Sonia Ares

04/05/2026

Hoxe presentamos a pulsera de Mareas Vivas 🌊

Unha peza que nace do noso, da esencia da terra e do mar, dese equilibrio que nos define. Un pequeno guiño á xente que vive co ritmo das mareas, ás mans que traballan a terra e ao respecto profundo pola nosa cultura… tamén a gastronómica, que tanto nos representa.

A súa forma, inspirada no raxo ou pata do
polbo, tan identificativa nos pratos da nosa gastronomía galega e nas nosas lonxas, convértese nun símbolo vivo do mar e de todo o que el nos dá.

Un deseño que fala de raíces, de tradición e de identidade, levado a unha xoia delicada e atemporal.

Feita con mimo, pensando en quen leva Galicia sempre consigo 💙

Seguimos creando, sen perder a esencia.

24/04/2026

Que alegría tan grande ver o moito que vos gustaron! 🖤✨

Por iso hoxe quería ensinarvos as catro opcións xuntas… para que poidades velas con calma e, sobre todo, para saber cal é a que máis vos conquista 💫

Sei que non é nada fácil escoller (eu tampouco podería 😅), pero a vosa opinión é súper importante. Con ela imos construíndo pouco a pouco algo forte, con sentido e moi voso.

Así que contádenos… con cal vos quedades? 👀💛

23/04/2026

✨ Hoxe queremos presentarvos unha peza moi especial ✨

Este pendente de gancho, con baño en ouro e detalle en acibeche, é deses deseños que falan por si sós… elegante, lixeiro e cun aire atemporal que encaixa tanto no día a día como en ocasións máis especiais.

💛 Ademais, para que poidades escoller o que mellor vai con vós, témolo dispoñible en varios acabados:
– Prata
– Prata envellecida
– Prata envellecida con acibeche
– E este acabado en ouro que vos amosamos hoxe

Un deseño versátil, con carácter e ese punto artesanal que tanto nos gusta 🖤

Contádenos… con cal vos quedades.

06/04/2026

Hai pezas que nacen pouco a pouco, co tempo e coa calma que só permite o traballo feito a man. Estas alianzas en prata están creadas dunha maneira totalmente artesanal, dende o primeiro corte do metal ata o último pulido final, coidando cada detalle para que non sexan só unhas xoias, senón algo que acompañe toda unha historia.

Cada marca, cada textura e cada pequeno matiz forman parte do proceso, porque cremos na beleza do auténtico, do imperfectamente perfecto, do que non sae dunha máquina senón das mans e da dedicación posta en cada paso.

Non hai dúas iguais, porque tampouco hai dúas historias iguais. Son alianzas pensadas para durar, para levar postas todos os días e para lembrar que o importante está nos pequenos xestos, nos compromisos reais e nas emocións que permanecen no tempo.

Grazas por valorar o traballo artesanal e por apostar por pezas feitas con alma 🤍

31/03/2026

27/03/2026

Pouquiño a pouco fomos engadindo cada elemento, pensando en cada detalle con calma e coidado, ata chegar ao resultado final. Trátase dunha xoia creada en exclusiva ,tendo en conta os elementos que se escolleron de maneira consciente e personalizada. Cada parte ten un significado propio e está pensada para contar algo , da súa historia e da súa esencia, incorporando ademais as súas iniciais como un sinal único de identidade que converte a peza nunha creación irrepetible, feita con mimo e intención desde o primeiro momento ata o acabado final.

22/03/2026

Imos a metade do proceso ata o remate 💪✨

Pouco a pouco a peza vai collendo forma e xa estamos nun dos momentos que máis me gustan do proceso. É ese punto no que todo o traballo previo empeza a unirse e a xoía deixa de ser partes soltas para converterse nunha soa historia.

Aquí tamén podedes ver a peza xa rematada, co seu azabache colocado e os acabados envellecidos, que lle dan ese carácter especial e esa personalidade única que tanto me gusta buscar en cada xoía.

12/03/2026

Ás veces a vida sorpréndenos poñendo no noso camiño persoas cunha bondade tan grande que deixan pegada para sempre. Persoas que dan sen esperar nada a cambio, facendo todo un pouco máis doado e máis bonito.

Esta peza nace pensada para unha desas persoas especiais. Non é só unha xoia, senón un símbolo sincero de gratitude, cariño e admiración. Un pequeno xesto para intentar expresar algo que ás veces custa poñer en palabras: o agradecemento profundo por todo o que aporta, pola súa maneira de ser e pola luz que deixa ao seu redor.

Oxalá esta peza lle lembre sempre o importante que é , porque hai persoas que simplemente fan o mundo mellor… e ela é, sen dúbida, unha delas.

27/02/2026

Aquí témolo moi claro: cando deseñamos unha colección, pensamos na beleza, pero tamén no confort real do día a día.

Na colección Fento, sempre que é posible, apostamos por aneis abertos na parte superior. Non é só unha decisión estética, é unha decisión práctica e consciente. Este tipo de deseño permite un maior marxe de tallaxe, adaptándose mellor a diferentes medidas sen perder forma nin harmonía.

Sabemos que as mans cambian. Hai días de máis calor, momentos de inchazón, ou situacións como a artrite que fan que un anel pechado poida resultar incómodo. Por iso escollemos crear pezas que se adapten á persoa, e non ao revés.

Os nosos aneis abertos axústanse con suavidade, sen forzar, permitindo ese pequeno marxe que marca a diferenza entre levar unha xoia bonita… e levar unha xoia que realmente se sente ben.

Porque para nós o deseño non é só forma.
É funcionalidade.
É benestar.
É pensar en quen o vai levar.

Colección Fento 🌿
Natureza, carácter e adaptación perfecta.

23/02/2026

Hoxe é o día de Rosalía 💙

E para min é imposible deixar pasar esta data sen facerlle unha pequena homenaxe. A Rosalía, á muller valente, á voz que puxo palabras ao que moitas sentían e non podían dicir. Ao seu legado, que segue tan vivo como o primeiro día.

Eu non sei escribir como ela.

Pero si sei facer algo coas miñas mans.

E hoxe quero ensinarvos esta peza que leva o seu nome. Unha xoia creada dende o respecto, dende a admiración e dende o orgullo de ser galega. Porque cada vez que traballo unha peza así, sinto que tamén estou contando algo da nosa historia, da nosa terra e da nosa identidade da man dunha família veciña, que nos cedeu as súas relíquias.

Oxalá vos guste tanto como a min me emociona facela.
Porque Rosalía non é só pasado… é presente, é raíz e é inspiración constante 🌿✨