https://shweshops.com/shwenatthar

ရွှေနတ်သား စိန်ရွှေရတနာဆိုင်, Aung Zeya Street, Dawei (2026)

20/12/2024

Christmas အထူးဈေး🌲🌲🌲🎁🎁🎁

ချစ်မမတို့အတွက် ရိုးရိုးလေးနဲ့ ဝတ်လိုက်ရင် အရမ်းလှတဲ့စိန်နားကပ်လေးတစ်ရံ ရောင်းပေးပါရစေ။💎💎💎

တစ်နှစ်ပါတ်လုံး အလုပ်ကြိုးစားခဲ့ပြီး ခုတော့ ကိုယ့်ကိုယ်ကို ဆုချရမယ့် အချိန်ရောက်နေပါပြီ 💃💃💃

စိန် ၃၀စီး ၃၂ပွင့် 0.97ct ပါရှိပြီး
ရွှေချိန် ၄ပဲ ၁ရွေး နဲ့ခတ်လုပ်ထားပါတယ်ရှင်။

ရောင်းဈေးလေးကတော့ ၃၁သိန်း (တန်တန်လေးပါပဲရှင်)

ဖုန်း 09 6928 18723, 09 422466414

20/12/2024

Christmas အထူးဈေး🌲🌲🌲🎁🎁🎁

အရွယ်တိုင်းနဲ့သင့်တော်တဲ့ စိန်လက်စွပ်လေး
💎💎💎💍💍💍
ရွှေချိန် ၃ပဲ၂ရွေး ပါရှိပြီး
စိန်ချိန် ၁၀၀စီး ၃၀ပွင့် 0.27ct နဲ့ခတိလုပ်ထားတဲ့ စိန်လက်စွပ်လေးကို

ရောင်းဈေး 1,550,000 ကျပ်တည်းနဲ့ ရောင်းပေးပါမယ်ရှင်

ဖုန်း 09 6928 18723, 09 422466414

20/12/2024

Christmas အထူးဈေး🌲🌲🌲🎁🎁🎁

ဒီဇိုင်းလှပြီး မကြီးလွန်း မသေးလွန်း အရွယ်တော် စိန်ဂုံးလက်စွပ် လေး ရောင်းပါမယ်ရှင်
💎💎💎💍💍💍
ရွှေချိန် ၈ပဲ ရှိပါတယ်
စိန်ချိန် 2.7 ct ပါလို့ လှလှ ထည်ထည်လေးဝတ်ရမှာပါ
💎💎💎💍💍💍
ဈေးကလည်း မများလွန်း မနည်းလွန်း ပေးရတန်တဲ့ဈေးလေးပါရှင်

69 သိန်း ထဲနဲ့ရောင်းမှာပါ။ တန်တန်လေးမို့ဝယ်လိုက်တော့နော်။

ဖုန်း 09 6928 18723, 09 422466414

20/12/2024

Christmas အထူးဈေး🌲🌲🌲🎁🎁🎁

ချစ်မမတို့အတွက် စိန်နားကပ်ပုံဆန်းလေး💎💎💎

အသည်းပန်းပွင့်ပုံ စိန်နားကပ်လေး ပါရှင်
💎💎💎
စိန် ၁၀လုံးစီး ၂ပွင့် နဲ့ခတ်လုပ်ထားပြီး
ရွှေချိန် ၂ပဲ ၆ရွေး ပါရှိပါတယ်
💎💎💎
ရောင်းဈေး ၁၂ သိန်း (အနည်းဆုံးဈေးလေးမို့ အရမ်းတန်ပါတယ်ရှင်)

📞 09 6928 18723, 09 422466414

20/12/2024

ချစ်စရာ ကောင်းပြီး လှပတဲ့ စိန်နားကွင်းလေး တစ်ရံ ရောင်းပါမယ်ရှင်။

ရွှေချိန်၂ပဲ၁ရွေး ရှိပြီး
စိန် ၅၀စီး ၂၂ပွင့် နဲ့ ခတ်လုပ်ထားပါတယ်။
ရောင်းဈေး ၁၄သိန်း (အနည်းဆုံးလေးမို့ ဈေးမလျော့တော့ပါဘူးရှင်)

ဖုန်း 09692818723,09422466414

19/12/2024

၁၅ပဲရည် ရေလှိုင်းလက်စွပ်လေးတွေ ရပါပြီ။

ရွှေချိန် ၆ရွေးဝန်းကျင်
ရွှေပါးပါးလေးတွေ မဟုတ်ပါဘူး။ အတန်အသင့်ထူပါတယ်နော်။

ဈေး - ၄သိန်း ဝန်းကျင်

တစ်ကွင်းထဲဝတ်လည်းရ၊ နှစ်ကွင်းသုံးကွင်းဝတ်လည်း လှတဲ့ ရေလှိုင်းလက်စွပ်လေးတွေပါရှင်။

ဝယ်ယူသည့်နေ့ရွှေပေါက်စျေးနှင့်တွက်ပေးပါမည်။
၁၅ပဲရည်ကို အလျော့တွက်နည်းနည်းနဲ့တန်တန်လေးရမှာပါ။

ဖုန်း 09692818723,
09756544514 Viber

18/12/2024

ရေငန်ပုလဲ နဲ့ ရေချိုပုလဲ ဘာကွာခြားလဲ?
(ပုလဲတို့အကြောင်း ၇ by Nature's Gems)ရေးထားတဲ့ ဆောင်းပါးလေးကို ပြန်လည်မျှဝေပေးလိုက်ပါတယ်ရှင်

ရေငန်ပုလဲနှင့် ရေချိုပုလဲသည် ပုလဲမျိုးကွဲ နှစ်မျိုးဖြစ်ပြီး ၎င်းတို့ ပေါက်ဖွားရာအရပ်ကို အခြေခံ၍ အမျိုးအစားခွဲထားသည်။ ခေတ်မီနည်းပညာများ တိုးတက်လာသည်နှင့်အမျှ ဤနှစ်ခုကြား ခြားနားချက်ကို တဖြည်းဖြည်း ကျဉ်းမြောင်းသွားစေ သော်လည်း အစဉ်အလာအားဖြင့် ရေငန်နှင့် ရေချိုပုလဲများသည် အရောင်၊ အသွင်အပြင်၊ ဈေးနှုန်းနှင့် တာရှည်ခံမှုဆိုင်ရာ ကွဲပြားသော လက္ခဏာများရှိသည်။

မိတ်ဆွေအနေနဲ့ ဒီပုလဲ ၂မျိုးကို ဘာကိုရွေးရမလဲ ဝေခွဲမရ ဖြစ်ရင် ဤဆောင်းပါးကို ဆက်လက် ဖတ်ရှူနိုင်ပါသည်။ ရေငန်နှင့် ရေချိုပုလဲများကို ပိုမိုကောင်းမွန်သောရွေးချယ်မှုဟု သိသာစေမည့် အချက်များကို ဤ ‌ေဆာင်းပါးတွင် နှိုင်းယှဉ်ပြပါမည်။

🟤ရေငန်ပုလဲနှင့် ရေချိုပုလဲများ - မူရင်းထွက်ရှိရာ ဒေသ🟤
ရေငန်ပုလဲများကို ဂျပန်၊ ဩစတေးလျ၊ တဟီတီ၊ အင်ဒိုနီးရှား ဖိလစ်ပိုင် နှင့် မြန်မာနိုင်ငံတို့ကဲ့သို့သော အပူပိုင်း သမုဒ္ဒရာများရှိသည့် ဒေသများတွင် နေထိုင်ကျက်စားသည့် Saltwater pearl oyster ရေငန် ကမာကောင်များဆီမှ ထုတ်ယူ ရရှိသည်။ Akoya၊ South Sea နှင့် Tahitian ပုလဲမျိုးစိတ်များသည် ထင်ရှားသည့် ရေငန်ပုလဲ မျိုးစိတ် ၃မျိုးဖြစ်သည်။

