေနဲ့အတူ အားလုံးမှာ တာဝန်ရှိနေကြရပါပြီ။
(၆. ၁၁. ၂၀၂၀)

Opening Hour
9:30am~4:30pm

📞09 550 1098,
📞09 250 678 409
📞09 775 182 176

04/09/2025

ကြုံရတွေ့ရ ရတနာလောကနှင့် စိတ်ကူးထဲကအတွေးများ (၂၉)

'စျေးလေးမှန်းပေးပါဗျာ'
'စျေးလေး ခန့်မှန်းပေးပါရှင်'
'ဒီပစ္စည်းက ဘယ်လောက်တန်လဲ'

ဓာတ်ခွဲခန်းနဲ့ ဘယ်လိုမှ လားလားမျှ မအပ်စပ်တဲ့ စကားလုံးတွေကို လာလာမေးကြတာ စိတ်ရှုပ်စရာပါ။ မသိလို့ အပြင်ကလူဆိုရင် အဆင်ပြေပြေ ပြောလို့ရပေမဲ့၊ စျေးကွက်အတွင်း သိသိကြီးနဲ့ လာလာမေးကြတာဟာ တကယ်တော့ အစော်ကားခံရသလိုပါပဲ။ အတွေ့အကြုံအရ ခံခဲ့ရဖူးပြီးပြီ။

မနေ့ကပဲ မှတ်မှတ်ရရ။
အရောင်းအဝယ်လည်း လုပ်တာမဟုတ်ပါဘူးဆိုတော့ (ဒီနေရာမှာ စျေးဖြတ်တာမဟုတ်ဘူးနော်၊ စျေးမှန်းတာ) အနီးက အရောင်းအဝယ်လုပ်သူကို မှန်းပေးပါဦးဆိုပြီး အကူအညီတောင်းတော့ ၆၀/၇၀ လောက်ထင်တယ်တဲ့။ သူ့အမြင်ပေါ့။ ကိုယ့်အမြင်က ၂၀ ပတ်ချာလည်ဆိုတော့ စျေးက 'ဟ' နေပြီ။ မှန်းဆိုတော့ ရမ်းရပြီပေါ့။ အပျော်တမ်းပါပဲ။ ပေါ့ပေါ့ပါးပါး ထင်ထားတာပါ။ အတင်းတောင်းဆိုနေတော့လေ။ အမှန်တကယ်လည်း စျေးကွက်မျက်စိ ပျက်နေခဲ့တာ ကြာပါပြီ။

၄၅ ဝယ်ထားတာ တဲ့။ များသွားပြီပေါ့တဲ့။ အန် !!!

ကျောက်အရောင်းအဝယ် လုပ်တယ်ဆိုတဲ့နေရာမှာ စျေးပေးရင် မင်္ဂလာပါ။ ရောင်းနိုင်တာ မရောင်းနိုင်တာက ပိုင်ရှင်ရဲ့အလုပ်ပါ။ အပေါ်က စျေးပေးသူနှစ်ယောက်(လေစျေး)မှာ ဘယ်သူ့ကို ရောင်းမလဲ။ ၄၅ က များသွားတာလား။ အဖြေရှိနေမှာပါ။

ဒီလူက နှိမ်ပြီး စျေးပေးတယ်လို့ လူတကာကိုပတ်ပြောတာက ကုန်သည်စည်းကို ချိုးဖောက်တာပါပဲ။ ရေရှည်ရပ်တည်ဖို့ မလွယ်နိုင်ကြသူတွေပေါ့။ တချို့တွေများ ကြုံဖူးပါတယ်။ ဒီစျေးဆိုရင် ခင်များဆီက ပြန်ဝယ်မယ် လုပ်သေးတာ။ ကျောက်အရောင်းအဝယ် လုပ်ကြတဲ့နေရာမှာ သင်ယူစရာတွေက များစွာများစွာပါ။ ဒါကြောင့်လဲ အရောင်းအဝယ်ပညာကို မတတ်ခဲ့ဘဲ စာသင်တဲ့အလုပ်ကို ရွေးချယ်ဖြစ်ခဲ့ရတာပါ။ လူတွေကတော့ အထင်ကြီးတာပေါ့။ ဒီလောက် ကျောက်တွေသိနေတာ အရောင်းအဝယ် လုပ်ပါလားတဲ့။ ခက်ပြီလေ။ အရောင်းအဝယ်မတတ်လို့ စာသင်တာပါ။

