SFC Wandoor

SFC (സീഡ് ഫിൻ കോർപ്)

കമ്പനീസ് ആക്ട് 2013 പ്രകാരം രജിസ്റ്റർ ചെയ്ത, കേന്ദ്ര സർക്കാർ അംഗീകാരമുള്ള സ്ഥാപനമാണ് SFC (സീഡ് ഫിൻ കോർപ്).മലപ്പുറം ജില്ലയിലെ വണ്ടൂർ ആസ്ഥാനമായി 2018 നവംബർ 5 മുതൽ പ്രവർത്തിച്ചു കൊണ്ടിരിക്കുന്നു.2022 ജനുവരി 3 മുതൽ SFC ഗോൾഡ് പ്രവർത്തനം ആരംഭിച്ചു.

പലിശ സമ്പ്രദായത്തിന് ബദൽ ആയി തികച്ചും ബിസിനസ് രൂപത്തിൽ എങ്ങനെ ഇന്ത്യൻ സാഹചര്യത്തിൽ ഫിനാൻഷ്യൽ സർവീസ് വിജയത്തിലെത്തിക്കാം എന്നതിന്റെ പര

ിശ്രമത്തിലാണ് SFC.

പണത്തിന്റെ മൂല്യം അതിന്റെ ആവശ്യത്തിനനുസരിച്ചാണ്. അത്യാവശ്യ സാഹചര്യങ്ങളിൽ ഈടു നൽകിയാലും പലിശ നൽകാതെ ലോൺ ലഭ്യമാക്കുന്ന ധനകാര്യ സ്ഥാപനങ്ങൾ നമ്മുടെ രാജ്യത്ത് വിരളമാണ്.
ദീർഘകാല അന്വേഷണ പഠനങ്ങളിലൂടെ രൂപപ്പെടുത്തിയ ഈ സ്ഥാപനം പലിശ ഭയമില്ലാതെ ഒരു ധനകാര്യ സംവിധാനം സാധ്യമാക്കാനുള്ള ഒരു എളിയ സംരംഭമാണ്.
പലിശ ഭയമില്ലാതെ ഗോൾഡ് ലോൺ എങ്ങനെ സാധ്യമാക്കുമെന്ന വർഷങ്ങളായുള്ള ചിന്തകളുടെയും, വിശദമായ പഠനങ്ങളുടെയും, ഗവേഷണങ്ങളുടെയും ഫലമായി രൂപപ്പെടുത്തിയതും, തീർത്തും പലിശരഹിതവുമായ ഒരു ലോൺ സംവിധാനമാണ് SFC യിൽ ക്രമീകരിച്ചിരിക്കുന്നത്.

വാണിജ്യാധിഷ്ടിതമായ സാമ്പത്തിക ക്രയ വിക്രയങ്ങളെ കവച്ചുവച്ചു കൊണ്ട് പലിശ ലാഭം കണക്കാക്കി സമ്പത്ത് ക്രയവിക്രയം ചെയ്യാൻ തുടങ്ങിയത് മുതലാണ് സമ്പന്നൻ കൂടൂതൽ സമ്പന്നനും ദരിദ്രൻ കൂടുതൽ ദരിദ്രനും ആവാൻ തുടങ്ങിയത്.
ആവശ്യത്തിന് സാമ്പത്തിക അടിത്തറയുള്ള രാജ്യങ്ങളെപ്പോലും പലിശ ഭാരം നടുവൊടിക്കുന്നുണ്ട്. "പലിശ " ലാഭത്തിനുളള മാനദണ്ഢമായി നിശ്‌ചയിക്കപ്പെടുന്നതിലൂടെ ഒരിക്കൽ കടം വാങ്ങിയവൻ വീണ്ടും വീണ്ടും കടം വാങ്ങേണ്ടി വരുന്നു. അവൻ നിരന്തരം ചൂഷണത്തിന് വിധേയനാകുന്നു.