ရေချိုပုလဲများကို မြစ်များနှင့် ရေကန်များကဲ့သို့သော ရေချိုအရင်းအမြစ်များတွင် ပေါက်ဖွား ရှင်သန်သော freshwater mussels ရေချို ဂုံးကောင် အမျိုးအစားအမျိုးမျိုးမှ ထုတ်ယူရရှိသည်။ ဂျပန်နှင့် အမေရိကန်တို့က ဈေးကွက်တွင် ရေချိုပုလဲများဦးဆောင်မိတ်ဆက်သူများ ဖြစ်သော်လည်း ရေချိုပုလဲများကို တရုတ်နိုင်ငံ နှင့် အိန္ဒိယနိုင်ငံတို့တွင် အဓိက မွေးမြူထုတ်လုပ်ကြသည်။

ရေငန်ပုလဲများ၏ ကြီးထွားမှုကာလသည် ရေချိုပုလဲများထက် ပိုရှည်ပြီး ထုတ်လုပ်မှု ကုန်ကျစရိတ် ပိုများသည်။

🟤ရေငန် နှင့်‌ ရေချို မှားယွင်းသော အယူအဆများ🟤

ဈေးကွင်းအတွင်း မှားယွင်းသည့် အယူအဆ တစ်ရပ်မှာ ❌မြိတ်ပုလဲ ကဲ့သို့သော ရေငန်ပုလဲများကို သဘာဝအလျောက် ပေါက်ဖွားလာသည့် သဘာဝပုလဲ (Natural Pearl) ရေချိုပုလဲများကို မွေးမြူရရှိသည့် မွေးပုလဲ (Cultured Pearl) ❌ဟူ၍ လူအများစုက မှားယွင်းစွာ ယုံကြည်ကြသည်။

အမှန်တစ်ကယ်ကတော့ လူတို့က ပုလဲကမာကောင်နှင့် ဂုံးကောင်များအတွင်း ဝတ်ဆံ ထည့်သွင်းပြီး မွေးမြူထားသောကြောင့် ✅ရေငန်ပုလဲရော ရေချိုပုလဲပါ မွေးပုလဲ Cultured Pearl များပင် ဖြစ်ပါသည်✅။ ကျောက်မျက် စမ်းသပ်ခန်းများတွင် စစ်ဆေးပါက မြိတ်ရေငန်ပုလဲကို Cultured Southsea Pearl ဟု စစ်ချက်ထွက်ပြီး ရေချိုပုလဲကို Cultured Freshwater Pearl ဟူ၍ စစ်ချက်ထွက်ပါသည်။

လူ့အကူအညီမပါဘဲ ဖြစ်ပေါ်လာသော သဘာဝပုလဲ စစ်စစ် (Natural Pearl) များသည် မတော်တဆ ဖြစ်စဉ်တစ်ခုဖြစ်ကာ သဘာဝအရ အလွန်ရှားပါးပြီး အလွန်စျေးကြီးသည်။ စျေးကွက်တွင်တွေ့ရသော ရေငန်ပုလဲ ရေချိုပုလဲများ၏ ၉၉ ရာခိုင်နှုန်းသည် Cultured Pearl မွေးပုလဲများပင် ဖြစ်သည်။

နောက်ထပ်မှားယွင်းသော ဈေးကွက် အယူအဆတစ်ရပ်မှာ ❌ရေငန်ပုလဲများ ကို ပုလဲအစစ် (Genuine Pearl or Real Pearl) လို့ ထင်မှတ်တတ်ပြီး ရေချိုပုလဲများကို ပုလဲအတု (Faux Pearl or Fake Pearl) ❌ဟု ထင်မြင်ကြခြင်း ဖြစ်သည်။ ဤ အယူအဆသည်လည်း လုံးဝ မှားယွင်းသော အယူအဆသာ ဖြစ်သည်။

✅ရေငန်ပုလဲရော ရေချိုပုလဲပါ သဘာဝ ပုလဲ ဖြစ်စေ မွေးပုလဲ ဖြစ်စေ ကာမာကောင် သို့မဟုတ် ဂုံးကောင်များ၏ ကိုယ်တွင်းမှ ထုတ်ယူရရှိသော‌ကြောင့် ပုလဲ အစစ် (Genuine Pearl or Real Pearl) သာ ဖြစ်သည်။✅

ပုလဲအတု (Faux Pearl) များမှာ စက်ရုံထုတ် ပုလဲများဖြစ်သည့် ကမာပုလဲ (Shell Pearl) ခေါ် ခွံကြိတ်ပုလဲ ၊ ‌ဖန်ပုလဲ၊ ကော်ပုလဲ များဖြစ်သည်။

🟤ရေငန်နှင့် ရေချို - Nacre ပုလဲသား အရည်အသွေး🟤

ရေငန် ရေချို မွေးပုလဲများ အားလုံးကို လက်ခံသတ္တဝါ ဖြစ်သော ရေငန်ကမာကောင် သို့မဟုတ် ရေချိုဂုံးကောင် ၏ ကိုယ်အတွင်းတွင် ဝတ်ဆံ တစ်မျိုးမျိုး ထည့်သွင်းခြင်းဖြင့် ဖန်တီးထားသည်။ ကမာကောင် သို့မဟုတ် ဂုံးကောင်သည် ဝတ်ဆံထည့်သွင်းလိုက်သောအခါ ၎င်း၏မသက်မသာဖြစ်မှုကို လျော့ပါးစေရန် ကြိုးစားသည့်အနေဖြင့် ပုလဲသားဖြစ်လာမည့် အရည်တစ်မျိုးဖြင့် ဝတ်ဆံကို ဖုံးအုပ်လေ့ရှိသည်။ ပုလဲဖြစ်လာသည့် Nacre အလွှာသည် ယားယံမှုဖြစ်‌စေသော ဝတ်ဆံ ကို တဖြည်းဖြည်းဖုံးအုပ်လာခြင်းဖြင့် လှပသော ပုလဲလုံး ဖြစ်ပေါ်လာသည်။ ၎င်းလုပ်ငန်းစဉ် အချိန်ကြာလေလေ ပုလဲသားပိုကောင်းလေလေ ပုလဲအရွယ် ပိုကြီးလေလေဖြစ်သည်။

အပေါ်မှာပြောခဲ့သလို ရေငန်ပုလဲများဟာ ရေချိုထက် ပုလဲ ဖြစ်ပေါ်ရန် အချိန်ပိုကြာပါသည်။ ရေငန်ပုလဲကို Bead Nucleus ဝတ်ဆံပုတီးလုံး နှစ်အတန်ကြာထည့်သွင်း မွေးမြူထားရသည်။ ရေငန်ကမာတွင် ထည့်သွင်းထားသော ပုတီးဝတ်ဆံလုံးကြောင့် ယားယံမှုသည် အလွန်ကြီးမားသော အခါ ၎င်းကို ဖုံးအုပ်ရန် ဖွဲ့စည်းထားသော nacre သည်လည်း ပို ကျစ်လစ် သိပ်သည်းပြီး အရည်အသွေး ပိုကောင်းပါသည်။ ရေငန်ပုလဲတစ်လုံး ဖြစ်ပေါ်လာဖို့ ဝတ်ဆံထည့်သွင်းပြီးချိန်မှ ပုလဲဖေါ်ချိန်အထိ ၅နှစ်ဝန်းကျင် အချိန်ယူ မွေးမြူရပါသည်။