ရိုက်ပေါက်၊ ဓါးနဲ့အထိုးခံရမယ့်အပေါက်တွေ ဓာတ်ခွဲခန်းတွေဆီ မသယ်လာကြပါနဲ့ဗျာ လို့ တောင်းပန်နေရပါတယ်။

ဆိုင်မှာနေတဲ့ကလေးတွေ လာစစ်ဆေးသူနဲ့ မရောဖို့၊ အထူးသဖြင့် စျေးမမေးမိစေဖို့ အမြဲသတိပေးရပါတယ်။ သိပ်ခင်ရတဲ့ လူတွေဆိုရင်တော့ ကျောက်ကို အသေအချာကြည့်၊ စျေးကို မေး၊ ငါ့ညီတို့ ဒီကျောက်က ဒီစျေးပေါက်တယ်ဆိုပြီး သင်ပြပြောပြပါတယ်။ သိစေတတ်စေမှတ်စေချင်တာပါ။ ခင်မင်သူတွေကြားမှာ စျေးနှုန်းက အရေးကိုမကြီးကြတာ ကျောက်သမားစစ်စစ်တွေ သိကြပါတယ်။ ဝယ်ရင်းက ဝယ်ရင်းစျေး။ ရောင်းဖိုးဆိုတာ ကိုယ့်စိတ်ကြိုက်လေ။

အလိုက်မသိတဲ့ ပညာသင်တွေလည်း ကြုံရဖူးပါတယ်။ စျေးတွေ မေး၊ ဖုန်းနံပါတ်တွေတောင်းနဲ့ ဓာတ်ခွဲခန်းသိက္ခာ ဘယ်လောက်ကျသလဲ တွေးမိရင်၊ အမြဲသဘောမကောင်းသင့်တာကို သတိရမိပါတယ်။

စျေးနှုန်းတွေတင်လားဆိုရင် မဟုတ်ပါဘူး။ ကျောက်တွေကအစ သတိထားရပါတယ်။ ဘယ်သူ ဘယ်ကျောက် လာစစ်သွားသလဲ ပုလိပ်စစ် စစ်ချင်ကြသူတွေကလည်း ရှိတတ်ကြပါတယ်။ ဘယ်သူဘယ်ကျောက် လာစစ်စစ် ကိုယ်နဲ့မဆိုင်သလို ဒီကျောက်တွေရဲ့ ဓါတ်ပုံကိုတောင် အသုံးမပြုရပါဘူး။

စျေးဖြတ်ပေးတာ မဟုတ်ဘူး၊
စျေးမှန်းပေးပါဆိုရင်တောင် .. ကြောက်နေရပါပြီ။ ပြဿနာက မီးထွန်းရှာစရာ မလိုဘူး၊ အာချောင်တာနဲ့တင် ဂွမ်းမှာလို့ ကိုယ့်ကိုယ်ကိုယ် ဆုံးမရင်း ... ကြုံရတဲ့ရတနာလောကရယ်။
2 / 2022

Opening Hour
9:30am~4:30pm

📞09 550 1098,
📞09 250 678 409
📞09 775 182 176

23/08/2025

ကြုံရတွေ့ရ ရတနာလောကနှင့် စိတ်ကူးထဲကအတွေးများ(၂၈)

