01/12/2023
🤍✨
يوم الحفله🤍💍
اول شي بتكوني راقده بكري ف الليل بعد السهريه ماتعدلي ع حد وماتسهريش معاهم خشي ف دار بروحك ادهني يدياتك بكريمه ورجليك والبسي قوانطي وشخشير وارقدي 💜
تاني يوم الصبح نوضي بكري دوشي وشوفي مرات تكوني ناسيه حاجه وصلي ركعتين وتوكلي للمزين
طبعا تكوني لابسه سوريه مفتوحه باش تقدري تحوليها بسهوله وماتخربيش التسريحه والبسي سروال جهه الحزام يستيك مش بطمه باش ماتوجعكش بطنك وشبشب خفيف لان الكندره حتعبلك رجليك
ردي بالك تنسي خيط شحنك وسمعاتك
اهم شي ماتتوتريش وماتخافيش وماتنكديش وتقعدي تبكي هي صح طلعة البنت من حوش اماليها واعره لكن اليوم هذا خلاص هو يومك اللي حديريه حيأثر عليك وع نفسيتك وان شاء الله ربي يهنيكم كلكم ويسعدكم يارب
طبعا مازال الفقره التانيه لما توصلي للصاله وتروحي لحوشك ان شاء الله حنتكلم فيها خليكم متابعين وديرو تاق للعرايس اللي عرسهم قريب 🥀