ဆန့်ကျင်ဘက်အားဖြင့်၊ ရေချိုပုလဲများသည် နှစ်အနည်းငယ် အတွင်း ပုလဲ ဖြစ်ပေါ်အောင် ဖန်တီးနိုင်ကြသည်။ ခြားနားချက်မှာ ရေချိုပုလဲ အတွက် ထည့်သွင်းထားသော ဝတ်ဆံသည် ရေငန်ပုလဲလို Bead Nucleus မဟုတ်ဘဲ ပိုမိုသေးငယ်သည့် အသားစ ဝတ်ဆံ Tissue Nucleus ဖြစ်သောကြောင့် ရလဒ်အနေဖြင့် ရေချိုပုလဲများသည် လုံးဝိုင်း ရှားပါးပြီး လုံးဝိုင်းနိးပါး ဘဲဥပုံ အရှည်ပုံ အပြားပုံ အပွားပုံ အဝိုင်းပုံ စသည်ဖြင့် ပုံစံစုံ တွေ့ရှိရပြီး ဝတ်ဆံ ထည့်သွင်းပြီးချိန်မှ ၁နှစ်ခွဲ ၂နှစ်အတွင်း ပုလဲ ဖေါ်ယူနိုင်ပါသည်။

🟤 ရေငန်နှင့် ရေချို - အရွယ်အစားနှင့် ပုံသဏ္ဍာန်🟤

ရေငန်ပုလဲများသည် ကြီးထွားကာလပိုရှည်သောကြောင့် ရေချိုပုလဲများထက် အရွယ်အစား များစွာကြီးမားသည်။ သို့သော်လည်း ယနေ့ခေတ်တွင်၊ ရေချိုပုလဲများကို အရွယ်အစားပိုကြီးရန် မွေးမြူလာသောကြောင့် ယင်းကွာခြားချက်မှာ သိသာထင်ရှားခြင်းမရှိပေ။

ပုံသဏ္ဍာန်နှင့် ပတ်သက်၍ ရေချိုပုလဲများ၏ 5% ထက်နည်းသော ပုလဲများသာလျင် ပြီးပြည့်စုံသော လုံးဝိုင်းများဖြစ်သည်။ လုံးဝိုင်းပုံစံသည် ပုလဲများအတွက် ဈေးကွက်အတွင်း လူကြိုက် အများဆုံးသောပုံသဏ္ဍာန်ဖြစ်သည်။ ကျန်သည် ၉၅% သော ရေချိုပုလဲအများစုသည် ထည့်သွင်းသည့် တစ်ရူးအသားစ ဝတ်ဆံကြောင့် ဘဲဥပုံ၊ ပေါက်စီပုံသဏ္ဍာန်၊ ပုလဲပွားပုံစံ သို့မဟုတ် ပုလဲပြား ပုံ စသဖြင့် သဏ္ဍာန်စုံ တွေ့ရှိရတတ် သည်။

ဆန့်ကျင်ဘက်အားဖြင့်၊ ရေငန်ပုလဲများသည် ပုတီးစေ့ ဝတ်ဆံထည့်သွင်း‌ သောကြောင့် ရေချိုပုလဲများထက်စာလျင် လုံးဝန်းသော ပုလဲများ ပိုမိုထွက်ရှိပါသည်။ သို့သော် ရေငန်ပုလဲများတွင်လည်း အရစ်များ အဖုအထစ်များ၊ ပုလဲပွားပုံစံနှင့် အခြားသော ပုံသဏ္ဍာန်နှင့် လည်းတွေ့ရှိနိုင်သည်။

လုံးဝိုင်း ပုလဲပုံစံအပြင် နောက်ထပ် စိတ်ဝင်စားစရာပုံစံမှာ ပုလဲပွား Baroque Pearl ဟုခေါ်ဆိုသည့် ပုံသဏ္ဍာန်မမှန်သော ပုလဲများဖြစ်သည်။ ပုလဲပွားသည် ၎င်း၏ တမူထူးသော ပုံစံကြောင့် လူကြိုက်များလာကာ ခေတ်မီလက်ဝတ်ရတနာဒီဇိုင်းများအတွက် ရေပန်းစားသောရွေးချယ်မှုတစ်ခုဖြစ်သည်။

🟤 ရေငန်နှင့် ရေချို - တောက်ပမှုနှင့် အရောင်🟤

ပွင့်ရည် တောက်ပမှုသည် ဤပုလဲမျိုးကွဲနှစ်ခုကြားတွင် အရေးကြီးသော ခြားနားချက်ဖြစ်သည်။ ရေငန်ပုလဲများသည် ရေချိုပုလဲများထက် သာလွန်တောက်ပပြီး တောက်ပသော အသွင်အပြင်ရှိသည်။ ဤတောက်ပမှုသည် ဝတ်ဆင်သူအများစုအတွက် ရေငန်ပုလဲများကို နှစ်သက်သည့် အကြောင်းရင်းတစ်ခုဖြစ်သည်။

အရောင်နှင့် ပတ်သက်၍ ရေငန်ပုလဲများတွင် ယေဘုယျအားဖြင့် အဖြူရောင်နှင့် နို့နှစ်ရောင် အတွေ့ရများဆုံးဖြစ်ပြီး တဟေတီ ရေငန်ပုလဲတွင် အနက်ရောင်နှင့် ခဲရောင်၊ တောင်ပင်လယ် ရေငန်ပုလဲတွင် ရွှေရောင် အနုအရင့် အမျိုးမျိုးကို တွေ့ရသည်။

ရေချိုပုလဲများကို အဖြူရောင်၊ ခရင်မ်၊ ပန်းရောင်နှင့် ပန်းခရမ်းရောင် အပါအဝင် ရောင်ပြေးပါသော အရောင်အမျိုးမျိုးဖြင့် တွေ့ရှိနိုင်သည်။

🟤 ရေငန်နှင့် ရေချို - တန်ဖိုးနှင့် ဈေးနှုန်း🟤

ရေငန်ပုလဲများကို ရေချိုပုလဲထက် ပိုတန်ဖိုးကြီးသည်ဟု ယူဆရသည့် အကြောင်းရင်းများစွာရှိပါသည်။ အလားတူအရွယ်အစားပုလဲလုံးနှစ်လုံး၏စျေးနှုန်းများကိုနှိုင်းယှဉ်ပါက ပျမ်းမျှ ၁၀ ဆ ခန့် ဈေးကွာခြားလေ့ရှိသည်။
ဥပမာ အနာအဆာကင်းပြီး အရည်အသွေးမြင့် ရေချိုပုလဲ ကြိုးတစ်ကုံးသည် ၅သိန်း ဝန်းကျင် ကျသင့်ပြီး ရေငန်ပုလဲ အရည်မြင့် အနာကင်း တစ်ကုံးသည် သိန်း၅၀ မှာ သိန်း ထောင်ဂဏန်းအထိ ကျသင့်နိုင်ပါသည်။

အဓိကကျသော အချက်မှာ ရေငန်ပုလဲများသည် ရေချိုပုလဲများလောက် မပေါများပါ။ မွေးမြူချိန်ပိုကြာပြီး ရေငန်ကမာကောင်များသည် ရေချိုဂုံးများထက်သေးငယ်သောကြောင့် တစ်ကောင်တွင်ပုလဲများစွာကို မဖန်တီးနိုင်ပါ။ ရေချိုဂုံးကောင် တစ်ကောင်သည် တစ်ကြိမ်လျှင် ပုလဲအလုံး ၅၀ အထိ ထုတ်လုပ်နိုင်ပြီး ရေငန်ကမာကောင်များသည် တစ်ကြိမ်တွင် အများဆုံး ပုလဲ ၃ လုံးအထိသာ ထုတ်လုပ်နိုင်သည်။ ထို့ကြောင့် ထုတ်လုပ်မှုကုန်ကျစရိတ် များစွာ ကွာခြားပါသည်။

နောက်တစ်ခုအနေနှင့်၊ ရေငန်ပုလဲများသည် ပွင့်ရည်တောက်ပပြီး အသွင်အပြင် ပိုလှပသောကြောင့် အလွန်နှစ်လိုဖွယ်ကောင်းပြီး ၎င်းတို့ကို ရတနာ မြတ်နိုးသူများက ပိုမိုဝယ်ယူ စုဆောင်းကြခြင်းပင် ဖြစ်သည်။ ရေငန်ပုလဲများ ၀ယ်လိုအား ပိုများလာခြင်းသည် စားသုံးသူအတွက် ဈေးကွက်အတွင်း ရေငန်ပုလဲစျေးကို ပိုမြင့်စေသည်။