နားမလည်လို့ မေးပါရစေဆိုတဲ့ ဖုန်းသံလေးတွေ နေ့တိုင်း နားထောင်ဖြေဆိုရပါတယ်။ ကိုယ်တိုင်လည်း ဗဟုသုတရသလို ဆောင်ရန် ရှောင်ရန်၊ ဖြေရှင်းရန် နည်းလမ်းတွေကို ပိုသိမြင်လာရပါတယ်။

ကျောက်မျက်ဝယ်ရောင်းသမားတချို့ရဲ့ အဆိုးဆုံးအချက်ကတော့ အလွှာအသီးသီးက ရတနာချစ်သူတွေကို တန်ဖိုးမထားကြတာပါ။ ကိုယ့်ဆီ ဝယ်ယူအားပေးသူတွေကို ငွေရပြီးရော မျက်နှာလွှဲခဲပစ် လုပ်ကြတာမို့၊ ကျောက်ကုန်သည်တွေအားလုံး ဝါးလုံးရှည်နဲ့ အရမ်းခံရသလို ရတနာလောက သိက္ခာကျရပါတယ်။

အမှန်အတိုင်း ပြောရောင်းတာဟာ ဝယ်ယူသူကို အလေးစားဆုံး ဆက်ဆံတာပါ။ မမှန်မကန်ဖြစ်ခဲ့ရင်လည်း အာမခံချက်အပြည့်နဲ့ ဝယ်ယူသူကို စိတ်မပျက်စေသင့်ပါဘူး။ အမှန်အတိုင်းဆိုတဲ့နေရာမှာ ကျောက်မှန်ရုံသာမက၊ အပြစ်အနာကအစ ကျောက်ရဲ့အရောင်အထိ ကျယ်ပြန့်လာပါပြီ။

အရောင်းအဝယ်မှာ တချို့က ဓာတ်ခွဲခန်းတွေဆီ အပြစ်ပုံချပြီး၊ ကိုယ်လွတ်ရုန်းသူတွေ တွေ့မြင်လာရသလို ဓာတ်ခွဲခန်းတွေကို ဝယ်ယူသူ စိတ်ကျေနပ်အောင် တမင်ထုတ်ပေးကြတဲ့ မှန်မှန်ကန်ကန်လုပ်နေကြသူတွေလည်း များစွာပါ။

တချို့က ကျောက်တွေအကြောင်းကို ဓာတ်ခွဲခန်းက ဆရာတွေထက် ပိုသိ ပိုနားလည်ကြပေမဲ့၊ ဝယ်ယူသူ ကျေနပ်ဖို့ လေးစားစွာနဲ့ လာထုတ်ပေးကြတာပါ။ အပြန်အလှန် လေးစားခြင်းနဲ့ ခရီးသွားကြရတော့ ပိုလို့မှ အဆင်ပြေချောမွေ့လာတာကို တွေ့မြင်ရပါတယ်။ အားလုံးဟာ အမှားမကင်းတတ်သလို အမှားမဖြစ်အောင်လည်း အဘက်ဘက်က ကြိုးစားကြရမှာပါ။ တစ်စုံတစ်ခု မှားယွင်းခဲ့ရင်တောင် အဖြေတခု ပြန်ရှာပြီး အကောင်းဆုံးအခြေအနေတခုကို ပြန်လည်ရယူနိုင်ပါတယ်။

အွန်လိုင်းကနေ အရောင်းအဝယ် လုပ်ကြတာတွေ ပိုလို့များလာတဲ့အခါမှာ certificate စစ်ဆေးချက်လေးတွေက ရောင်းသူဝယ်သူကြား ပိုလို့မှ အဆင်ပြေစေပါတယ်။ ဒါပေမဲ့ အရင်တုန်းကလို အတုအစစ်၊ မီးဖုတ်ဆေးဆိုးနဲ့ မပြီးနိုင်သေးပဲ colour အရောင်တွေကိုပါ အလေးပေး ဆောင်ရွက်လာရတာ မလွယ်ကူပါဘူး။

