13/02/2026
ရွှေဆိုတာက ဘယ်ဆိုင်မှာမဆို ဝယ်လို့လွယ်ပါတယ်။
ဒါပေမယ့် ကိုယ်တကယ်အသုံးလိုလို့ ငွေပြန်ဖော်မယ်ဆိုရင်တော့ ကိုယ်ဝယ်တဲ့ဆိုင်ရဲ့ တာဝန်ခံမှုကအရေးကြီးလာပါပြီ။
ဒီရက်ပိုင်း ရွှေဂယက်၊ဘဏ်ဂယက်တွေနဲ့အတူ ရွှေဝယ်ထားတဲ့လူတချို့ ဒုက္ခများကြပါတယ်။ ငွေလိုလို့ဖြစ်ဖြစ် ပစ္စည်းက ပျက်စီးသွားလို့ဖြစ်ဖြစ် သွားရောင်းတဲ့အခါ ပြန်လက်မခံတာတွေ ဆိုင်ပိတ်ထားတာတွေ အများကြီးကြုံရပါတယ်။
ရွှေဆိုတာမျိုးကလည်း တခြားပစ္စည်း (ဆိုင်ကယ်တို့ စက်တို့လို့) လိုမျိုး နီးစပ်ရာ စပ်ဟပ်ရောင်းလို့ ကောင်းတဲ့ပစ္စည်းမဟုတ်ပါဘူး။ အငိုလွယ်ပြီးအရှိုက်ခက်ဆိုသလို ရွှေကလည်း ဆိုင်မှားလုပ်မိရင် အဝယ်လွယ်ပြီး အရောင်းခက်ပါတယ်။
မိသားစုမှာတော့ ဒီရက်ပိုင်း ကိုယ့်ဆိုင်က ပစ္စည်းတင်မဟုတ်ဘဲ တခြားဆိုင်တွေကလုပ်ထားတာတွေ လာရောင်းရင်တောင် ရွှေအဆင်ပြေရင် ဝယ်ပေး၊ လဲပေးလိုက်ပါတယ်။
နေပူကြီးထဲ မောမောပန်းပန်းလာကြတဲ့သူတွေကို အဆင်ပြေအောင် လုပ်ပေးလိုက်ပါတယ်။
တချို့ကျလည်း ငါတို့က ငွေပိုလို့ ရွှေဝယ်ထားတာ၊ ရောင်းဖို့လည်းမဟုတ်ဘူးလို့တွေးချင်လည်းတွေးကြမှာပါ။ ရောင်းသည်ဖြစ်စေ၊ စုထားသည်ဖြစ်စေ အနည်းဆုံး ငါတို့ရွှေကို ရောင်းပေးထားတဲ့ဆိုင်က အချိန်မရွေးတာဝန်ယူတယ်ဆိုတာမျိုးတော့ ဖြစ်ရပါမယ်။ ဒါမှလည်း စိတ်လုံခြုံမှုအပြည့်နဲ့ ရွှေကိုစုနိုင်ကြမှာပါ။
ခုလိုအချိန်မျိုးတွေကတော့ ဘယ်ဆိုင်က ဘယ်လောက်တာဝန်ယူနိုင်တယ်၊ တာဝန်ခံနိုင်တယ်ဆိုတာမျိုးကိုလည်း ရွှေချစ်တဲ့လူတွေ လေ့လာကြဖို့အချိန်ကောင်းပါပဲ။
(ပုံထဲကနားဆွဲလေးကတော့ တခြားမြို့ကနေ သမီးလေးကိုခေါ်လာပြီး ဝယ်သွားတဲ့ပစ္စည်းလေးပါ။ သူတို့မြို့ကဆိုင်ပိတ်နေတော့ အဲ့ဆိုင်ကလုပ်ထားတဲ့နားဆွဲအဟောင်းလေးယူလာပြီး အသစ်နဲ့ လဲသွားတာပါ။)