🟤ရေငန် နဲ့ ရေချို ဘယ်ဟာကို ရွေးရမလဲ?🟤

လူအများစုသည် ၎င်းတို့၏ တောက်ပမှုနှင့် လှပမှုကြောင့် ရေငန်ပုလဲများကို နှစ်သက်ကြသော်လည်း ယနေ့ခေတ်တွင် ရေချိုပုလဲများသည် တောက်ပြောင်ပြီး ထပ်တူထပ်မျှ လှပလုနီးပါး ဖြစ်နေသည်။

သုံစွဲမည့် ငွေပမာဏသည် မိတ်ဆွေအတွက် ထည့်သွင်းစဉ်းစားစရာ ဖြစ်ပါက ရေချိုပုလဲများကို ရွေးချယ်ခြင်းသည် သင့်လျော်သောရွေးချယ်မှုဖြစ်သည်။ ကုန်ကျစရိတ်များစွာသက်သာစွာဖြင့် လှပသောပုလဲများကို ဝတ်ဆင်နိုင်မည်ဖြစ်သည်။

သုံစွဲမည့် ငွေပမာဏကို ထည့်သွင်းတွက်ချက်ရန်မလိုဘဲ ပိုမိုရှားပါးသော တန်ကြေးမြင့်သော ပုလဲရတနာကို စုဆောင်းလိုပါက ရေငန်ပုလဲများကို ရွှေချယ်သင့်ပါသည်။

အချုပ်အားဖြင့်ဆိုသော် လှပ၍ ဈေးသက်သာသော ရေချိုပုလဲများနှင့် တန်းဖိုးမြင့်၍ အရည်အသွေးကောင်းသော ရေငန်ပုလဲများ ၂မျိုးစလုံးသည် ပုလဲကျက်သရေ ဆိုသည့်အတိုင်း မိတ်ဆွေအတွက် လှပခြင်း ကျက်သရေရှိခြင်း ခန့်ငြားထည်ဝါခြင်းများကို ယူဆောင်လာပေးမည့် ပုလဲရတနာများပင် ဖြစ်ပါသည်။

Credit to
Ko Aung (Nature's Gems)
#ပုလဲ #ရေချိုပုလဲ #ရေငန်ပုလဲ #ပုလဲတို့အကြောင်း

10/12/2024

အကုန်လုံးအဆင်ပြေတာတော့ မရှိဘူးထင်တယ်နော်။🤔🤔🤔

ရှိပါတယ်။🥳🥳🥳

ရွှေနတ်သားဆီမှာ ရတနာချစ်သူများအားလုံးအဆင်ပြေအောင် ရွှေ၊ ငွေ၊ စိန်၊ ပတ္တမြား နီလာ စသော မိုးကုတ်ကျောက်ထည်များအပြင် လှလှလေးလည်းဝတ်ချင်တယ်။ ငွေကိုလည်း အမြှပ်မခံချင်တဲ့ စီးပွားရေးအမြင်ရှိသူတွေအတွက် စိန်နဲ့မခြားလှပတဲ့ မိုဇာနိုက်ထည်များအထိပါ ရနိုင်အောင် ဆောင်ရွက်ထားပါတယ်။ အဖိုးတန်ကျောက်များအားလုံး ကို ဓာတ်ခွဲခန်းစစ်ဆေးချက်ရယူလိုပါက ဆောင်ရွက်ပေးမှာဖြစ်လို့ စိတ်ချမ်းသာစွာဝတ်ဆင်ကြပါရှင်။
😇😇😇

ဖုန်း 692818723

10/12/2024

ပဲစပ် / ဒင်္ဂါးစျေး တွက်နည်း

✅၁၅ ပဲရည် (ပဲစပ်)

ပဲစပ် (၁၅ ပဲရည်) ဆိုတာ အခေါက်ရွှေ ၁ ကျပ်သား ၁၆ ပဲထဲမှာ ကြေးနီ ၁ ပဲ(၈ ရွေး) စပ်ထားတာ။ ရွှေ ၁၅ ပဲ ကြေး ၁ ပဲ ၁၅ ပဲရည် သို့မဟုတ် ပဲစပ်လို့လည်းခေါ်ကြတယ်။

၁၄ ပဲရည်ဆို ၂ ပဲစပ်။ ၁၃ ပဲ ရည်ဆို ၃ ပဲစပ်။ ၁၂ ပဲရည်ဆို ၄ ပဲစပ်ပေါ့။

၁၅ ပဲရည် ပဲစပ်စျေးတွက်ချင်ရင် 16 ကိုတည် 17 နဲ့စား ရလာတဲ့အဖြေကို ယနေ့ မီးလင်းအခေါက်ပေါက်စျေးနဲ့ မြှောက်လိုက်ယုံပဲ။

(ဘာလို့ 17 နဲ့စားရသလဲဆိုတော့ ကြေး ၁ ပဲစပ်ထားလို့။ ၁၅ ပဲရည်စျေးလိုချင်တော့ အနည်းလို အများစားခြေ စနစ်နဲ့တွက်တာ)

ဥပမာ - ပဲစပ်စျေးတွက်မယ်ဆို။ 16 ကိုတည် 17 နဲ့စားတော့ 0.941176.... ရတယ်။ ရတာကို ဒီနေ့မီးလင်းစျေး သိန်း ၆၀ နဲ့ မြှောက်လိုက် ၅၆၄၇၀၀၀ ရတယ်။ အဲ့တာ ၁၅ ပဲရည် တစ်ကျပ်သားစျေးပဲ။

✅ ဒင်္ဂါးစျေးတွက်နည်း

ပဲစပ်ထပ် ရွှေရည် ပိုလျော့တယ်။ အခေါက်ရွှေ ၁ ကျပ်သား (၁၆ပဲ) ထဲမှာ ကြေး ၁၂ ရွေး (၁ ပဲခွဲ) စပ်ထားတာ။ ပဲစပ်ထပ် ကြေး ၄ ရွေးပိုတယ်။

ဒင်္ဂါးစျေးလို့ချင်ရင် 16 ကို 17.5 နဲ့စား ရတဲ့အဖြေကို ယနေ့ မီးလင်းစျေးနဲ့မြှောက်။

(ဘာလို့ 17.5 နဲ့စားရသလဲဆိုတော့ တစ်ပဲခွဲ (၁၂ ရွေး) စပ်တာမလို့။ အပေါ်နည်းအတိုင်း)

၁၃ ပဲရည်လိုချင်ရင် သူက ၃ ပဲစပ်ဆိုတော့ 16 ကိုတည် 19 နဲ့စား မီးလင်းပေါက်စျေးနဲ့မြှောက် ဒါပဲ။

ပဲစပ် ဒင်္ဂါးတွေကို လက်ဝတ်ရတနာ အထည်များပြုလုပ်တဲ့နေရာမှာသုံးကြတယ်။

နိုင်ငံခြားကလာတဲ့ အထည်တွေမှာရေးထားတဲ့

24K ဆို အခေါက်ရွှေ
22K ဆို ပဲစပ်
18K ၁၂ ပဲရည်လို့ သတ်မှတ်ခေါ်တယ်။

၁ ကျပ် = ၁၆ ပဲ

၁ ပဲ = ၈ ရွေး

၁ ကျပ် = ၁၂၈ ရွေး

Credit
#မြန်မာချမ်းသာ
- ကျော်ကြီး(MDY)

09/12/2024

စိတ်ချမ်းသာစွာ ဝတ်ဆင်ပါရှင့်
💎💎💎💎💎💎💎💎💎💎
ရွှေစစ်စစ် စိန်စစ်စစ်ကိုပဲ နှစ်သက် သဘောကျသူ ချစ်မတို့ ချစ်ညီမလေးတို့အတွက် အရည်အသွေး စိတ်ချရပြီး ဝယ်သူများ စိတ်ချမ်းသာရစေမယ့် ဈေးနှုန်းများနဲ့ စိန်နားကပ် လေးတွေ ရောင်းပေးချင်ပါတယ်။
စိန် အစစ်ဖြစ်ကြောင်းအာမခံပါတယ် ရောင်းလဲ လက်ခံပေးပါတယ်။