'ဘာအရောင်လေး ရမလဲ၊ ထည့်ရေးပေးပါ' ဆိုရင် အဆင်ပြေပေမယ့်၊ ' ဒီအရောင်လေးတော့ လုပ်ပေးပါ' လို့ တောင်းဆိုသူတချို့ကြောင့်လည်း စိတ်ပျက်ရပါတယ်။ ရောင်းသူဝယ်သူကြားမှာလည်း အထင်မှားအမြင်မှား ဖြစ်ကြရပါတယ်။

' ဒီအရောင်မို့ ဝယ်လိုက်တာလေ '
' ဟိုဘက်မှာ ဒီအရောင်မရဘူး '
' ဟိုလူကျ ထုတ်ပေးတယ် '
' ဘာတတ်လို့ ထုတ်တာလဲ ' .....................
စသဖြင့် ဇာတ်လမ်းလေးတွေကြားမှာ ရောင်းသူရောဝယ်သူရော၊ ဓာတ်ခွဲခန်းတွေရော အချင်းချင်း စည်းလုံးမှုလေးတွေ ပျက်လာကြရတာ အားလုံးအတွက် အကျိုးမရှိပါဘူး။

နိုင်ငံတကာမှာလည်း အရောင်နဲ့ပတ်သက်ရင် အမြဲတမ်း အငြင်းပွားကြရမြဲပါ။ စျေးကွက်အတွင်း အကျိုးရှိဖို့၊ ရောင်းသူဝယ်သူ မနစ်နာဖို့ အဘက်ဘက် ကြိုးစားပေးကြရမယ့်တာဝန်တွေရှိပါတယ်။

ဆိုင်ကညီလေး ပြောတာ သတိရမိတယ်။ သီရိလင်္ကာက စစ်ချက်ထွက်တဲ့ Ruby ပတ္တမြားတွေအများစုက GIA ရောက်ရင် Pink Sapphire ပဲ ထွက်တယ် ဆိုတော့။

ဒီနိုင်ငံမှာလည်း အတူတူပါပဲ။ သူတို့ standard ကို မမီပေမဲ့၊ ကိုယ့်နိုင်ငံတွင်း အများ လက်ခံတဲ့အခြေအနေမှာ အလုပ် လုပ်နေကြရတာကို နားလည်ဖို့ လိုပါတယ်။ တကယ်ဆိုရင် မသိလို့မှ မဟုတ်ကြတာ။

အမာချို၊ ပတ္တမြားအရည်ချိုကနေ ဘယ်တော့မှ လက်မလွှတ်ချင်တဲ့ ဒေသခံတွေကို နားလည်မိသလို၊ နိုင်ငံတကာ ဝင်ဆံ့ဖို့ နိုင်ငံတကာရဲ့သတ်မှတ်ချက်တွေကိုလည်း အများနည်းတူ လိုက်နာကြရမှာပါ။

ပြောမယ့်သာပြောနေရတာ စျေးကွက်အတွင်းမှာ အများစု နားလည်ကြပါတယ်။ ဒါပေမဲ့ အသစ်အသစ်သော ရတနာချစ်သူတွေ တိုးလာချိန်မှာ ချိန်ထိုးသိရှိနိုင်ဖို့ ရည်ရွယ်ရတာပါ။

7 / 2021

Opening Hour
9:30am~4:30pm

📞09 550 1098,
📞09 250 678 409
📞09 775 182 176

05/08/2025

ကြုံရတွေ့ရ ရတနာလောကနှင့် စိတ်ကူးထဲကအတွေးများ(၂၇)

