21/09/2026
اكبر مشكله بنقابلها الفتره دي
بعض الناس لما بتحب تشتري دهب بتدور علي ارخص سعر متوفر بصرف النظر هل السعر ده يتوافق مع العقل ولا لا
وعشان نوفر الف جنيه
بتلاقي نفسك بتدوخي بين المحلات عشان حد يرضي يشتريه واذا لاقيتي هتلاقي واحد عايز ياخده ويخصم بمزاجه وبدل الالف اللي وفرتيه هتدفعي مكانه عشره
طب فين المشكله حد عمل ناصح ودفع التمن
المشكله يافندم ان العميل ده مش بيغلط نفسه ولا بيقول أنا اللي استرخصت وعملت ناصح
للأسف بيخرج علي كل الصفحات
اصل بتوع الدهب فيهم وفيهم
ياسيدي مهنة الدهب زي مهنة حضرتك وزي اي مهنه بالعالم
لا كلها ملايكة ولا كلها شياطين
أنا لما بحب اشتري شقه بروح لمكان موثوق فيه ولو حصل اي حاجه هعرف اخد حقي
الغريبه ان نفس الشخص اللي بيروح يدور علي الارخص عشان يوفر كام جنيه في الجرام
هو نفسه اللي بيروح يشتري الموبيل من التوكيل ولما تقوله في السوق ارخص يقولك خليك ناصح لو التليفون حصل فيه حاجه هعرف اخد حقي من التوكيل انما بره مش هعرف اخد حق من باطل
طب يا ابو العريف ما الدهب اولي لان مشاكل الدهب دلوقتي والغش فيه اصعب من الموبيلات الف مره والتليفون راح ولا جه ده بتاع استهلاك وفلوسه بتتناقص انما مدخرات عمرك واللي ممكن تورثه لاولادك من باب اولي يكون من مكان مضمون
مش كده ولا ايه