စိန် ၁၀စီး တစ်ပွင့်နားကပ်
ရွှေတင် ၁ပဲ ၃ရွေး
စိန် - 0.18ct
စျေးနှုန်း795,000ကျပ်

စိတ်ချမ်းသာစွာ ဝတ်ဆင်ပါရှင့်။
ဖုန်း 09422466414, 09692818723

09/12/2024

သမီးလေးကို နားကပ်ဆင်ချင်တဲ့ဖေဖေမေမေတို့ရေ

သဘာဝမြ 18k နားကပ်ပိစိလေး
ကလေးအတွက်ပိုသင့်တော်ပါတယ်ရှင်။

push type လေးပါ
0.48g
265,000ကျပ်

06/12/2024

ရွှေနတ်သားရဲ့ ချစ်ရသူလေးတွေ Online ကနေ လက်စွပ်ဝယ်တဲ့အခါ မှန်ကန်တဲ့ ဆိုဒ်လေးကိုရွေးချယ်နိုင်ဖို့အတွက် လက်စွပ်တိုင်းနည်းလေး မျှဝေပေးလိုက်ပါတယ်ရှင်

🫰မူရင်းရေးသားသူကိုလဲ လေးစားစွာ credit ပေးပါရစေ

မိမိ၀တ်ထားတဲ့လက်စွပ်ကိုကွင်းတိုင်းသိချင်ရင်တိုင်းနည်း

ပုံမှာ ပြထားတဲ့ အတိုင်း လက်ရှိ၀တ်နေတဲ့ လက်စွပ်ကို ပေတံမှာ မီလီမီတာ (mm) ပေတံပေါ်တွင် တိုင်းလိုက်ပါ။

မိမိ တိုင်းထားတဲ့ မီလီမီတာ ဟာ လက်စွပ်ကွင်းတိုင်း နံပတ် ဘယ်လောက်ရှိသလဲ သိချင်ရင် အောက်ဖော်ပြပါ (mm) မီလီမီတာ တွေ ကြည့်ပါ ။

🧡ကွင်းတိုင်း နံပတ် (၁) 13.0 mm

🧡ကွင်းတိုင်း နံပတ် (၂) 13.4 mm

🧡ကွင်းတိုင်း နံပတ် (၃) 13.7 mm

🧡ကွင်းတိုင်း နံပတ် (၄) 14.0 mm

🧡ကွင်းတိုင်း နံပတ် (၅) 14.3 mm

🧡ကွင်းတိုင်း နံပတ် (၆) 14.6 mm

🧡ကွင်းတိုင်း နံပတ် (၇) 15.0 mm

🧡ကွင်းတိုင်း နံပတ် (8) 15.3 mm

🧡ကွင်းတိုင်း နံပတ် (၉) 15.6 mm

🧡ကွင်းတိုင်း နံပတ် (၁၀) 15.9 mm

🧡ကွင်းတိုင်း နံပတ် (၁၁) 16.2 mm

🧡ကွင်းတိုင်း နံပတ် (၁၂) 16.5 mm

🧡ကွင်းတိုင်း နံပတ် (၁၃) 16.8 mm

🧡ကွင်းတိုင်း နံပတ် (၁၄) 17.2 mm

🧡ကွင်းတိုင်း နံပတ် (၁၅) 17.5 mm

🧡ကွင်းတိုင်း နံပတ် (၁၆) 17.8 mm

🧡ကွင်းတိုင်း နံပတ် (၁၇) 18.1 mm

🧡ကွင်းတိုင်း နံပတ် (၁၈) 18.4 mm

🧡ကွင်းတိုင်း နံပတ် (၁၉) 18.8 mm

🧡ကွင်းတိုင်း နံပတ် (၂၀) 19.1 mm

🧡ကွင်းတိုင်း နံပတ် (၂၁) 19.4 mm

🧡ကွင်းတိုင်း နံပတ် (၂၂) 19.7 m

🧡ကွင်းတိုင်း နံပတ် (၂၃) 20.0 mm

🧡ကွင်းတိုင်း နံပတ် (၂၄) 20.3 mm

🧡ကွင်းတိုင်း နံပတ် (၂၅) 20.6 mm

🧡ကွင်းတိုင်း နံပတ် (၂၆) 21.0 mm

🧡ကွင်းတိုင်း နံပတ် (၂၇) 21.3 mm

🧡ကွင်းတိုင်း နံပတ် (၂၈) 21.6 mm

🧡ကွင်းတိုင်း နံပတ် (၂၉) 22.0 mm

🧡ကွင်းတိုင်း နံပတ် (၃၀) 22.3 mm

Crd Crd

02/12/2024

အဖိုးတန်ရတနာတွေကို ဝတ်ဆင်ရတဲ့အခါ ရင်ထဲမှာခံစားရတဲ့ပီတိက ဘာနဲ့မှ မလဲနိုင်ဘူးမဟုတ်လား မမတို့ရေ...

ရှားပါးတွင်းထွက်ရတနာတစ်မျိုးဖြစ်တဲ့ ပန်းရောင်နီလာ
Pink Sapphire ကိုစိန်ပတ်ပြီးလက်စွပ်အဖြစ် ခတ်လုပ်ထားပါတယ်။

ဒီလက်စွပ်လေးမှာ ရွှေအတင် - ၂ပဲ၆ရွေးရှိပြီး စိန်အစစ်-0.54ct နဲ့ သဘာဝတွင်းထွက် pink Sapphire 2.65ct ပါပါမယ်ရှင်။

ဈေးနှုန်းကတော့ သိန်း 97 သိန်း တည်းနဲ့ တန်တန်လေးရောင်းပေးမှာပါရှင်။
ကိုယ်ပိုင်ပန်းထိမ်မှာ ကိုယ်တိုင်ခတ်ပြီး ရောင်းတာမို့ စစ်မှန်ပြီးတန်စေရပါမယ်ရှင်။
သဘာဝတွင်းထွက်အစစ်ဖြစ်ကြောင်း ဓာတ်ခွဲခန်းစစ်ချက်ပါပါမယ်ရှင်။

ရတနာတိုးပွားအောင် ရွှေနတ်သားမှာ ရတနာ ဝယ်ပါရှင်။
m.me/ShweNatTharJewellery ကိုနှိပ်ပြီးလည်းစုံစမ်းမေးမြန်းလို့ရပါတယ်
ဖုန်း - 09756544514, 09422466414

02/12/2024

ရွှေစစ်စစ် စိန်စစ်စစ်လေးမှ ဆင်မြန်းလိုတဲ့ ချစ်ရတဲ့ မမတို့အတွက် ဈေးသင့်လှပတာလေး လာပါပြီနော်

ဟောဒီ စိန် ၁၅လုံးစီး တပွင့်နားကပ် လေးဟာ ရွှေတင် - ၁ပဲ၂ရွေး ရှိပြီး စိန်-0.12ct ပါဝင်ပါတယ်။
ဈေးကလည်း 650,000 ကျပ်ပဲမို့ ဖိုးနည်းဝန်ပါ ကျေနပ်စွာ ဝတ်ဆင်လိုက်တော့နော်
ရတနာတိုးပွားအောင် ရွှေနတ်သားမှာ ရတနာ ဝယ်ပါရှင်။
m.me/ShweNatTharJewellery ကိုနှိပ်ပြီးလည်းစုံစမ်းမေးမြန်းလို့ရပါတယ်
ဖုန်း - 09756544514, 09422466414,