ဒီကနေ့ ကျောက်မျက်သင်တန်းကျောင်းတွေဆီကို ပြန်တွေးမိတော့ ရင်ထဲမှာ စိတ်မကောင်းဖြစ်မိတယ်။ သင်တန်းတက်ချင်လို့ပါ ဆိုပြီး စုံစမ်းသူတွေ အများအပြားရှိနေသလို အရွယ်ရောက်လာတဲ့ အိမ်က သားသမီး ၂ ယောက်လည်း သင်တန်းတက်ဖို့ စောင့်နေရတာ နှစ်ချီ နေခဲ့ရပြီ။ ဆိုင်က တပည့်ကျော်တောင် ပါသေးတယ်။

တကယ်သင်နိုင်တဲ့ ဆရာ၊ တကယ်ကိုမှန်မှန်ကန်ကန်နဲ့ လမ်းညွှန်ပေးနိုင်တဲ့ ဆရာတွေ လက်ချိုးရေတွက်ရလောက်အောင် နည်းခဲ့ကြရတဲ့ ကျောက်မျက်လောကမှာ ကိုယ်တိုင်လမ်းပျောက်နေရတာပါ။ မကြာ မကြာဆိုသလို ဖုန်းဆက်မေးကြတဲ့ 'သင်တန်းတွေဖွင့်ပြီလား' သင်တန်းတွေဖွင့်ရင် အကြောင်းကြားပါ ' ဆိုတဲ့ ဖုန်းခေါ်သံကြားမှာ ကြေကွဲဝမ်းနည်းစွာ ခံစားရပါတယ်။

ပြီးပြီးရော သင်ကြေးဆိုရင် သင်တန်းကောက်ဖွင့် သင်လိုက်ရုံပါပဲ။ ဒါပေမယ့် တကယ်ကိုစနစ်ကျတဲ့ ပညာပေးဝေမှုက အရေးကြီးလှပါတယ်။ ဆိုင်ကတပည့်ကျော်တယောက်လည်း အတုအစစ်၊ သဘာဝမီးဖုတ်ခွဲတတ်နေပေမယ့် ကျောက်မျက်ပညာကို မသင်ရရှာသေးပါဘူး။ ဆိုလိုတာက ဒီလောက်သိရုံနဲ့ ကျောက်မျက်ပညာက မပြီးသေးသလို အခြေခံကျတဲ့ ပညာရပ်ဆိုင်ရာကို လေ့လာတတ်မြောက်၊ ဆက်စပ်တွေးခေါ်၊ စဥ်းစားချင့်ချိန်နိုင်မှသာ ပြည့်စုံပြီး လမ်းမှန်ကို လျှောက်နိုင်မှာပါ။

ကျွန်တော့ဆရာတွေကို အားကိုးတကြီး ရှာမိတော့ ကိုဗစ် ရဲ့ အခြေအနေတွေက မလွယ်ကူလှပါဘူး။ ဆရာတို့သင်ပေးပါ ဆိုပြီး ကမကထ ပြုနိုင်ဦးတောင် သူတို့ရဲ့ကျန်းမာရေး၊ စသဖြင့်အခြေအနေတွေကြားမှာ ပြောမထွက်ရက်အောင် ဖြစ်ရပါတယ်။

ဆုံးရှုံးမှုတွေ အကြီးကြီး ခံစားရတဲ့အထဲမှာ စနစ်တကျ၊ လမ်းမှန်နည်းမှန် ဖြန့်ဖြူးသူဆရာတွေကို လက်လွတ်ကြရတာပါ။ အချိန်မီ တိုင်းပြည်ကြီး ပြန်ကောင်းပါစေ၊ ရောဂါဘယတွေ ကင်းဝေးပါစေ။

စနစ်တကျ သင်ပေးခဲ့တဲ့ ဆရာတွေလည်း အမြန်ဆုံးအဆင်ပြေပြီး သင်တန်းကျောင်းတွေ ပြန်ဖွင့်နိုင်ဖို့ ဆုတောင်း အခါခါ ဆိုသလိုပါပဲ။

