26/03/2026
The vladimir tiara
ဒီသရဖူရဲ.မူလပိုင်ရှင်က ရိုမန်နော့ဗ် (Romanov) တော်ဝင်နန်းတွင်းရဲ့ အရေးအပါဆုံး ပုဂ္ဂိုလ်တွေထဲက တစ်ဦးဖြစ်တဲ့ ဂျာမန်မင်းသမီးတစ်ပါးDuchess Marie of Mecklenburg-Schwerinဟာ၁၈၇၄ ခုနှစ်မှာဇာဘုရင် Alexander IIရဲ.သားတော်Grand Duke Vladimir Alexandrovich of Russiaနဲ.လက်ထပ်ခဲ့တာကြောင့် ရိုမန်နော့ဗ်မိသားစုဝင်တစ်ဦး ဖြစ်လာခဲ့ပါတယ်။Marieကိုယ်တိုင်လည်း ရိုမန်နော့ဗ်သွေး နှောသူတစ်ဦးဖြစ်ပါတယ် - သူမဟာ Grand Duchess Elena Pavlovna ရဲ့ မြစ်တော်စပ်သူ ဖြစ်ပါတယ်။သူမရဲ့ ရုရှားဘိုးဘွားတွေကို ဂုဏ်ပြုတဲ့အနေနဲ့ စိန့်ပီတာစဘတ်မြို့မှာပြုလုပ်တဲ့ မင်္ဂလာပွဲအပြီးမှာ Maria Pavlovna ဆိုတဲ့ အမည်ကို ခံယူခဲ့ပြီး သူမရဲ့ မိသားစုကတော့ သူမကို Miechen လို့ ခေါ်ကြပေမယ့် ကမ္ဘာတစ်ဝန်းမှာတော့ သူမကိုGrand Duchess Vladimir အဖြစ် လူသိများလာခဲ့ပါတယ်။သူမ လက်ထပ်တဲ့ ကာလမှာ ရုရှားတော်ဝင်နန်းတွင်း ကျောက်မျက်ရတနာပညာရှင် Bolin က Maria Pavlovna အတွက် အလွန်လက်ရာမြောက်လှတဲ့ စိန်နဲ့ ပုလဲစီ ဦးခေါင်းဆောင်း သရဖူအသစ်တစ်ခုကို ဖန်တီးပေးခဲ့ပါတယ်။ ဒီသရဖူကို ပုလဲလုံးတွေကို ဖြုတ်ထားနိုင်သလို၊ စိန်စီထားတဲ့ ကိုယ်ထည်အပိုင်းအချို့ကိုလည်း ဖယ်ရှားနိုင်တာကြောင့် ပိုပြီးကျဉ်းတဲ့ပုံစံအဖြစ် ဆင်မြန်းနိုင်ပါတယ်။Vladimirဇနီးမောင်နှံဟာ ရုရှားတော်ဝင်လောကရဲ့ ဗဟိုချက်မဖြစ်လာပြီး သူတို့ကိုယ်ပိုင် နန်းတွင်းအဖွဲ့အစည်းတစ်ခုသဖွယ် ပြိုင်ဘက်ပင်ဖြစ်လာခဲ့ပါတယ်။ဒါပေမဲ့ ၁၉၀၉ ခုနှစ်မှာ Grand Duke Vladimir ကွယ်လွန်သွားခဲ့ပြီး ၁၉၁၇ ခုနှစ်မှာတော့ ရုရှားတော်လှန်ရေးဟာ တော်ဝင်မိသားစုအပေါ်သို့ ကျရောက်လာခဲ့ပါတယ်။ဇာဘုရင်နန်းစွန့်ပြီးနောက်မှာတော့ Mariaဟာ စိန့်ပီတာစဘတ်မြို့ကနေ အပြီးအပိုင်ထွက်ခွာဖို့ အကြံပြုခြင်း ခံခဲ့ရပါတယ်။ သူမဟာ ခမ်းနားလှတဲ့Vladimir