01/12/2024

ရွှေနတ်သားရဲ့ ချစ်သောမိတ်ဆွေများအတွက် စိန်များ ဖြစ်ပေါ်တွေ့ရှိရပုံလေးပြန်လည်ဝေမျှလိုက်ပါတယ်ရှင်
💎💎💎💎💎💎💎💎💎💎💎💎💎
စိန်တွေဆိုတာ ကမ္ဘာကြီးရဲ့ အတွင်းပိုင်း အလွန် နက်တဲ့နေရာ၊ အပူချိန်နဲ့ ဖိအားတွေ အလွန် များတဲ့ အခြေအနေမျိုးမှာ ဖြစ်ကြတာပါ။ အဲဒီလို အခြေအနေမျိုးမှာ ကာဗွန် အတမ်လေးတွေဟာ အလွန် ခိုင်မာတဲ့နည်းနဲ့ ပေါင်းစည်းကြပြီး၊ ပုံဆောင်ကြခြင်းဖြင့် နှစ်သန်းပေါင်းများစွာအကြာမှာ စိန်ဆိုတဲ့ တွင်းထွက်ရတနာတွေ ဖြစ်ပေါ်လာကြပါတယ်။ တွင်းထွက်တွေထဲမှာ အမာဆုံးဖြစ်ပြီး၊ ထူးခြားတဲ့ အလင်းဆိုင်ရာ ဂုဏ်သတ္တိတွေဟာ လေးမျက်နှာထုပုံနဲ့ တွေ့ရတဲ့ စိန်တွေရဲ့ ပုံဆောင်ဓလေ့နဲ့ ဆက်စပ်နေပါတယ်။
ကာဗွန်အတမ်လေးတွေကနေ ကမ္ဘာကြီးအတွင်း စိန် စတင်ဖြစ်ပေါ်ရာမှာ -
အနက်က - ၁၅၀ ကနေ ၂၀၀ ကီလိုမီတာ (၉၃ မိုင်ကနေ ၁၂၄ မိုင်) အတွင်း။
အပူချိန်က - ၁၀၀၀ ကနေ ၁၅၀၀ °C (၁၈၃၂ °F ကနေ ၂၇၃၂ °F) အတွင်း။
ဖိအားက - ၅၀၀၀၀ ကနေ ၁၀၀၀၀၀ လေထုဖိအား အတွင်း။
စိန်တွေကို ကင်ဘာလိုက်ပြွန် (kimberlite pipe) တွေမှာ တွေ့ရပါတယ်။ ကင်ဘာလိုက်ဆိုတာ လချေး ပါတဲ့ ပယ်ရီဒိုတိုက် (mica peridotite) တစ်မျိုးပါ။ တောင်အာဖရိကရဲ့ ကြယ် (Star of South Africa) လို့ ခေါ်တဲ့ ၈၃.၅ ကရက်ရှိတဲ့ စိန်ပွင့်ကြီး ထွက်ရှိရာ တောင်အာဖရိကရဲ့ ကင်ဘာလီမြို့ (Kimberley) ကို အစွဲပြုပြီး ကင်ဘာလိုက် ကျောက်လို့ ခေါ်ပါတယ်။ အိုလီဗင်း တွင်းထွက်နဲ့ အဓိက ဖွဲ့စည်းထားပြီး၊ မဂ္ဂနီဆီယမ်နဲ့ သံကြွယ်ဝကာ ဆီလီကာပါဝင်မှု နည်းပါးတဲ့ မီးသင့်ကျောက်တစ်မျိုး ဖြစ်ပါတယ်။
ဆောက်သမ်တန် တက္ကသိုလ် (University of Southampton) က ပညာရှင်တွေရဲ့ စိန်တွေ ကမ္ဘာအတွင်းပိုင်းမှာ ဖြစ်ပေါ်ပုံနဲ့ ကမ္ဘာ့မျက်နှာပြင်ကို ရောက်ရှိလာပုံ သုတေသနကို Nature မှာ ဖော်ပြရာမှာ-
ကင်ဘာလိုက်ဆိုတာ အခိုးအငွေ့တွေ ကြွယ်ဝကာ၊ တခါတရံ စိန်တွေ ပါတတ်ပြီး ကမ္ဘာ့မျက်နှာပြင်မှာ ပြင်းထန်စွာ ပေါက်ကွဲတတ်တဲ့ ကျောက်ရည်ပူတွေ ဖြစ်ပါတယ်။
ကင်ဘာလိုက်တွေ ပေါက်တဲ့အခါမှာ တစ်နာရီကို ၁၁ မိုင်ကနေ ၈၃ မိုင် (၁၈ ကီလိုမီတာကနေ ၁၃၃ ကီလိုမီတာ) လောက်ထိအောင် မြန်ပါတယ်။ ပြင်းလည်း ပြင်းထန်ပါတယ်။ ယေဘုယျအားဖြင့် ကင်ဘာလိုက်မီးတောင်တွေဟာ မဟာတိုက်ကြီးတွေ ကွဲထွက်ရွေ့လျားပြီးနောက် နှစ်ပေါင်း သန်း ၃၀ လောက် ကြာတဲ့အခါမှာ အပေါက်များပါတယ်။ ဥပမာ လွန်ခဲ့တဲ့ နှစ်သန်းပေါင်း ၁၈၀ လောက်က တောင်ကမ္ဘာခြမ်းမှာရှိတဲ့ ဂွန်ဝမ်းနားလန်း (Gondwana Land) ကွဲထွက်ရွေ့လျားပြီးနောက် နှစ်ပေါင်း ၂၅ သန်းလောက်အကြာမှာ ကင်ဘာလိုက်မီးတောင်တွေ အများကြီး ပေါက်ပါတယ်။ အဲဒီလို ပေါက်တဲ့အခါမှာလည်း တိုက်ကြီးတွေရဲ့ ဘေးအနားစွန်းတွေကနေ မဟုတ်ဘဲ ထူထဲတဲ့ ခိုင်မာတဲ့ တည်ငြိမ်တဲ့ တိုက်ကြီးတွေရဲ့ အတွင်းအလယ်ပိုင်း (craton) ကနေ ပေါက်တာများပါတယ်။ (ပလိတ်တက်တိုးနစ် သီအိုရီအရ မီးတောင်တွေပေါက်တာ၊ ငလျင်တွေလှုပ်တာ အစရှိတဲ့ ဘူမိဖြစ်စဥ်တွေဟာ မတည်ငြိမ်တဲ့ အနားစွန်းပိုင်းတွေမှာ ဖြစ်တာများပါတယ်။)
မီးတောင်ပေါက်တဲ့ ဖြစ်စဥ်နဲ့အတူ ကင်ဘာလိုက် ကျောက်ရည်ပူတွေက သယ်လာတဲ့ တစ်နည်း ကင်ဘာလိုက် ကျောက်ရည်ပူတွေနဲ့ အတူပါလာတဲ့ စိန်တွေက ကမ္ဘာ့မျက်နှာပြင်ပေါ် ရောက်လာပါတယ်။
သဲ၊ နုံး၊ ရွံ့စတဲ့ မြစ်တွေချောင်းတွေက ပို့ချတဲ့ အနယ်တွေ (alluvial deposits) တွေမှာလည်း စိန်ကို နှောင်းဖြစ် (secondary) အနေနဲ့ တွေ့ရပါတယ်။ ကင်ဘာလိုက်ဆိုတာ အလွန် ရှားပါးတဲ့ကျောက်တွေဖြစ်ပြီး သူတို့ကို မတွေ့ခင်တုန်းကဆိုရင် စိန်တွေကို မြစ်တွေချောင်းတွေက ပို့ချတဲ့ နှောင်းဖြည့်တင်းသိုက် (secondary deposit) တွေကနေပဲ ရရှိတာ ဖြစ်ပါတယ်။ အိန္ဒိယက သမိုင်းဝင်စိန်တွေဆို အဓိကအားဖြင့် ခရစ်ရှနာမြစ်ကြောင်းတစ်လျှောက်က ရကြတာပါ။ ကနေ့တိုင်အောင်လည်း မူလဖြစ် ကျောက်တွေထဲကနေ ရတာ (primary) မဟုတ်ဘဲ မြစ်တွေချောင်းတွေကနေ ရတဲ့ နှောင်းဖြစ်စိန် (secondary diamond) တွေကို ဘရာဇီးတို့ အင်ဂိုလာတို့ ဗင်နီဇွဲလားတို့ နမီးဘီးယားတို့မှ တွေ့နေရဆဲ ဖြစ်ပါတယ်။ နောက်ပြီး မြစ်တွေက ပင်လယ်သမုဒ္ဒရာတွေထဲ စီးဝင်တဲ့နေရာက ပင်လယ်ကြမ်းပြင်ပေါ်မှာလည်း စိန်ကို တွေ့ရတတ်ပါတယ်။ နဂိုရှိမှ နဂိုင်းထွက်ဆိုသလိုပဲ စိန်တွေပါတဲ့ ကင်ဘာလိုက်ပြွန် (primary) တွေ တိုက်စားခံရပြီး၊ တိုက်စားစာတွေကို မြစ်တွေချောင်းတွေက သယ်ယူပို့ဆောင်ပြီး လက်ရှိနေရာမှာ ပို့ချရာက နှောင်းစိန် တွေကို တွေ့ရခြင်း ဖြစ်ပါတယ်။
Diamonds in kimberlite pipes (primary) → Diamonds in alluvial deposits (secondary)
စိန်တွေဟာ အခြား ကျောက်မျက်တွေထက် ပိုပြီး နက်တဲ့ နေရာတွေမှာ ဖြစ်ပါတယ်။ ပတ္တမြားတို့ နီလာတို့ မြတို့က ကမ္ဘာ့ အပေါ်ယံလွှာ (crust) အတွင်းမှာ ဖြစ်ကြပေမဲ့ စိန်ကတော့ သူတို့ထက် ပိုပြီးနက်တဲ့ ကြားလွှာ (mantle) မှာ ဖြစ်ကြတာပါ။ အခြား ကျောက်မျက် ရောင်မျိုးစုံတွေက (ကျွန်တော်တို့တတွေကို) ကမ္ဘာ့အပေါ်ယံလွှာအကြောင်း ပြောပြနေစဥ်မှာ စိန်တွေကတော့ ( အရောက်အပေါက်နည်းတဲ့) ကမ္ဘာ့ကြားလွာအကြောင်း ပြောပြပေးနေသလိုပါပဲ။ ဒါကြောင့်ပဲ စိန်တွေက အခြားကျောက်မျက်တွေထက် ပိုပြီး ထူးခြားနေတာ ထင်ပါရဲ့။