ဆုံးရှုံးမှုများတယ် ဆိုတဲ့အထဲမှာ ပညာရပ်ဆိုင်ရာနောက်ကျခြင်းတွေက မျိုးဆက်တွေကို နစ်နာစေရတာပါပဲ။ လက်ဆင့်ကမ်းအမွေတွေ ပေးကြတဲ့အထဲမှာ ပညာရပ်တွေပါမလာတော့ တိုင်းပြည်နစ်နာကြရတာပေါ့။ စဥ်းစားကြည့်လေ၊ ပညာချင်းအတူတူကို နိုင်ငံခြားမှာ အကုန်အကျခံ သင်ယူရတာမလွယ်ကူပါဘူး။ ဂုဏ်သိက္ခါအတွက် ပညာယူရမယ်လို့ ခံယူသူများတဲ့အထဲမှာ ပညာရပ်ဆိုတာ လက်ဆင့်ကမ်းအမွေအနေနဲ့ ပေးဆပ်သူ နည်းကြရပါတယ်။

ပညာရပ်က အရေးကြီးလို့လား??
ရောင်းတတ်ဝယ်တတ် စီးပွားလုပ်တတ်ရင် ပြီးပြီ မဟုတ်လား ??
ပိုက်ဆံရှာတတ်ဖို့ စာလာသင်တာလေ ??
နဲနဲ သိ တော်ပြီ၊ ပညာတတ်တွေ ပိုက်ဆံမရှာတတ်ဘူး ??

ဆိုသူတွေ

ဒီကနေ့ ပြသနာ အခက်အခဲတွေကို နားလည်သူတွေ ဖြေရှင်းပေးနေရသလို၊ ခေါင်းခံပြီး ပညာရပ်နဲ့ပေါင်းစပ်လို့ ခရီးတခုဆီကို ချီတက်နိုင်ခဲ့ကြတာ လက်ခံပေးပါ။ ပိုက်ဆံပေးပြီး စစ်လိုက်ရုံ ဆိုတဲ့အသိထက် ရတနာလောကကို မြတ်နိုးတန်ဖိုး ထားစေချင်မိပါတယ်။

အားလုံးအတွက် ခက်ခဲတဲ့ကာလတစ်ခုပါ။
နောင် မျိုးဆက်သစ်တွေအတွက် ရှင်သန်ရင်း အသီးအပွင့်တွေ ဝေဆာပေးကြရမယ့်အချိန်တွေ ပြည့်စုံပါရစေ။
12 / 2021

Opening Hour
9:30am~4:30pm

📞09 550 1098,
📞09 250 678 409
📞09 775 182 176

17/07/2025

ကြုံရတွေ့ရ ရတနာလောကနှင့် စိတ်ကူးထဲကအတွေးများ(၂၅)

တချိန်က
ကျောက်လာစစ်ဆေးတဲ့လူတွေအကုန်လုံးနီးပါးက ကျောက်ရောင်းရပြီးမှ လာလေ့ရှိကြပါတယ်။ ကျောက်တွေက စစ်ဆေးချက်မှာ ကို့ယို့ကားယားဖြစ်ရင် အရောင်းအဝယ်တွေပျက်ကြရနဲ့ အားလုံးကို နစ်နာစေပါတယ်။

တခါတုန်းကတောင် ရေးပေးခဲ့ဖူးတယ်။ မီးဖုတ်အနည်းငယ်ပါနေတာကို ဝယ်သူက အခုပဲ လေဆိပ်ဆင်းတော့မှာမို့ သဘာဝဖြစ်ကြောင်းသာ ရေးပေးဆိုပြီး သိက္ခာမဲ့စွာ ပြောထွက်တာမျိုးပေါ့။ ငါ့လက်ကလွတ် ဗြွတ်ဆိုပေမယ့် ရေရှည်ရပ်တည်ကြရမယ့် ဆိုင်ရဲ့သိက္ခာရယ်၊ ဓါတ်ခွဲခန်းတခုရဲ့ ယုံကြည်မှုကို တည်ဆောက်ရတာ ဘယ်လောက်ခက်တဲ့ သိက္ခာလည်းဆိုတာရယ် အရေးကြီးလှပါတယ်။

