16/04/2026
بوست غريب شوية وطبعا ناس كتير مش هتصدق وناس كتير هتزعل واتنين او تلاتة هيشمتو ويفرحو بس الحمد لله وكلة للخير ... للاسف بعد وجودنا فى السوق والمجال قرابة العشرين سنة قررنا نقفل لأجل غير مسمى بدون الخوض فى تفاصيل ... طبعا ناس كتير هتستغرب لأننا عملنا اسم قوى فى المجال وهتستغرب اكتر لأننا كنا شغالين بقوة وعلطول المكان زحمة وخصوصا اخر فترة ... واى حد متابعنا وبيجيلنا عارف قوتنا فى اى حاجة كنا بنجبها وصراحة كرم ربنا كان فوق مما نتخيل وكنا بنبقى مش ملاحقين على الشغل ومش عارفين نسد على المطلوب بس كلة للخير ... وياربت نكون مقصرناش معاكو الفترة اللى فاتت ... أجيال كتير كانو بيتعاملو معانا وهما اطفال وكملو معانا لحد ما بقو بيجيبو لاطفالهم ... اجيال اشتغلت معانا وكبرو سواء كملو او اتجهو لمجال أخر لكم مننا كل الشكر ... بنتاسف لاى حد لو حصل مننا اى موقف يزعلو مننا ... احنا ممكن نكون مش نمبر وان بس عارفين اننا لينا ذكريات كتير مع اجيال كاملة اتعاملت معانا ... للاسف النهاردة اخر يوم لينا فى المحل .. بس (شغالين جملة فقط من مخزن القاهرة ) .. ب النسبة للموردين والتجار جميع حقوقكو محفوظة واى حد لية اى فلوس هياخدها فى مواعيدها .. وب النسبة للعملاء والناس اللى بتاخد مننا شغل تقدرو تتواصلو معانا ولو مش معاكو المبلغ احنا مسامحين .. لاى حسابات سواء لينا او علينا رجاء التواصل على الرقم دة
01154515055 .. انتو كنتو سبب من اسباب نجاحنا وكنتو اكبر داعم لينا وب النسبة للاتنين تلاتة اللى هيشمتو بنشكرهم بردو عشان هما كانو حافز لينا للاستمرار فى عز كل الازمات اللى مرينا بيهم .. وهما بردو اللى هيكون حافز لينا على اللى جاى ...والحكاية لسة ما انتهتش دى بتبتدى وللحديث بقية ان شاء الله بس كل حاجة فى وقتها .. وقريب اوى هنوضح امور كتير تقدرو تقولو هتبقى مذكرات جاليرى ماكس .. ومحتاجين دعوة حلوة منكم .. خودو لفة فى الصور هتلاقو ذكريات جميلة ليكو ولينا ... سلااااام