ഇവിടെയാണ് പലിശ ഈടാക്കുന്ന സംവിധാനത്തിന് പകരമായി സേവനത്തിന്റെയോ വസ്തുവിന്റേയോ മൂല്യത്തിന്നനുസരിച്ച് ലാഭം നല്കുന്ന തികച്ചും പുരോഗമനപരമായ ഒരു ധന വിക്രയ സംവിധാനം SFC (സീഡ് ഫിൻ കോർപ്) മുന്നോട്ട് വെക്കുന്നത്.

കട ബാധിതൻ ചൂഷണം ചെയ്യപ്പെടുന്നത് ഒഴിവാക്കുന്നതിന് ഇത് വഴി സാധിക്കും.. പിഴ ചുമത്തുകയും ചെയ്യുന്നില്ല. പകരം അവരുടെ മിച്ഛധനം സുരക്ഷിതമായ വാണിജ്യങ്ങളിലേക്ക് തിരിച്ചുവിട്ട് അതിൽ നിന്ന് ലഭിക്കുന്ന ലാഭം മുഖേന സ്വയം വളരുകയും കൂടെയുള്ളവരെ വളരാൻ സഹായിക്കുകയും ചെയ്യുന്നു.

വിശ്വാസ പരമോ, അനുഭവജ്ഞാനമോ, ഭയമോ കാരണം എന്തു തന്നെയാവട്ടെ പലിശയിൽ നിന്ന് അകന്ന് നിന്ന് കൊണ്ട് കടമെടുക്കാനും, നിക്ഷേപം നടത്താനും താൽപര്യപ്പെടുന്നവരെ ഉദ്ദേശിച്ചുള്ളതാണ് നമ്മുടെ ഈ സംരംഭം.


ഇപ്പോൾ ഗോൾഡ് എക്സ്ചേഞ്ച് ലോൺ, ഗൃഹോപകരണ ലോൺ, ലൈറ്റ് വെഹിക്കിൾ ലോൺ, പ്രോപ്പർട്ടി ലോൺ (ഫണ്ട്‌ ലഭ്യതക്കനുസരിച്ച്) എന്നിവയും വിവിധ തരം പലിശരഹിത / വാണിജ്യാധിഷ്ഠിത നിക്ഷേപ പദ്ധതികളുംചെയ്തുവരുന്നു. SFC ഗോൾഡ് എക്സ്ചേഞ്ച് ലോൺ
-------------------------------------------------
സമർപ്പിക്കുന്ന സ്വർണ്ണത്തിന്റെ അന്നത്തെ മാർക്കറ്റ് വിലയുടെ 60% തുകയാണ് അനുവദിക്കുക. പലിശ ഈടാക്കുന്നതിന് പകരം പണം തിരിച്ചടക്കുന്നതു വരെ ഏൽപ്പിച്ച സ്വർണം കസ്റ്റമറുടെ അനുമതിയോടെ സ്ഥാപനത്തിന്റെ അധീനതയിലുള്ള SFC ജ്വല്ലറിയിലൂടെ കച്ചവടം നടത്തുകയും കസ്റ്റമർ വാങ്ങിയ പണം പൂർണ്ണമായി ഒരു വർഷം കൊണ്ട് മാസ തവണകളായോ ഒന്നിച്ചോ തിരിച്ചടക്കുമ്പോൾ അതേ മോഡലോ, അവർക്കിഷ്ടപ്പെട്ട ട്രെൻഡ് മോഡലുകളിലോ സമർപ്പിച്ച അതേ തൂക്കത്തിൽ 916 പ്യൂരിറ്റി ഉള്ള BIS ഹാൾമാർക്ക് ചെയ്ത പുതിയ ആഭരണം 3% പണിക്കൂലി + GST ഈടാക്കി തിരികെ നൽകും..

തിരികെ ലഭിക്കുന്ന സ്വർണം എവിടെ വേണമെങ്കിലും പ്യൂരിറ്റി പരിശോധിച്ച് ബോധ്യപ്പെടാവുന്നതിനുള്ള സൗകര്യം ആവശ്യമെങ്കിൽ ചെയ്ത് കൊടുക്കുകയും ചെയ്യും.