18/09/2025
សូមស្ដាប់ការបកស្រាយរបស់គាត់ផង អរគុណលីពូ បកស្រាយក្បោះក្បាយអោយប្រជាជនខ្មែរត្រូវយល់🙏
« វគ្គ II » ហេតុអ្វីមិនវ៉ៃសៀមវិញទៅ នៅស្ងប់ស្ងាត់ដល់ណា ?
គេយកដីអស់ហើយ ? ទាហ៊ានមានទុកធ្វើស្អី ?
ឥឡូវបើសិនជាអ្នកនិយាយហ្នឹង ជានាយករដ្ឋមន្ត្រី តើអ្នកទាំងអស់គ្នា ដោះស្រាយបញ្ហាខាងលើដោយរបៀបណា ?
1️⃣ ច្បាស់ណាស់ គឺ ១០០% ប្រើកម្លាំងយោធា បាញ់ទៅលើសៀមដើម្បីសងសឹក បញ្ចេញកំហឹងលើចោរ ឈ្លានពាន ! បន្ទាប់ពី បាញ់គ្នាហើយ តើត្រូវរកតុចរចា បញ្ចប់សង្គ្រាម ឬ ក៏ប្រឹងវ៉ៃបន្ត យកបាំងកកអោយបាន ?
2️⃣ គឺចរចា តាមគ្រប់វិធី ទាំងថ្នាក់ជាតិ ថ្នាក់ក្រោមជាតិ ការទូត និង ប្តឹងអន្តរជាតិ ធ្វើយ៉ាងណាកុំអោយ មានសង្គ្រាមរាំរ៉ៃ ។ គោរពបទឈប់បាញ់ ទុកអោយអនុពន្ធយោធាអាស៊ានជួយអង្កេតការណ៍ ។
▪️បើសិនបាញ់គ្នាហើយ ចូលតុចរចាដដែលវ៉ៃគ្នាអោយស្លាប់ជីវិតទាហ៊ានទទេៗធ្វើអី្វ ? បើតាំងចិត្តថាបាញ់គ្នាហើយ ត្រូវដាក់អោយរលាយប្រទេស ម្ខាងៗ បានហៅថាអ្នកខ្លាំង ។
▪️ហើយមុននឹងចង់ទៅវ៉ៃគេ មានដឹងសមត្ថភាពសត្រូវអស់ហើយ ឬនៅ ? រាល់ថ្ងៃនេះ ទ័ពយើងមានបទពិសោធន៍ឆ្អិនលើសមរភូមិហើយ ក្លាហាន និងមានឆន្ទះហើយ តែយើងយក AK ទៅបាញ់ F-16 ឈ្នះ ឬអត់ ? ចាំពូប្រៀបធៀបអោយ :
🔺 ប្រជាជនជិត 🇹🇭 ៧០លាននាក់ | 🇰🇭 ប្រជាជន ១៧លាននាក់
🔺 ចំណាត់ថ្នាក់យោធា 🇹🇭 : លេខ ២៥ | 🇰🇭 : លេខ ៩៥
🔺 ថវិកាការពារជាតិ 🇹🇭 : $ ៥,៨៨៧ លាន | 🇰🇭 : $ ៨៦០ លាន
🔺 ចំនូនទាហ៊ាន 🇹🇭: ៣៦ មុឺននាក់ | 🇰🇭 : ២២ មុឺននាក់
🔺 ទ័ពបម្រុង 🇹🇭: ២០មុឺននាក់ | 🇰🇭 : អត់ដឹង
🔺 យន្តហោះយោធា 🇹🇭 : ៤៩៣ គ្រឿង | 🇰🇭 : ២៥ គ្រឿង
🔺 យន្តហោះចម្បាំង 🇹🇭: ៧២ គ្រឿង | 🇰🇭 : ០ គ្រឿង
🔺 កន្ទុំរុយចម្បាំង 🇹🇭: ៧ គ្រឿង | 🇰🇭 : ០ គ្រឿង
🔺 រថក្រោះ 🇹🇭: ៦៣៥ គ្រឿង | 🇰🇭 : ៦៤៤ គ្រឿង
🔺 នាវាល្បាត 🇹🇭: ២៩៣ គ្រឿង | 🇰🇭 : ២0 គ្រឿង
🔺 ឡានបាញ់រ៉ូកែត 🇹🇭 : ២៦គ្រឿង | 🇰🇭 : ៤៦៣ គ្រឿង
▪️ ឥឡូវបងប្អូនជួយវិភាគគ្នាមើល ថាការប្រើប្រាស់កម្លាំងយោធា តើយើងអាច ច្បាំងឈ្នះគេ ឬអត់ ?