ကျောက်လေးတွေ ဝယ်ရင် အာမခံ စစ်ချက်စာရွက်နဲ့ ဝယ်ကြသလို ပန်းထိမ်က တခါပြန်ထွက်လာရင်လည်း အထည်ကပ်အနေနဲ့ အသေအချာပြန်စစ်ဆေးသင့်ပါတယ်။ စစ်ပြီးဝယ်ထားတာဆိုပေမယ့် အဆင့်ဆင့်တိုင်းမှာ အမှားလေးတွေ ရှိတတ်တာမို့ သေချာစစ်ဆေးပြီး အဆင်သင့် လုပ်ဆောင်ထားသင့်ပါတယ်။

ရောင်းရတော့မှ အပြေးအလွှားစစ်၊ အချိန်က မမီ၊ မီးဖုတ်လေးတွေ အပြင် စိန်နေရာမှာ cz လေးတွေပါ ရောပါလာရင် ပန်းထိမ်တခါပြေး နဲ့ တွေးရင်းတောင်မောမိပါတယ်။

ဝယ်ယူတဲ့အခါမှာ ပိုင်ရှင်က စစ်မှန်ကြောင်း စစ်ချက်နဲ့တကွ ရောင်းရမှာ ဖြစ်သလို၊ ဝယ်သူအနေနဲ့လည်း စစ်ချက်နဲ့ကိုက်၊ မကိုက် သက်ဆိုင်ရာဓါတ်ခွဲခန်းမှာ ပြန်တိုက်နိုင်ရင် အကောင်းဆုံးပါပဲ။ အများစုက စိတ်ချယုံကြည်စွာ ထားတတ်ကြပေမယ့် တချို့တလေ ပြန်ပြီးတိုက်ယူစစ်ဆေးလေ့ရှိပါတယ်။

အထက်ကပြောခဲ့သလို အချိန်မရလို့ ပန်းထိမ်မှာ ပြန်လဲပါဗျာ၊ မှတ်ပေးလိုက်ပါ့မယ်ဆိုပြီး ထုတ်ပေးမှုတွေ ရှိခဲ့ပါတယ်။

ကျွန်တော့ညီလေးကတော့ ဒီလိုအလိုလိုက်တာ မကောင်းဘူး၊ လဲရင်လည်းမှန်မမှန်က ရှိသေးသလို အချိန်မရလို့ မလဲပဲရောင်းလိုက်ရင် နောက်စမ်းသပ်ခန်းတခုမှာ အဖြေပေါ်လာရင် ကိုယ့်သိက္ခာကျမှာပေါ့ ဆိုပြီး သတိပေးစကား ဆိုလာခဲ့လို့ ဒီအကြောင်းအရာလေး ရေးချင်စိတ် ပေါ်လာခဲ့ရပါတယ်။

ယုံကြည်ပါသည်။ ထို့အတွက် ယုံယုံကြည်ကြည် ပြန်အပ်ခဲ့ပေမယ့် လဲလှယ်တဲ့ ကျောက်ကလေးတွေမှာ အတိမ်းအစောင်း ဖြစ်ခဲ့ရင် ....
ယုံကြည်ပါသည်။ သို့သော် အချိန်မရလို့ မလုပ်ချင်ပဲ လုပ်ခဲ့ကြရင်ရော ...

