20/05/2026
Diamond Nori page ကနေ စိန်နဲ့ပက်သက်တဲ့ ဗဟုသုတရစရာတွေကို မျှဝေပေးလျှက်ရှိပါတယ်ရှင် ။
ဒီနေ့မျှဝေပေးမယ့် အကြောင်းအရာလေးကတော့ စိန် ၏ အရောင် (Colour) အကြောင်းပဲ ဖြစ်ပါတယ်ရှင်။
အချို့လူတော်တော်များများကတော့ စိန်ကိုအရောင်တစ်မျိုးတည်းရှိသည်ဟု ထင်တတ်ကြပါတယ်။
တကယ်တော့ စိန်က အရောင်တစ်မျိုးတည်းရှိတာမဟုတ်ပါဘူးရှင်။အရောင်မရှိသောစိန် အဖြူရောင်စိန်(Colourless)၊အဝါရောင်စိန်၊အစိမ်းရောင်စိန်၊ခဲရောင်စိန်၊ပန်းရောင်စိန်၊အနီရောင်စိန်၊အပြာရောင်စိန်၊အညိုရောင်စိန်နှင့် အနက်ရောင်စိန် စသည်ဖြင့် အမျိုးမျိုးရှိနိုင်ပါတယ်ရှင်။
အရောင်မရှိသောစိန်ဆိုသည်မှာ ရေသန့်ရေခဲတုံးကဲ့သို့ အရောင်မပါ ကြည်လင်နေသောစိန်ကို ပြောတာပါရှင်။အရောင်မျိုးစုံရှိသည့်အနက် အနီရောင်စိန်မှာ ရှားပါးစိန်ဖြစ်ပါတယ်ရှင်။အကယ်၍ အခြားအခြေအနေ ဂုဏ်အင်္ဂါရပ်များတူညီနေခဲ့ရင်တောင် အပြာရောင်စိန်မှာပို၍ဈေးကြီးကြောင်း သိရပါတယ်ရှင်။
အရောင်မရှိသောစိန်၊အဖြူရောင်စိန်၊အဝါရည်စွဲပါသောစိန် စသည်ဖြင့် စိန်တွင် အဆင့်ဆင့်ရှိနိုင်ပါတယ်ရှင်။၎င်းအဖြူရောင်ရှိသည့်စိန်များထဲက ဘယ်လိုစိန်က အရည်အသွေးကောင်းလဲမေးလျှင် အလွယ်ကူဆုံး ဖြေရမည်ဆိုပါက အရောင်စွဲမပါလေ ကောင်းလေဖြစ်ပါတယ်ရှင်။
အဖြူရောင်စိန်များတွင် အဝါရည်စွဲရှိသည်ဟုဆိုခြင်းမှာ အဝါရည်မသိမသာ အနည်ငယ်မျှသာ ပါဝင်နေခြင်းဖြစ်ပါတယ်ရှင်။၎င်းအဝါရည်စွဲခြင်းကို အဆီရှိသည်ဟုလည်း တနည်းခေါ်ဆိုကြပါတယ်ရှင်။
စိန်ကိုအရောင်အဆင့် ခွဲခြားသည့်အခါ ထိုအဝါရည်စွဲခြင်းကို အဓိကထားပြီးခွဲခြားကြပါတယ်ရှင်။
အဝါရောင်စိန်ဆိုသည်မှာ သီးခြားပင်ကိုယ် အဝါရောင်ရှိသော စိန်များကိုခေါ်ဆိုပါတယ်ရှင်။၎င်းစိန်များကို ရှမ်ပိန် (Champagne)၊ ကင်နာရီ (Canary)စသည်ဖြင့် ခေါ်ကြပါတယ်ရှင်။
အရောင်ရှိစိန်များဖြစ်ကြသော ပန်းရောင်စိန်၊အစိမ်းရောင်စိန်၊အဝါရောင်စိန်နှင့် အပြာရောင်စိန်စတဲ့ အရောင်ရှိစိန်များကို ဖန်စီစိန် (Fancy) ဟု ခေါ်ဆိုကြပါတယ်ရှင်။
စိန်၏ အရောင်အကြောင်းကတော့ ဒီလောက်ပါပဲနော် နောက်ပို့စ်တွေမှာလည်း စိန်နဲ့ပက်သက်တဲ့ ဗဟုသုတရစရာတွေကို ဆက်လက်မျှဝေပေးပါဦးမယ်ရှင်။
#အကောင်းဆုံးqualitydiamondnori #အကောင်းဆုံးqualityဒိုင်းမွန်းနိုရီ
