19/10/2025
_ماما هو انتي هتجيبي نونو ولد ولا بنت؟
قالها سيف ببرائه و هو قاعد جنبي
*امممم انت عاوز ولد ولا بنت ي سيفو؟
_انا عاوز بنت
*اشمعنا؟
_عشان لما تكبر ادافع عنها و احميها
ابتسمت وانا بسمعه بيقول كده و ضميته ليا اكتر سيف ابني هو نسخه مصغره من يوسف جوزي شبهه في كل حاجه قلبه كبير اوي و حنين على اي حد
=سيف باشا انا نازل عشان الشغل عاوزك تسمع الكلام و متعملش شقاوه كتير عشان متتعبش ماما معاك مفهوم؟
قالها يوسف و هو ضامم سيف ليه بجديه خفيفه
_مفهوم ي بابا انا هساعدها و مش هعمل شقاوه خالص بس انا وانت هنقسم الشغل علينا احنا الاتنين
=اي ده احنا هنقسمها ورديات ولا اي؟
_ايوه ي بابا انا هاخد بالي من ماما الصبح واساعدها وانت هتاخد بالك منها بليل اتفقنا؟
=اتفقنا ي سيف باشا عاوز حاجه ؟
_ لا ي بابا عاوز سلامتك ي حبيبي
ابتسمت وانا شايفاهم بيتكلموا قدامي سيف رغم صغر سنه الا انه ماشاءالله عاقل جدا و شايل المسئولية من صغره و يوسف هو اللي كان معوده على كده طبعا
^^^^^^^^^^^^^^^^^^^^^^^^^^^^^^^^^^^^^^^^^^^^^
بعد كام شهر في المستشفى قدام العمليات سيف كان واقف ماسك ايد باباه
سيف ببراءه
_بابا هو ماما و النونو هيبقو بخير صح؟
=اه ي حبيبي ان شاءالله مش انت دعيت لهم؟
_اه انا دعيت لهم كتير وواثق ان ربنا جميل و هيقبل دعوه سيف
يوسف شاله وحطه على رجله وضمه ليه
=انت اشطر ولد في العالم اصلا ي سيفو
_اسمها اي؟
قالها سيف وهو شايل اختو اللي لسه مولوده
=اسمها حنين ي سيف
_اهلا بيكي ي حنين انا سيف اخوكي الكبير سندك و ضهرك في الدنيا
^^^^^^^^^^^^^^^^^^^^^^^^^^^^^^^^^^^^^^^^^^^^^
سيف كان حنين جدا على حنين اخته كان دايما يلعب معاها و يغير لها هدومها و يحطها جنبه و هو بيذاكر و كان نهايه كل يوم يقعد يحكي ليا و ليوسف وهو مبسوط ان حنين قالت كلمه جديده أو مشت اول خطوه
_السلام عليكم ي ماما
قالها سيف وهو داخل من باب الشقه ابتسمت و رديت عليه السلام
_هي بتعيط ليه ي ماما؟
*مش عارفه ي عيون ماما من الصبح و هي عماله تعيط و مش راضيه تسكت
_طب هغير هدومي و اجي اخدها منك
*ماشي ي سيفو بسرعه
_ده انا عيوني لحبيب عيوني
ياربي مش عارفه هحبهم اكتر من كده اي بس بصيت على طيفه و هو بيمشي يدخل جوه وانا ببتسم
*طب انتي بتعيطي ليه بس دلوقتي انا على تكه و هعيط معاكي انا كمان والله
^^^^^^^^^^^^^^^^^^^^^^^^^^^^^^^^^^^^^^^^^^^^^
_انا جيت يلا هاتيها ي ماما انا هسكتها
*ي واد يعني انا قاعده من الصبح بحاول اسكتها وانت اللي هتعرف
_هاتيها بس و روحي شوفي اللي وراكي و اه صحيح بابا بيقولك حضري الاكل
*ماشي بس هو فين باباك مش راح يجيبك من المدرسه؟
_اه هو وصلني و قالي انه هيروح يجيب حاجه ويجي هاتيها بق
*طب تعالي اقعد وانا اديهالك
اديتهالو و دخلت اراقبهم من المطبخ اشوف هسكت فعلا ولا لأ بس الغريب انها فعلا اول ماسمعت صوته سكتت و بقت بتضحك و تلعب معاه
^^^^^^^^^^^^^^^^^^^^^^^^^^^^^^^^^^^^^^^^^^^^^
بعد مرور سنين كتير
*مالك ي حنون بتعيطي ليه
'سيف زعقلي انهارده في الجامعه قدام صحابي عشان هو كان قايلي متكلمش مع بنت معينه ولما جه ياخدني كانت هي واقفه معانا بس ي ماما والله كانت بتسأل على حاجه بس و ماشيه
