Crystal Light 琰飾 / Crystal Light Lapidary 琰飾寶石師專頁

Home
Hong Kong
Hong Kong
Crystal Light 琰飾 / Crystal Light Lapidary 琰飾寶石師專頁

Whatsapp ：6675 1173 Mr. Garry
WeChat ID: Crystallightgarryma
Instagram: crystallighthk

水晶文化在香港已有二十多年的歴史, 很多客人好奇為何小小 Crystal Light 琰飾會不停出現新品種的水晶和寶石, 原因就是小弟從小就接觸水晶寶石, 所以很了解整個水晶寶石行業在香港的興衰史. 直到現在熱情還在持續燃燒，每天還在吸收寶石行業的最新知識，發掘不爲人知卻令人類泙然心動的水晶和寶石帶到你們眼前。

坊間很多關於水晶和寶石的繆誤, 亦源於這廿多年的發展中的分支錯誤的資訊。正统的水晶學問源於西方, 源自心靈，有時間大家可以交流一下啦！

01/05/2026

踏入英國🇬🇧既春天，除了早晚收太陽🌞後有點凍，其他時間溫度都係非常舒適 😊，尤其係陽光☀️普照，風和日麗既日子，簡直就係舒服到一個點。如果撞上負電費時段，還可以任意免費用電煮嘢食開暖爐洗衫開乾衣機沖涼，生活上滿滿的幸福感 ☺️。

英國🇬🇧既春天周圍都充滿生機，由三月開始不同品種鮮花輪住盛放，有d喺樹上，有d喺地下。花期完結後就輪到嫩綠既草同樹葉，同蔚藍既天空產生強烈視覺對比；和冬天真係兩個世界，所以英國🇬🇧既花園其實只可以用得半年，等你種吓嘢，出去坐吓吹吹風，一到冬天根本無人會喺花園逗留，凍都凍S 唔好話種嘢 😂。

其實間屋都未攪掂，還有好多地方要處理，不過太舒服都懶得處理，用得就算用住先，有靈感到有閒錢先再慢慢執 😝。

24/04/2026

2021年3月11號申請 BNO VISA,
2021年4月11日批出簽證，
2021年6月2號入境英國 🇬🇧。

然後不知不覺唔知點樣，就經歷咗近 5 年時間 🤔。

2026年4月11號 BNO VISA 到期，最早提前28日可以申請永居。成個冬天攪到個人都好懶，但得閒就做吓 research 攞定資料，到 2026年3月15號星期日當日day off就申請，申請費係 3029磅，即係3皮港幣 😭 ，好想搶到快證 😖，比多500磅 5 個工作日有結果，不過當日瞓醒已經早上9點，仲搶乜👻快證 😓？另一方面個腦盤算緊慳返500 磅咪可以買好多嘢咯 😝 ! 但係打手指摸免費時段要等兩個星期 😒，唯有課金60磅買時段 3 月19號打手指摸 😭，禾一手好牌應該都唔使等24個星期掛 😁？

個心理狀態係:
第一個星期，無，係正常☺️
第二個星期，點解仲未有聲氣 😒？
第三個星期，好多人慢證已經批出，點解禾仲未批既 😓？
第四個星期，一日 check n 次 email, 怕 miss 咗可能出現既補交電郵，唔回覆當你withdraw ，導致過期居留咪大獲 😱？

踏入第五個星期，已經 check 到癲咗😵，唯有過去利物浦放鬆吓，不過都係無乜心情，白走一趟。

在等待一個月零三日後，早上8點19分，瞓醒就收到批出永居既電郵，一天都光曬 😘!

之前喺度諗：禾有好多嘢家品要買🤔，如果批出永居就大買特買 😝，又要食餐好既慶祝🎉 吓... 到真係批出個感覺原來只係心如止水，之後只係出去 city 行吓，去中超買急凍小籠包慶祝🎉，初夏既英國🇬🇧風和日麗，好珍貴，唔可以浪費 😎。

而家總算咩都穩定落嚟，有個國家🇬🇧可以永久居留，買到間屋可以容身，有份半政府工打吓，總算係翻身成功架喇 😝。

人生只有幾次翻身機會，錯過就錯過，禾都錯過幾次大既機會，所以今次要好好把握 😁。

22/04/2026

消失一段時間，其實係要準備申請英國🇬🇧永居，努力咗 5 年，今早終於有回報 🥰。等咗一個月，入紙後每天都忐忑忐忑, 點解咁耐都未輪到自己架 😓？

今日開始禾可以加大投資英國🇬🇧喇，就係買買買買買 😝!