ကမ္ဘာ့ကြီးရဲ့ အတွင်းပိုင်း မိုင် ၁၀၀ ကျော် အနက်လောက်မှာရှိတဲ့ စိန်တွေ (အဲဒီ စိန်တွေကို သယ်လာတဲ့ ကျောက်ရည်ပူတွေ) ကမ္ဘာ့ အပေါ်ယံမျက်နှာပြင်ကို ရောက်ရှိလာတဲ့ဖြစ်စဥ်နဲ့ ပတ်သက်ပြီး ပြီးပြည့်စုံအောင် နားလည်ထားကြသေးတာတော့ မဟုတ်ပါဘူး။ ဒီ ဖြစ်စဥ်မှာ အောက်ဖော်ပြပါ အကြောင်းတွေ ပေါင်းဆုံပါဝင်ကြတယ်လို့ ယူဆကြပါတယ်။
- ကင်ဘာလိုက် (ဖွဲ့စည်းပုံရှိတဲ့ မီးတောင်) တွေ ပေါက်တာ၊
- တက်တိုးနစ် ပလိတ်တွေ (မြေထုချပ်တွေ) ရွေ့တာ၊
- အနယ်ကျကျောက်တွေ တိုက်စားခံရတာ။
ကမ္ဘာ့ကြားလွာ မြင့်တက် အရည်ပျော်ရာကနေ ကင်ဘာလိုက်ပြွန်တွေ ဖြစ်ပေါ်လာပါတယ်။ ကမ္ဘာ့မျက်နှာပြင် အနီးမှာ တွေ့ရတတ်ပါတယ် (hypabyssal) ။ အရည်ပျော်နေတဲ့ ကျောက်တွေ ကမ္ဘာ့အပေါ်ယံလွှာကို ဖြတ်ပြီး မီးတောင်ပေါက်ရာမှာ သူတို့နဲ့အတူ ပါလာတဲ့ စိန်တွေ ကမ္ဘာ့အပေါ်ယံမျက်နှာပြင်ကို ရောက်ရှိလာတယ်လို့ ဆိုပါတယ်။
နောက် အယူအဆတစ်ရပ်က ကမ္ဘာ့ အတွင်းပိုင်းက စိန်တွေ ကမ္ဘာ့မျက်နှာပြင်ရောက်အောင် တက်တိုးနစ်ပလိတ်တွေက သယ်ပေးတယ်လို့ ဆိုပါတယ်။ တက်တိုးနစ်ပလိတ် ဆိုတာ ကမ္ဘာ့မျက်နှာပြင်မှာ ရွေ့လျားနေတဲ့ အလွန် ကြီးမားတဲ့ ကျောက်ချပ်ကြီးတွေပါ။ အဲဒီ ပလိတ်တွေ ရွေ့တဲ့အခါမှာ သူတို့နဲ့အတူ စိန်တွေကို သယ်လာပါတယ်။ ပလိတ်တွေရဲ့ ရွေ့လျားမှုနဲ့ ဆက်စပ်နေတဲ့ ကြားလွှာအတွင်းရှိ လှည့်ပတ်စီးကြောင်း (convection currents) တွေကလည်း ကြားလွှာရဲ့ အောက်ပိုင်းမှာရှိတဲ့ စိန်တွေကို အပေါ်ပိုင်းကို သယ်သွားတာမျိုးလည်း ရှိပါသေးတယ်။ ပြီးကျမှတခါ မီးတောင်ပေါက်ဖြစ်စဥ်တွေနဲ့ ကမ္ဘာ့အပေါ်ယံကို ရောက်ရှိလာပါတယ်။ ကြားလွှာရဲ့ အတွင်းမှာကိုပဲ တချို့စိန်တွေက အပေါ်ပိုင်းလောက်မှာ ဖြစ်ကြပြီး၊ တချို့စိန်တွေက ပိုနက်တဲ့ အောက်ပိုင်းလောက်မှာ ဖြစ်ကြတာပါ။ စိန်အားလုံးဟာ တစ်ပုံစံထဲ ဖြစ်ကြတာ မဟုတ်ပါဘူး။
ဥပမာ- နာမည်ကျော် အပြာရောင် ဟုတ်ပ်စိန် ( Hope Diamond)၊ အရောင်မဲ့ ကူလီနန် စိန် (Cullinan Diamond) နဲ့ အဝါရောင် ကေ့ စိန်တွေ (Cave diamonds) ဟာ ဖြစ်ပေါ်ပုံခြင်း မတူကြပါဘူး။
အနယ်ကျကျောက်တွေ တိုက်စားခံရလို့ရှိရင်လည်း စိန်တွေ ကမ္ဘာ့မျက်နှာပြင်ပေါ် ရောက်လာနိူင်ပါတယ်။
မီးတောင်ပေါက်ရာက ထွက်ပေါ်လာတဲ့ အပိုင်းအစတွေနဲ့ ဖွဲ့စည်းထားတဲ့ အနယ်ကျကျောက်တွေ (pyroclastic tuff) တိုက်စားခံရတဲ့အခါမှာ သူတို့မှာပါလာတဲ့ စိန်တွေ လွတ်ထွက်သွားပြီး၊ အခြားနေရာတွေကို သယ်ယူပို့ဆောင်ခြင်း ခံရပါတယ်။ တွင်းထွက်တွေထဲမှာ အမာဆုံးဆိုတဲ့ ဂုဏ်အင်နဲ့အညီ စိန်ဟာ တိုက်စားဒါဏ် သယ်ယူပို့ဆောင်ခြင်းဒါဏ်တို့ကို အတော် ခံနိူင်ပါတယ်။ အခြေအနေ အချိန်အခါတွေပေါ် မူတည်ပြီး အတော် တည်မြဲတဲ့ တွင်းထွက် (metastable mineral) ဖြစ်ပါတယ်။
အထက်မှာ ဖော်ပြထားတဲ့ အချက်များအပြင် ငွေ့ရည် (fluid = vapor/gas + liquid) တွေ ပါဝင်မှုဟာလည်း စိန်ဖြစ်ပေါ်မှာ ကဏ္ဍတစ်ခုအနေနဲ့ တည်ရှိပါတယ်။ အဲဒီ ငွေ့ရည်ထဲမှာ ဒါမှမဟုတ် အရည်ထဲမှာ ကာဗွန်ဟာ လုံလုံလောက်လောက် ရှိနေရပါမယ်။
ငွေ့ရည်တွေက ကာဗွန်အတမ်တွေကို စိန်ဖြစ်ပေါ်လာမယ့် နေရာတွေဆီ သယ်ယူပို့ဆောင်ပေးပါတယ်။ ငွေ့ရည်တွေက သယ်ဆောင်နေစဥ် အရည်ပျော်သွားလို့ အရွယ်အစားကြီးတဲ့ စိန်တွေ သေးသွားတာ၊ အရွယ်အစားငယ်တဲ့ စိန်တွေ ပျောက်ကွယ်သွားတာမျိုးလည်း ရှိပါတယ်။
စိန်တွေ ကမ္ဘာ့အတွင်းပိုင်း အလွန် နက်တဲ့နေရာ၊ မြင့်မားတဲ့ အပူချိန်နဲ့ဖိအားအောက်မှာ ဖြစ်ပေါ် ပြီး၊ ကမ္ဘာ့မျက်နှာပြင်ပေါ်ကို သယ်ယူပို့ဆောင်တဲ့ ဖြစ်စဥ်နဲ့ ပတ်သက်ပြီး သိပ္ပံနည်းကျ ထပ်လောင်း
စဥ်းစားဖွယ်ရာတွေ ရှိပါသေးတယ်။
- စိန်တွေကို ဖွဲ့စည်းထားတဲ့ ကာဗွန်အတမ်တွေဟာ ကမ္ဘာ့ အပေါ်ယံလွှာ (crust) အောက်မှာရှိတဲ့ ကြားလွှာ (mantle) ကနေ လာပါတယ်။
- ကမ္ဘာ့ကြားလွာဟာ (အိုလီဗင်းလို ပိုင်ရောက်ဇင်းလို) သံနဲ့ မဂ္ဂနီဆီယမ်ကြွယ်တဲ့ တွင်းထွက်တွေ (ferromagnesian minerals) နဲ့ ဖွဲ့စည်းထားပါတယ်။ အဲဒီ တွင်းထွက်တွေ ရွေ့ရှားခြင်း ပေါင်းစည်းခြင်းတွေကြောင့် ကာဗွန်အတမ်တွေဟာ တစ်နေရာမှာ သွားစုပါတယ်။
- ကာဗွန်အတမ်တွေ လုံလောက်အောင် စုမိလာတာနဲ့ စိန်တွေ ဖြစ်လာနိူင်ပါတယ်။ ဒီဖြစ်စဥ်ဟာ နှစ် သန်းနဲ့ချည်ပြီး ကြာပါတယ်။
အထက်ဖော်ပြပါ တွေ့ရှိချက်တွေကို အသုံးပြုပြီး ရှာဖွေတွေ့ရှိခြင်း မရှိသေးတဲ့ စိန်တွင်းတွေကို ခြေရာခံနိူင်ပါလိမ့်မယ်။ နောက်ပြီး မဟာတိုက်ကြီးတွေ ရွေ့မျောပြီးသကာလ အချိန် အတော်ကြာပြီးနောက် တည်ငြိမ်လာတတ်တဲ့ ဒေသများမှာ တခါတရံ ထ ပေါက်ကွဲတတ်တဲ့ မီးတောင်များအကြောင်းကိုလည်း ရှင်းပြပေးနိူင်ပါလိမ့်မယ်။
---------------------------------
မှတ်ချက်- စိန်ကို ကင်ဘာလိုက်တွေအပြင် မီးတောင်ကျောက်တစ်မျိုးဖြစ်တဲ့ လမ့်ပရွိုက် (olivine lamproite) တွေ၊ မေးဖစ် မီးသင့်ကျောက် (mafic igneous rocks) တွေကနေ
အသွင်ပြောင်းလာတဲ့ အက်ကလိုဂျိုက် (eclogite) ကျောက်တွေမှာလည်း တွေ့ရပါတယ်။
- တပ်ဖ် (tuff) ကို တချို့က မီးတောင်ပေါက်ရာက ထွက်ပေါ်လာတဲ့ အပိုင်းအစတွေနဲ့ ဖွဲ့စည်းထားတဲ့အတွက် မီးတောင်ကျောက်ထဲမှာ ထည့်ထားပါတယ်။ တချို့ကတော့ အနယ်ကျဖြစ်စဥ်တွေနဲ့ ဆပ်စပ်ဖြစ်ပေါ်တာမို့လို့ အနယ်ကျကျောက်လို့ ယူဆကြပါတယ်။

