31/07/2026
🚨 အရေးပေါ် တာကျိုးကျိုးပေါက်မှု အသိပေး / သတိပေးနှိုးဆော်စာ 🚨
~~~~~~~~~~~~~~
အကြောင်းအရာ။ ။ ငဝန်တာကျိုးပေါက်မှုကြောင့် လေးမျက်နှာမြို့နှင့် အနီးဝန်းကျင် ရေဘေးအန္တရာယ် ကျရောက်နိုင်သည့် နေရာများ အရေးပေါ် ရွှေ့ပြောင်း/သတိပြုနိုင်ရန် အသိပေးခြင်း
ယနေ့ညပိုင်း ၂၂:၄၅ နာရီအချိန်ခန့်တွင် မြစ်ရေတွန်းအားကြောင့် ငဝန်ရေကာတာ၏ တာဘောင် ပေ ၂၀ ခန့် ကျိုးပေါက်မှု ဖြစ်ပွားခဲ့ပါသည်။ တာကျိုးပေါက်မှုကြောင့် တာအတွင်းဘက်သို့ မြစ်ရေများ အနက် ၂.၅ ပေခန့် စတင်ဝင်ရောက်လျက်ရှိနေပြီဖြစ်ပါသည်။
#ရေစီးဆင်းနိုင်သည့်လမ်းကြောင်းများ
တာအတွင်းသို့ ဝင်ရောက်လာသော မြစ်ရေများသည် အောက်ပါ လမ်းကြောင်းများအတိုင်း ဆက်လက် စီးဆင်းနိုင်ပါသည် -
(၁) ဖြစ်စဉ်နေရာ၏ အရှေ့ဘက် မြစ်ကျိုးအင်း
(၂) ထိုမှတစ်ဆင့် အရှေ့မြောက်ဘက် ချောင်းဇောက်
(၃) ထိုမှတစ်ဆင့် စာရေးကုန်းချောင်း
(၄) ထိုမှတစ်ဆင့် ဒါးကမြစ်အတွင်းသို့ စီးဝင်နိုင်ပါသည်။
အထူးသတိပြု ရွှေ့ပြောင်းရန် နေရာများအထက်ပါ ရေစီးဆင်းမှုကြောင့် အောက်ပါနေရာများသို့ ရေဝင်ရောက်မှု ဖြစ်ပွားနိုင်ပါသည် - အနိမ့်ပိုင်းလယ်ကွင်းများ လေးမျက်နှာမြို့အတွင်းရှိ အနိမ့်ပိုင်း ရပ်ကွက်များ
#မိဘပြည်သူများအရေးပေါ်လိုက်နာဆောင်ရွက်ရန်
(၁) အရေးပေါ် ရွှေ့ပြောင်းပါ - ရေဝင်ရောက်နိုင်သော အနိမ့်ပိုင်း ရပ်ကွက်များနှင့် စိုက်ပျိုးမြေများအနီး နေထိုင်သူများအနေဖြင့် ဘေးလွတ်ရာ ကုန်းမြင့်များ၊ စက်ရုံ/ကျောင်းများ/ဓမ္မာရုံများနှင့် သက်ဆိုင်ရာ ကယ်ဆယ်ရေးစခန်းများသို့ ချက်ချင်း အရေးပေါ် ရွှေ့ပြောင်းကြပါရန်။
(၂) ပစ္စည်းများနှင့် သက်ကြီး/ကလေးများ - တန်ဖိုးရှိ စာရွက်စာတမ်းများ၊ ဆေးဝါး၊ အစားအစာများနှင့် သက်ကြီးရွယ်အိုများ၊ ကလေးသူငယ်များကို ရှေ့ဦးစွာ လုံခြုံသောနေရာသို့ ပို့ဆောင်ထားကြပါရန်။
(၃) လျှပ်စစ်အန္တရာယ် သတိပြုရန် - မိမိတို့အိမ်ရှိ လျှပ်စစ်မိန်းခလုတ်များကို ပိတ်ထားကြပါရန်။
(၄) အကူအညီတောင်းခံရန် - အခက်အခဲရှိပါက ရပ်/ကျေး အုပ်ချုပ်ရေးအဖွဲ့များ၊ ကယ်ဆယ်ရေးအဖွဲ့များနှင့် မီးသတ်တပ်ဖွဲ့ဝင်များထံ ချက်ချင်း ဆက်သွယ်အကူအညီတောင်းခံကြပါရန်။
မိဘပြည်သူများ အနေဖြင့် စိုးရိမ်ထိတ်လန့်ခြင်းမရှိဘဲ သက်ဆိုင်ရာ၏ အရေးပေါ် ညွှန်ကြားချက်များကို အတိအကျလိုက်နာ၍ ဘေးလွတ်ရာသို့ အမြန်ဆုံး ရွှေ့ပြောင်းနေထိုင်ကြပါရန် အသိပေးနှိုးဆော်အပ်ပါသည်။