တကယ်တော့ အချိန်တွေက တန်ဖိုးတွေပါ။ အသေအချာ ပြင်ဆင်တတ်ဖို့ ကျွန်တော်တို့ကျောက်မျက်အသိုင်းအဝိုင်းကြီးက အားလုံးအတူတကွ ကြိုးစားချီတက်ကြရပါမည်။

အထည်သစ်လေးတွေထွက်လို့ မရောင်းခင် စစ်ဆေးတဲ့သူတွေ အတော်များများ တွေ့နေရပါပြီ။ ကျေးဇူးတင်ပါတယ်။
အကိုရေ ID နံပါတ်ဘယ်လောက်နဲ့ စစ်ဆေးချက်လေးထုတ်ထားတာ သေချာလားဗျာ လို့ မေးသူတွေ ရှိလာကြပြီ။ ကျေးဇူးတင်ပါတယ်။

ရောင်းသူရော၊ ဝယ်သူရော၊ စစ်ဆေးပေးသူရော အားလုံးအတွက် သိက္ခာတန်ဖိုးက အရေးကြီးပါတယ်။ ဂုဏ်သိက္ခာဆိုတာ အမှန်တရားပဲ မဟုတ်ပါလား။

ခေတ်စနစ်က ပြောင်းလာတော့ အရင်လို ငဆိုးငညစ်အရှုပ်ထုပ်တွေ ပေါ့ပါးလာတာကို ဝမ်းသာစွာတွေ့မြင်နေရပါပြီ။ ကောင်းရောင်းကောင်းဝယ်မှန်မှန်လေးနဲ့ အရှေ့ကိုချီတက်လာကြတဲ့ တက်သစ်စတွေကလည်း အားရစရာကောင်းလှပါတယ်။

ဂျင်းလေးထည့်လိုက်ရမှ၊ နံနံပင်ရော မိတ်သလင်ရော ရောလိုက်မှဆိုတဲ့ လူတန်းစားတရပ် ပျောက်ကွယ်လာပါပြီ။ သူတို့အတွက်လည်း ကျောက်အရောင်းအဝယ်လောကမှာ နေရာမရှိတော့ပါဘူး။

ခေတ်စနစ်က အရေးကြီးတယ်ဆိုတာလေးကို ဒီနေရာမှာ မြင်တွေ့နိုင်ပါတယ်။ မဟုတ်တယုတ်တွေရောင်းပြီး ဂျင်းထည့်လို့မရအောင် လူတွေအသိပညာရှိလာကြသလို မကောင်းတာမမှန်တာနဲ့ အသက်မွေးဖို့ ရှက်တတ်လာတဲ့ သိက္ခာရှိ လူ့အဖွဲ့အစည်းကြီးဖြစ်လာနေပါပြီ။

တချိန်ချိန်၊ တနေ့နေ့မှာတော့ ဂုဏ်သိက္ခာရှိ လူ့အဖွဲ့အစည်းကြီးကို နယ်ပယ်တိုင်း၊ နေရာတိုင်းမှာ အကောင်းဆုံးမြင်တွေ့ရမယ်လို့ သေချာပေါက်ယုံကြည်မိပါသည်။

23/8/2020

Opening Hour
9:30am~4:30pm

📞09 550 1098,
📞09 250 678 409
📞09 775 182 176

15/07/2025

ဆိုင်ပြန်ဖွင့်ပါပြီ ခင်ဗျာ

08/07/2025

#ဝါဆိုလပြည့်နေ့
#ဓမ္မစကြာအခါတော်နေ့
#2025

JEWEL HOUSE

19/10/2025

05/10/2025

30/09/2025

25/09/2025

18/09/2025

04/09/2025

23/08/2025

05/08/2025

17/07/2025

15/07/2025

08/07/2025

Address

Opening Hours

Telephone

Website

Alerts

Contact The Business

Shortcuts

Share

Category

Listing takedown request

Monday	09:30 - 16:30
Tuesday	09:30 - 16:30
Wednesday	09:30 - 16:30
Thursday	09:30 - 16:30
Friday	09:30 - 16:30
Saturday	09:30 - 16:30
Sunday	09:30 - 16:30