နန်းတော်ကနေ Kislovodskမြို့က ဗီလာတစ်ခုဆီကို ထွက်ပြေးခဲ့ရပေမဲ့ သူမရဲ့ သရဖူတွေအပါအဝင် ရတနာတွေကတော့ နန်းတော်ရှိ သူမရဲ့ အိပ်ခန်းထဲက လျှို့ဝှက်သေတ္တာထဲမှာ ကျန်ရစ်ခဲ့ပါတယ်။ သူမရဲ့ ဆက်သွယ်မှုတွေကို အစိုးရက သံသယဝင်လာတဲ့အခါမှာတော့ သူမဟာ နေအိမ်အကျယ်ချုပ် ချမှတ်ခံခဲ့ရပြီး သူမရဲ့ ငွေကြေးအခြေအနေဟာလည်း တဖြည်းဖြည်းနဲ့ အလွန်အန္တရာယ်ရှိတဲ့ အခြေအနေကို ရောက်ရှိလာခဲ့ပါတယ်။အဲဒီနွေရာသီမှာMariaရဲ့ သားတော်Grand Duke Boris နဲ့ သံတမန်ရေးရာ အဆက်အသွယ်ရှိတဲ့ ဗြိတိသျှ အထက်တန်းလွှာ အနုပညာပစ္စည်း ရောင်းဝယ်သူတစ်ဦး သူငယ်ချင်းဖြစ်သူBertie Stopford တို့ဟာ သူမရဲ့ ရတနာတွေကို ပြန်လည်ရယူဖို့ အန္တရာယ်များလှတဲ့ အစီအစဉ်တစ်ခုကို ကြံစည်ခဲ့ကြပါတယ်။ သူနဲ့ Borisတို့ဟာ အလုပ်သမားတွေအဖြစ် ရုပ်ဖျက်ခဲ့ကြပြီး နန်းတော်ထိန်းတစ်ဦးရဲ့ အကူအညီနဲ့ Vladimir နန်းတော် ထဲကို တိတ်တဆိတ် ဝင်ရောက်ခဲ့ကြပါတယ်။ သူတို့ဟာ Miechen ရဲ့ လျှို့ဝှက်သေတ္တာထဲမှာ Vladimir Tiara နဲ့ တခြားသော ရတနာတွေကိုအပါအဝင် ရှိသမျှ ရတနာတွေကို ရုရှနိုင်ငံကနေ အင်္ဂလန်နိုင်ငံ လန်ဒန်မြို.အထိ ခိုးထုတ်နိုင်ခဲ့ပါတယ်။၁၉၂၀ ပြည့်နှစ်၊ ဇန်နဝါရီလတွင် Garrard တော်ဝင်ရတနာဆိုင်သည် Maria Pavlovna၏ ရတနာများစာရင်းကို ပြုစုခဲ့ရာ Vladimirသရဖူသည် ရုရှားမှ အင်္ဂလန်သို့ သယ်ဆောင်လာစဉ်အတွင်း ထိခိုက်ပျက်စီးမှုအချို့ ရှိခဲ့ပြီး စိန်နှင့် ပုလဲအချို့ ပျောက်ဆုံးနေခဲ့ကြောင်း သိရပါတယ်။ထိုနှစ် ဖေဖော်ဝါရီလတွင် Maria Pavlovnaသည် ရုရှားနိုင်ငံမှ လွတ်မြောက်အောင် ထွက်ခွာနိုင်ခဲ့သည့် နောက်ဆုံးသော ရိုမန်နော့ဗ်မြို.