17/10/2026
වර්තමාන ප්‍රබල ඉන්දීය කන්ඩායමට එරෙහිව ඔවුන්ගේ රටටම ගිහින් සාර්ථක වෙනවා කියන්නේ ලේසි කෙලියක් නෙමෙයි. වර්තමානයේ ඉන්දියාවට ඔවුන්ගේ රටේදිම මතක හිටින්න ගැහුවේ ස්ටීව් ස්මිත්, ට්‍රැවිස් හෙඩ් සහ ඩැරල් මිචෙල් විතරයි.
දැන් ශායි හෝප් ඉන්දීය ප්‍රේක්ෂකාගාර මීයට පිම්බාක් කරමින් ඉන්දියාවට උන් හිටි තැන් අමතක වෙන්නම සලකනවා!
මෙවර ඉන්දීය තරග සංචාරයේ,
දෙවෙනි එක්දින තරගයේ ශතකයක්...
තුන්වෙනි එක්දින තරගයේ ශතකයක්...
පලවෙනි විස්සයි විස්ස තරගයේ අර්ධ ශතකයක්...
දෙවෙනි විස්සයි විස්ස තරගයේ ශතකයක්...
දැන් සිව්වන විස්සයි විස්ස තරගයෙත් ශතකයක්...
මේ ශතක අතරින් කොදෙව් ඉතිහාසයේ හොඳම එක්දින සහ විස්සයි විස්ස හඹායෑම් සිදු කරන්න රැස්කල ශතකත් ඇතුලත් වීම විශේෂත්වයක්...
අදත් කොදෙව් මිනිස්සුන්ගේ බලාපොරොත්තුව වෙච්චි හෝප් කොදෙව් බලාපොරොත්තු ඉටු කරපු සුන්දර දවසක්...
ඒ අනුව දැන් හෝප් ජාත්‍යන්තර විස්සයි විස්ස පිටියේ ලකුණු 50ට වඩා ඉනිම් 16ක් රැස් කරලා තියෙයි. මේ විශිෂ්ඨ ඉනිමත් සමගින් දැන් කොදෙව්වන් වෙනුවෙන් ජාත්‍යන්තර විස්සයි විස්ස පිටියේ වැඩිම 50+ ඉනිම් රැස් කල පිතිකරුවා ලෙසින් ක්‍රිස් ගේල් සමග සම තැන ගන්න හෝප්ට පුළුවන් වුනා.
වර්තමානයේ දිනෙන් දින ලීග් පිටිය ක්‍රීඩකයින් ඩැහැ ගනිද්දී සල්ලි වලට රට අමතක කරලා ක්‍රීඩාවෙන් සමු අරන් ලීග් ක්‍රීඩා කරන්න යන ක්‍රීඩකයින් අතරේ තමන්ගේ දූපතේ වැසියන්ගේ බලාපොරොත්තු අංක එක කරගෙන කොදෙව් ජර්සියට අංක එක දීපු මනුස්සයෙක් මේ...
පරිපාලනය අතින් දුර්වල ආර්ථිකය අතින් අනිත් ක්‍රිකට් ආයතන එක්ක බලද්දී දුප්පත් ක්‍රිකට් පාලක මණ්ඩලයක් පවා තිබියදී බොහෝ සුපිරි තරු රට අතහැරලා ලීග් පිටිය තෝරා ගනිද්දී හෝප් ඒ සියල්ලට වඩා රට අංක එක කරගෙන නායකත්වයේ කටු ඔටුන්නත් හිසේ දරාගෙන කොදෙව් ක්‍රිකට් යලිත් ලෝකයේ තේජාන්විත තැනකට රැගෙන එන්න සෑහෙන වෙහෙසක් දරනවා.
මේ තමයි උපන් බිමට ණය නැති වීරයෝ..❤️
✍️ | Rishie Bro