គណនាបែបថ្នាក់ទី ១ : ៧០លាន - ១៧លាន = ៥៣លាននាក់ ។
🔺 នេះបើសៀមចំណាយប្រជាជន ១៧លាននាក់ មកច្បាំងជាមួយខ្មែរ ១៧លាននាក់ គិតទាំងទារក វានៅសល់ ៥៣លាននាក់ទៀត ។
🔺 តែបើចង់អោយប្រជាជន ប្រទេស Vs ប្រទេស ខ្មែរម្នាក់ត្រូវ វ៉ៃសៀម ៤នាក់ ។
🔺 បើសិនប្រើ ទាហាន Vs ទាហាន ខ្មែរ២នាក់ត្រូវបាញ់ជាមួយ សៀម ៥នាក់ ។
▪️ នេះគិតតាមបែបកូនក្មេង ចុះគិតថាសៀមវាល្ងង់ យកមនុស្សមកវ៉ៃជាមួយខ្មែរមែន ? វាខំចំណាយលុយ ជិត ៦ពាន់លាន ទិញយន្តហោះ ទិញនាវាចម្បាំង យកទុកមើលមែន ... ?
▪️ បូកដកគុណចែក ហើយក៏ល្មមយល់ហើយថា ហេតុអ្វីមិនគួរមានសង្គ្រាម ? យើងមិនខ្លាចទេ តែបើមានសង្គ្រាម វាមានតែខាត និង ខាត រកកន្លែងចំណេញអត់ឃើញ ។ យើងមិនខ្លាចទេ តែបើច្បាំងទៅខាត ច្បាំងធ្វើអ្វី ?
▪️ពូសូមសរសើរថ្នាក់ដឹកនាំទៅដែលលោក នៅបន្តឆន្ទះ ដោះស្រាយ គោរពតាមបទឈប់បាញ់ ដើម្បីស្វែងរកសន្តិភាព ប្រើច្បាប់ប្តឹងទៅអន្តរជាតិ តែបើមានសង្គ្រាមទៀត ច្បាស់ណាស់ គឺយើងនឹង ប្រយុទ្ធដោយគ្មានខ្លាចអាចោរឈ្លានពានបន្តិចទេ ។ គ្រាន់តែមិនចង់អោយអាយុជីវិតទាហ៊ានខ្មែរ បន្តពលី នៅក្នុងសម័យដែលគ្រប់គ្នាចង់បានសន្តិភាព ។
▪️វាប្រឹងរកវិធីបង្ខំអោយខ្មែរចេញច្បាំង ព្រោះដឹងថា បើប្រើច្បាប់វាប្រាកដជាចាញ់ ១០០% ។ បើយើងដឹងកន្លែងឈ្នះដោយមិនបាច់ច្បាំងហើយ ទៅខំប្រឹងដើរតាមក្រឡាអុកសៀម ធ្វើស្អី ? បើវាចង់អោយយើងបាញ់ យើងកុំបាញ់ គឺយើងឈ្នះ ! សៀមវាបងធំយោធា ទី ៣ នៅអាស៊ានបន្ទាប់ពី សឹង្ហបុរី និងយួន កុំមើលងាយវា ។
▪️ផែនទីបារាំង-សៀម ខ្នាត ១/២០០,០០០ របស់យើង គឺជាសន្លឹកប៊ិចចុងក្រោយ ព្រោះយើងឈ្នះ ២ដងរួចហើយ ។ តែយុទ្ធសាស្ត្រ យោធា មិនប្រាកដថាប្រទេសធំ និង មានទ័ពច្រើន សុទ្ធតែឈ្នះទេ ប្រទេសតូចដែលមានសាមគ្គី បរទេសមិនងាយឈ្លានពានបានទេ !
សូមបងប្អូនបន្តជឿជាក់លើ ថ្នាក់ដឹកនាំយើង ព្រោះជម្រើសមិនតបតដោយកម្លាំងយោធា ជាជម្រើសតែមួយគត់សម្រាប់ការពារអាយុជីវិត យោធា និងប្រជាពលរដ្ឋយើង ។
———————————————
អត្ថបទដោយ : #មេទ័ព_លីពូ #ទស្សនៈលីពូ #ពលទោអភព្វ 🇰🇭
FB Page :