*طب اهدي وانا هخلي بابا يكلمه
و لفيت ضهري عشان اطلع من الاوضه لقيتها ندهت عليا
'ماما
*ي نعم ي حنون
'ينفع متزعليش سيف عشان خاطري انا عارفه انه مكنش قصده يعمل كده
*حتى وهو مزعلك برضو قلبك عليه حاضر ي حنون مش هزعله هخلي بابا يكلمه براحه
*يوسف شوف ابنك عشان زودها المره دي اوي
=ليه بس اي اللي حصل
*زعقلها قدام صحابها في الجامعه
=متقلقيش هيتصالحو كالعاده
*اتمني ده بس ي يوسف و نبي كلمه براحه متقساش عليه
يوسف بحزن
=وانا من امتى بقسى عليهم ي مريم،حاضر
و لقينا سيف فتح الباب
=سيف تعالى عايزك
سيف كان شكله زعلان و مكشر
_حاضر ي بابا
جه قعد قدامنا و حط مفاتيحه و تليفونه على الترابيزه
_نعم ي بابا
=مريم ممكن تعمليلنا حاجه نشربها
انا كنت عارفه ان يوسف مش قصده أعملهم حاجه يشربوها هو كان قصده اسيبهم يتكلمو لوحدهم
دخلت اراقبهم من المطبخ عشان اشوف يوسف هيتصرف ازاي
=اي اللي حصل ي سيف
_محصلش حاجه مشكله صغيره و هنحلها سوا
=بس انا عاوز اعرف
سيف قال بعصبيه _بابا البنت دي مش كويسه وانا حذرت حنين كذا مره متمشيش معاها انا مش هستحمل اي حد يقول نص كلمه على اختي عشان خاطر بنت زي دي
=وده معناه انك تزعقلها قدام زمايلها في الكليه و تحرجها
سيف حط راسه في الأرض_بابا انا عارف اني غلطان و مكنش ينفع اعمل كده بس انا اتعصبت و معرفش اتحكم في اعصابي
=سيف اظن مش انا اللي هقولك تعامل حنين ازاي انت بذات الست يبني محتاجه اللي يحتويها ويطبطب عليها مش اللي يزعلها،اتفضل يلا نادي عليها صالحها قدامي يلا
سيف ابتسم _حاضر انا اصلا ميهونش عليا زعلها وكنت جاي اصلحها
'حضرتك ندهت عليا ي بابا
=اه ي حبيبتي سيف عاوزك في كلمتين
حنين بصت ل سيف بزعل و عتاب
_حنون انا اسف مكنتش قصدي اتعصب عليكي كده قدام زمايلك حقك علي قلبي
حنين خدت نفس و بعدين ابتسمت
'ماشي خلاص مش زعلانه بس بشرط
_قولي
'تجيبي لي حاجه حلوه كتير والا مش هصالحك
_مصلحجيه
'امال انت فاكر ي بيه اني هصالحك بالسهوله دي
_والله؟حيث كده بق ف انا لسه مخدتش حقي منك تعاليلي
' ي ماما
و طلعت تجري على اوضتها وهو بيجري وراها زي ما كانو أطفال سوا وانا بصيت ل يوسف و ابتسمت له يوسف مش بس اب لأ يوسف اخ كمان و بيعرف يحل المشاكل بسرعه و هدوء
^^^^^^^^^^^^^^^^^^^^^^^^^^^^^^^^^^^^^^^^^^^^^
_شامم ريحه ضفيره الطفوله
'بص ياض اختك بقت أجمل عروسه ازاي
=انتي فعلا بقيتي أجمل عروسه
'سيف انت بتعيط
_لا ده حاجه دخلت في عيني بس و هشيلها
' سيف بصلي يخرابي ده انت بتعيط بجد لا ونبي متعيطش انا ممكن انزل اقول ل يونس نلغي الفرح و اروح معاك والله
_بس ي عبيطه فرح اي اللي تلغيه و بعدين مش ده يونس اللي كلتي دماغي بيه و خلاص هيخدك مني ابن اللذينه
و حضنو بعض جامد وهما بيدمعو وانا دمعت وانا واقفه مع يوسف غصب عني و قولت له *احنا نجحنا ي يوسف عرفنا نعمل البيت اللي نفسنا فيه اللي مليان حب وحنان
هما شافونا و جم يحضنونا يوسف اتكلم بهزار=ينفع كده حضراتكو نكدتو ع المدام حجي
و ضحكنا كلنا
ظللت انتظرك ل ايام او ل شهور لا أعرف عددها حتى جئت انت وبدلت الحياه❤🥺💖
#انشاءكاتبه
قولولي رأيكم عشان محتاجه دعم