စားကတော်ဖြစ်လာခဲ့ပါတယ်။ သူမသည် အီတလီသင်္ဘောဖြင့် ဗင်းနစ်မြို့သို့ သွားရောက်ခဲ့ပြီး ထိုမှတစ်ဆင့် ပြင်သစ်နိုင်ငံသို့ ဆက်လက်ထွက်ခွာခဲ့ပြီး ဤခရီးကြမ်းသည် သူမ၏ ကျန်းမာရေးကို များစွာထိခိုက်စေခဲ့ပြီး လအနည်းငယ်အကြာတွင်ပင် သူမ ကွယ်လွန်သွားခဲ့ပါတယ်။ Vladimir သရဖူကို သူမ၏ တစ်ဦးတည်းသောသမီးတော် Grand Duchess Elena Vladimirovnaက ဆက်ခံခဲ့ပြီး ၁၉၀၂ ခုနှစ်တွင် ဂရိတော်ဝင်မိသားစုဝင်တစ်ဦးနှင့် လက်ထပ်ခဲ့ပြီးနောက် ဂရိနှင့် ဒိန်းမတ်မင်းသမီး Princess Nicholas of Greece and Denmarkဖြစ်လာခဲ့သူ ဖြစ်ပါတယ်။ ၁၉၂၁ ခုနှစ်တွင် Elenaသည် သူမမိခင်ပိုင်ဆိုင်သော ရတနာအချို့ကို ရောင်းချရန် ဆုံးဖြတ်ခဲ့ရာ စိတ်ဝင်တစား ဝယ်ယူမည့် တော်ဝင်ဝယ်လက်တစ်ဦးကို မကြာမီပင် တွေ့ရှိခဲ့ရာ ထိုသူမှာ ဗြိတိသျှမိဖုရားကြီးQueen Mary ပင် ဖြစ်ပါတယ်။Maryသည် ထိခိုက်ပျက်စီးနေသော Vladimir သရဖူကိုဝယ်ယူခဲ့ပြီး ထိုသရဖူကို လိုအပ်နေသည့် ပြုပြင်မှုများ ပြုလုပ်ရန် Garrardကိုချက်ချင်းတောင်းဆိုခဲ့ပါတယ်။ Maryရတနာစုဆောင်းမှုများထဲတွင် မိခင်ဘက်မှ မိသားစုပိုင်ဆိုင်ခဲ့သည့် Cambridge emeraldsခဲ့ပြီး ထိုမြကျောက်အများအပြားကို Delhi Durbar Parureထဲတွင် ထည့်သွင်းအသုံးပြုခဲ့ပြီး ဖြစ်သော်လည်း၊ ၁၉၂၄ ခုနှစ်တွင်တော့ Vladimir သရဖူကို ပုံစံတတိယတစ်မျိုးဖြင့် ဆင်မြန်းနိုင်ရန်အတွက် Cambridgeမြစုဆောင်းမှုထဲမှ အဝိုင်းပုံစံ ဆွဲသီးမြကျောက် (Cabochon drops) ၁၅ လုံးကို အသုံးပြု၍ ပြုပြင်မွမ်းမံစေခဲ့ပါတယ်။ ထိုအချိန်မှစ၍ မြကျောက်များဖြင့် တန်ဆာဆင်ထားသော ထိုသရဖူကို Delhi Durbar ရတနာအစုံနှင့်အတူ တွဲဖက်၍ မကြာခဏ ဆင်မြန်းလေ့ရှိခဲ့ပါတယ်။ ၁၉၅၃ ခုနှစ်တွင်မိဖုရားကြီးMary ကွယ်လွန်သွားသောအခါ ဒီသရဖူကို ဗြိတိသျှထီးနန်းကို မကြာသေးမီကမှ ဆက်ခံခဲ့သည့် သူမ၏ မြေးတော်ဘုရင်မကြီးElizabeth IIက အမွေဆက်ခံရရှိခဲ့ပြီး Elizabeth သည် ရှည်လျားလှသော နန်းသက်တစ်လျှောက်လုံးတွင်ဒီသရဖူကိုဆင်မြန်းခဲ့ပါတယ်။ ဒီအချိန်မှာတော့ဗြိတိသျှတော်ဝင်မိသားစုလက်ဝယ်မှာတည်ရှိပါကြောင်း။ #အမုန်းစာမျက်နှာ