Source:
https://www.geologyin.com/2023/08/how-diamonds-are-formed-and-brought-to.html
Related posts:
စိန်ရောင်စုံ
https://m.facebook.com/story.php?story_fbid=3022197344593292&id=100004091677890&mibextid=Nif5oz
စိန်နဲ့ မွိုင်ဆန်နိုက်
https://m.facebook.com/story.php?story_fbid=3429744420505247&id=100004091677890&mibextid=Nif5oz
အပြာရောင်မဟုတ်သော နီလာများ
https://m.facebook.com/story.php?story_fbid=2981633215316372&id=100004091677890&mibextid=Nif5oz
Sunstone
https://m.facebook.com/story.php?story_fbid=3356828461130177&id=100004091677890&mibextid=Nif5oz
သလင်းဝါ
https://m.facebook.com/story.php?story_fbid=3392821367530886&id=100004091677890&mibextid=Nif5oz
ဖရဲအူ
https://m.facebook.com/story.php?story_fbid=3429744420505247&id=100004091677890&mibextid=Nif5oz
ကျော်သူရိုက်နဲ့ ပိန်းနိုက်
https://m.facebook.com/story.php?story_fbid=3196056900540668&id=100004091677890&mibextid=Nif5oz

crd from original writer&photo🙏🙏🙏

28/11/2024

ရွှေနားဆွဲ

ဈေးတန်တန်လေးရောင်းပေးပါတယ်ရှင်
1ပဲ 7.4ရွေး
ဈေး 800,000 ကျပ်
ရွှေဈေး အတက်အကျပေါ်မူတည်၍ အပြောင်းအလဲရှိနိုင်ပါတယ်။
ဖုန်း 09756544514

28/11/2024

စိန်ခြယ်ရွှေနားကပ်

မေမေတို့ခေတ်ထဲ က ခုထိမရိုးနိုင် အရမ်းလှတဲ့ ခြယ်နားကပ်လေး
ရွှေ 2ပဲ 4.7ရွေး
စိန် -4လုံးစီး-2လုံး, 7လုံးစီး-14လုံး(moissanite -total 2.5ct)
Price -1,180,000ကျပ်

ရွှေနတ်သား စိန်ရွှေရတနာဆိုင်

20/12/2024

20/12/2024

20/12/2024

20/12/2024

20/12/2024

19/12/2024

18/12/2024

10/12/2024

10/12/2024

09/12/2024

09/12/2024

06/12/2024

02/12/2024

02/12/2024

01/12/2024

28/11/2024

28/11/2024

Address

Website

Alerts

Shortcuts

Share

Category

Listing takedown request