31/01/2026

計去年十二月同一月瘋狂開 OT 之後 😭，放兩星期大假，第一次喺自己屋企放大假，好安靜🤫，享受好好休息 😊，真係唔使點出街 😝。天氣唔算好凍，但都係凍，又陰天又落雨。尋日舊屋主由倫敦上嚟，清走車房d雜物，不佢話需要多幾個星期，擺咁耐禾都無收佢租 🙄。

禾呢d自閉人士為免同陌生人碰面 😝，尋日走咗去大名鼎鼎既 ... Worrington, 完全唔知點解咁多香港🇭🇰人湧去 Worrington, 山卡拉夾喺曼城同利物浦中間，因為只需要一程巴士一日巴士飛個幾鐘就到，等禾去睇睇 Worrington有乜咁特別先？😎

巴士到總站就係市中心，相對其他大 town 嚟講 Worrington 個市中心都算幾大，都好好行。有大商場，舊建築物好靚好古色古香，中間夾雜住新建築物，也感覺無咁雜，好多意大利🇮🇹餐廳，應該都好多意大利🇮🇹人聚居；香港🇭🇰人開既鋪頭有模型鋪，剪髮鋪，雜貨店，華人🇨🇳開既餐廳中超都有，本地🇬🇧連鎖店當然都不少，所以購物都不成問題 😎。出名既香港🇭🇰人村禾就無去，因為遠離市中心又係私人住宅，去嚟做乜 😁？當然路上都見到不少香港🇭🇰人啦。

退休可以選擇住 Worrington, 但要返工就要諗吓，佢離辦公室集中既曼城市中心同利物浦市中心都有一段距離，唔適合禾 😌，去玩吓就得 😁。

06/01/2026

英國 🇬🇧 呢個星期寒流 🥶，呢幾日都係零下幾度 🥶，而家仲凍到零下 7 度 🥶。本來零度以上都唔使開暖氣，但零度以下真係唔開唔得，英國🇬🇧電費好嚇人，因為開咗暖氣一日電費係... 2磅, 點知比 d 同事話點解你 2磅 ...咁少？我一日都 8 磅啦 ! 哈，呢 d 就係屋大同屋細既分別，永遠都係講 running cost，唔好貪屋大好似好威咁 😎。

返工出去就打孖兩件摟 + USB 電熱棉衣 + 加無限個暖手寶，鬼叫住得咁近無車搭只可以行路返工 😂, 落完雪🌨️後周圍都係黑雪，又濕又 sin 麻煩到 S 🙄.

夜晚咁凍禾寧願返工，因為公司有暖氣同熱水丫嘛 😁。

31/12/2025

還有兩個鐘英國🇬🇧就踏入2026年，2025年都過得唔錯，雖然有小緊張既時刻（差d買唔到樓😓），但財運係 Ok der, 各方面都 Ok 😁。

2026年都有幾樣重要事情要做，26-27年都係赤馬紅羊，世界都不會太平，但總會有生存空間既 😃。

23/12/2025

2025年英國🇬🇧經濟不好，其實全世界都不好，所以今年聖誕🎄市道當然都好淡靜，實體商店係有消費的，不過好似集中於平價超市同商店，應該都轉到網上消費。

搬咗入屋23日，每日都忙不同既事，又凍，直頭無跟傳統同 d 鄰居打個招呼，直到收到樓上放低既聖誕🎄卡就知瀨嘢 😓。究竟禾幾耐無買過同寄過聖誕🎄卡呢 🤔？出去諗住買d 一pack幾張既細卡，點知周圍都無貨，又唔想買貴卡，跟住就發現有套特價 DIY 卡 6 張，買多幾張派比周圍 d 鄰居，都唔知係乜就買咗返去，打開點知原來真係 DIY 要做勞作，真係伏 😓。

今年收到幾張聖誕🎄卡，禾都仲未理解得到呢 d 英國🇬🇧人既情感，總之唔好叫禾去開 party, 聖誕🎄期間寧願開 OT 賺咗幾個 💰好過，公司又有暖氣😍。

今年超市有 5p 聖誕🎄蔬菜🥬賣，5p 係咩概念？應該係 5 仙港幣一袋？新聞話比 d 農民👨🏻‍🌾小到 PK, 話做爛市，不過禾係唔會同💰鬥氣架，一年都係賣幾日之嘛 😁!

16/12/2025

今個星期放 AL, 等咗兩個星期今日終於有人嚟裝寬頻，英國🇬🇧 d 寬頻貴到一個點 🙄，十幾年前香港100MB 都只係99蚊，英國🇬🇧135MB 要25磅，而且年年加價 😡，不過無寬頻就生活唔到 😒。

個技工喺勁厚既墻鑽孔裝寬頻線，但居然唔係好嘈，究竟用咩牌子電鑽 😱？禾都要買一把 😝。前後攪咗45分鐘左右，禾就喺廚房一路放空一路等😴。呢個屋苑好多貓🐱，所以應該唔會有老鼠🐭，禾印象中有四隻神獸🐱，喺廚房45分鐘期間已經先後出現三隻🐱坐喺同一個位置上面 😁。咪以為佢地係好朋友，成日會聽到佢地用貓貓話🐱大聲鬧交 😝。

