28/01/2026
ကျောက်နဲ့ပတ်သတ်တဲ့ လက်တွေ့ကျတာတစ်ခု ပြောပြချင်လို့ရှင်🤗🤗
ကျောက်ကလေ ရွှေလိုမျိုး နိုင်သလောက် တစ်ပဲချင်းစုမယ် နှစ်ပဲချင်းစုမယ် လုပ်လို့ကောင်းတဲ့အရာမဟုတ်ပါဘူးနော်။ ဝယ်တဲ့သူတွေ လာမေးရင်လည်း ဒါကိုအမြဲပြောပြဖြစ်ပေမယ့် အားလုံးသိရအောင်လို့ပါ။
ကျောက်က ပြန်ရောင်းနေကြလူ၊ အထည်ခတ်ပြန်ရောင်းတဲ့သူမဟုတ်ရင် ရွှေလိုမျိုး ငွေပြန်ဖော်ရမြန်တဲ့အထဲမပါပါဘူး။
ဒါပြီး ကျောက်ကတိကျတဲ့အမြတ်မရှိပါဘူး။
ငါးသိန်းဝယ်လို့ 10%ငါးသောင်းသေချာပေါက်မြတ်မယ် တွက်လို့ရတဲ့ဟာမဟုတ်လို့ပါ။
ငါးသိန်းနဲ့ရောင်းလိုက်ပေမယ့် ပြန်ရောင်းမယ့်လူက သူ့ရောင်းခွင်နဲ့ အံကိုက်နေတာတွေ့လို့ ဝယ်သွားပြီး တစ်ဆယ်နဲ့ရောင်းရတာမျိုးလည်း ရှိပါတယ်။ ကိုယ့်ခွင်နဲ့ကိုက်မယ်ထင်လို့ ဝယ်ပြီးမှ ကိုယ့်လက်ထဲ တစ်နှစ်လောက်အောင်းနေတဲ့ကျောက်လည်း ကျောက်သမားတိုင်းကြုံဖူးကြမှာပါ။
ဒီလောကထဲ ရောင်းနေဝယ်နေကြလူတွေကတော့ သူခွင်နဲ့သူ ကိုက်မယ့်ဟာကို ရောင်းကြဝယ်ကြတာပါ။
တစ်ယောက်နဲ့တစ်ယောက် မိတ်လည်းမတူသလို ရောင်းခွင်ပေါ်မူတည်ပြီး ကွာတာပါ။
အရောင်းအဝယ်လောကထဲကမဟုတ်ဘဲ ဒါလေးဝယ်ရင် တစ်နှစ်ကြာရင် မြတ်နိုင်လားလို့ မေးတာမျိုးဆို ရောင်းချင်ဇောတစ်ခုတည်းနဲ့ မြတ်မယ် အာမမခံပါဘူးနော်။ ဘာလို့အာမမခံလဲဆို ဝယ်သူပိုက်ဆံပြန်ဖော်ချင်ချိန် ကျောက်က ချက်ချင်းရောင်းရတာမျိုးရှိသလို မရတာလည်းအများကြီးပါ။
ခုနေကြိုက်ရင်ဝယ်ထား နောက်ပြန်ဝယ်ရင်တော့ ဘာနေနေ စျေးတက်တာများတာပဲမို့ ကြိုက်တာဆို ယူထားဖို့ အကြံပေးတာမျိုးပဲရှိပါတယ်။
ရွှေထည်တောင် အလျော့တွက်လက်ခပါတဲ့ design ဆန်းတာမျိုးဆို ဒီနေ့ဝယ်သွားပြီး နောက်နေ့ဆိုင်ပြန်သွင်းရင်သူ့သတ်မှတ် % နှုတ်ပြီးပဲ ပြန်ဝယ်ပေးကြတာပါနော်။
ကျောက်က လေးငါးသိန်းတန် တစ်ခုချင်းစုပြီး ဆယ်ခုလောက်ရရင် ငွေဖော်ရလွယ်မယ်မထင်ကြစေချင်တာပါ။
ဒီလိုတွေပြောလို့ ကျောက်ကို ရင်းနှီးမြှုပ်နှံတာ မလုပ်ကြဘူးလားဆို လုပ်ကြတာပေါ့။ ရင်းနှီးမြှုပ်နှံရမယ့် ကျောက် စုရမယ့်ကျောက်ကျလည်း စျေးသေးသေးပေးပြီး စုလို့မရပါနော်။
တစ်ချိန်ပြန်ရောင်းမယ်စိတ်ကူးရင်လည်း ကိုယ့်ရောင်းခွင်က ဘယ်လိုမျိုးကို target ထားလဲစိတ်ကူးပြီးမှ ဝယ်စုထားကြစေချင်ပါတယ်ရှင်။
ကျောက်ကို ချစ်လို့ ကြိုက်လို့ကို ပေါ့ပေါ့ပါးပါးဝယ်စုတဲ့သူကျလည်း မြတ်တာမမြတ်တာထည့်မတွက်ဘဲ လိုချင်တဲ့အရောင်နဲ့အမျိုးအစားရရင် ပျော်နေကြသူတွေကတော့ သက်သက်ရှိတာပေါ့။
ငွေဖော်ရလွယ်တာကြိုက်ရင်တော့ ကျောက်ထက် ရွှေကိုဦးစားပေးပါ။
ချစ်ခြင်းအားဖြင့် Gems 💎