至於禾會唔會養返隻加菲貓？就要視乎永居結果如何，同埋仲有無心情養🐱，因為一養就十幾廿年，想走開一陣都唔得，好大責任架 😏。

14/12/2025

整個11月都在螞蟻搬家，因為要趕及11月30日搬到新居，中間還要執好新居間房基本嘢先搬入去，其他位置再慢慢執，又要返工，又要搬屋，又要執屋，一個月起碼瘦咗10磅 😝。

每日就係計劃邊d先搬，邊日要執屋，到11月30號前還要執好住咗4年半既英國🇬🇧劏房準備交屋，真係忙到嘔血 🤮。

終於11月30號晚，放工即刻返去攞埋最後一箱行李，點都沖埋個熱水涼先啦 😝，最後交低鑰匙🔑，拜拜喇👋🏻，最開心係唔使再同d朱古力人一齊住喇 🎉🎉🎉😁。

其實禾唔介意同陌生人一起住，只係覺得都已經夠喇 ! 住英國🇬🇧劏房好多移英港人唔鐘意，都係果d不同原因啦，但係佢地忽略咗一樣好重要既嘢，就係英國🇬🇧劏房係雜費全包，咁樣對計劃儲錢💰買樓係財政規劃既一部分嚟架 🤓。

英國🇬🇧劏房禾只會同人講話
係 the place I live in, 但禾永遠唔會話go home, 因為喺禾個 concept, home 係要買，否則你永遠都唔會有得 go home 😁。

22/11/2025

1.2025年都算好熱，還以為冬天唔會好凍，11月中前還日日落雨打風，點知一到11月中終於嚟料... 零下既溫度，都住咗咁耐，已經習慣，而且還有冬日既陽光☀️，所以還可以。咁凍既天氣最期待就係返工，唔係因為努力，係因為有暖氣 😝

2.螞蟻搬家都搬咗 9 成，下星期電工過嚟裝燈換電制後，再搬埋其他私人嘢，下星期日就要搬入去，無得摘日子，喺英國 🇬🇧 生活，一切都係實際需要行先。

3.喺 Temu 買咗好多嘢，包括燈具，PVC 地板，保暖墻紙，窗簾，工程梯，抽氣扇等等；其他修補修補既嘢就 Poundland 入貨，英國 🇬🇧 你總會搵到賣平嘢既地方。今日發現 Temu 有個好正既功能 😱，就係“低價保證”，例如你上個月買件貨 20磅，如果今日個賣家減價，Temu 會退回差價比你下次買嘢用，所以得閒要睇吓上次買既嘢有無平到，今日總共退咗 24 磅 😝。

你以為去英國🇬🇧大型家品店買嘢質素會好 d? 其實都係大陸做既貨，只係包裝同牌子變了英文，同樣貨品價錢係貴一倍，所以買嘢還是價格行先 😎。今個月使錢使到怕怕😩，搬屋就知自己有幾多無謂嘢，新居只會買必需品，唔會大裝修，屋係買嚟住唔係展覽廳，不過 60 吋電子壁爐都係150磅有找 😍，又暖又靚又實用 😘。

3.今年冬天有新發現，當樹葉落曬後，發現周圍都係蘋果🍎 樹，蘋果🍎還要掛得好高添 😱。禾都可以喺後花園掉 d 蘋果🍎種子等佢自己慢慢生，都唔知幾時先有得食 😚。

17/11/2025

1.今日去間屋黐防偷窺貼 😎，住地下 d 鄰居會走來走去，唔想眼望望 😓 ，唯有貼膜。手機膜就貼得多，咁多咁大隻窗真係第一次貼，第一張失敗告終 😓，不過其實好快上手，第二張已經可以收貨 😁。防偷窺膜除了日間防偷窺之外，還可以減低紫外線進入屋內，減少傢私褪色，減少白內障風險，不過就要犧牲少少亮度🔆，會暗咗些少。晚上當室內光線比室外強防偷窺就會失效 🙄，所以下一步就係要訂購有個性感名字既 ... 幻影紗紗紗紗紗💋。

2.上星期趁有空擋走去考個英文試先，盛惠150磅，呢個試其實係考你吹水既能力 😝，個成績好似好勁，大部分香港人都係考到呢個成績，只可以話個試太容易考 😝。

3.最近先開始搜羅申請永居既資訊，原來同申請 visa 係兩樣嘢，會正式好多，即係難度高好多，唔可以出錯 😨，而家先識驚驚 😰。就算手執一手好牌，都要成事在天 🙏🏼。未批出永居身份就買樓，英國🇬🇧政府收緊移民力度沒有手軟，如果唔批咪 ... 😱 當海外物業投資咯 😓，始終好既物業唔係成日有，價錢又越來越貴，點都係要買咗先，唔係 d 水晶咪無屋企咯 😝!

Address

Hong Kong

Website

https://crystallightlapidary.boutir.com/

Alerts

Be the first to know and let us send you an email when Crystal Light 琰飾 / Crystal Light Lapidary 琰飾寶石師專頁 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Crystal Light 琰飾 / Crystal Light Lapidary 琰飾寶石師專頁:

Shortcuts

Want your business to be the top-listed Jewelery/watch Store in Hong Kong?